¹ Agripa aon'ngodea Paulo, " Oopasa yongo sisako." Paulo aosakua njaga'ake na kpanga laba. ² Eme sisani nena fulaa, Mwame Agripa, ka bisa yongo ne mosa'ako kesane gua masitaki a Bayaudi, ³ asa kanyongo aubi desituli buli a Kiyaudi na uisia. Kadengadenga omookanea bokeboke. ⁴ Ka dhoni, Bayaudi bobu baubi namuna ne neyetuo ikika kpanga koganda namo subia nji namo na ka Yelusalema. ⁵ Baya ubi kegoa'ni, kabe baenei bakonde balekea u, kagea neye iki ubate Mufalisayo okpekpe a ka mosomba nasu. ⁶ Nemami moni bamo sambise kanyongo a mosenda namo subia boagi ne Mokonga ayagii mutaa baabasu. ⁷ Ane boagi ne okombo komi na ibee basendi patai bene bao abudu Mokonga akpe asii kiifha na sua mani, ane mosenda ne, mwame, aange Bayaudi bamositaki kao. ⁸ Kanyongo sina bogii ane egani gea Mokonga ao fufula baku?" ⁹ Saa mochi neye gii neopasa nefanye kema asii kina a Yeso muna Zaleti. ¹⁰ Neye gii n'ne ka Yelusalema. Neyeebwe bakpa batakatifo a Mokonga asii kenju a kifungo ka mamolaka ne neyepati mutaa mokota a bakoani, na saa ne bayatuo kuwa, neobeta sembe kanyongo'abo. Neyee beti saa asii subia sinagogi buli neo kengea ekakamisa ban'fhote mokonga. Neye beli asii guab'o na etesa ata ka mosomba a bageni. ¹² Saa ne neyetuo gea bene, neoga na Damasiki na mamolaka ne atoki mutaa mokota a bakoani; ¹³ na ka afhe, suan mani, mwame, neo ona obela atoki kegoo aolola ubate mani, aolola bibi'asu bobu na bune beyetu na eme ka tamba. ¹⁴ Saa ne besu bobu beyegu kaod'o, neo oka eso mochi ao yonga na eme ka kesambae a kiebulania, ' Saulo, Saulo, kanyongo sina oomo tesa bene? Ane akpe mutako ka beta echinji ka ngenge.' ¹⁵ Neogea, 'Obe ani Bosomwa? Bosomwa ao gea, Eme Yeso n'mbe oon'tesa. ¹⁶ Mama na echinji nako, kanyongo nekidiani mutako neko bise n'kpa a mokambo na musuud'a a kema n'ne oubi kegua'ni saa ne na kema ne nekoonisa ku mbusa; ¹⁷ neko lamisaae mutaa bakpa na mutaa bakpa a ka mokonda koni nekoteki, ¹⁸ kod'a iso'abo etokisa ka kadifhio bagee ka obela na toka ka kokobe a N'keti bogee mutaa Mokonga, ka bene baopasa bapate bosea a njambi na bo mutaa Moknga na uliti n'ne neebofhi n'ne asokosami ka belekea subia'ni. ¹⁹ Ka bene, Mwame, Agripa, kezalau'ake onekana a kegoo; ²⁰ alakini, ka bune a Damasiki mosa, na mbusa na Yelusalema, na ka n'nji buli a Yudea, goto mutaa bakpa a ka mokonda, neyeebofhi mbino ka gea baopasa batubue na ja mutaa Mokonga, begee mokambo anja ka tubua. ²¹ Kanyongo ne ange Bayaudi baya modungi subia ekalo na kengea bamomwe. ²² Ka bene neye pati bedea ne ayatoki mutaa Mokonga mopaka kesane, neomama na onisa mutaa bakpa aboa na bakpa angbo tafho kema angboo konyena ban'nabi na Musa baya labi n'ne ayapasi akidiane ²³ gea Klisto aopasa ateseke, na b'a a kwanja ka fufufka mutaa baku aya pasi aubilie ebela mutaa bakpa nasu na bakpa a ka mokonda." ²⁴ Bene Paulo aya gobi laba, Festo aoyonga na eso angbo, " Paulo, ona ganja; soma nako asii akofhi ganja." ²⁵ Alakini Paulo aogea, " Keake na ganja, n'kpa a esima asii Festo, alakini neoyonga yonga a dhoni na ukumu anja. ²⁶ Kanyongoo mwame aubi nyongo a kema ne; kagea neon'ngodea na bojeme, kanyongoo neubi gea tafho kema mochi n'ne aesomei mutake; kanyongo n'ne kanyeni'ake mbamba. ²⁷ Obelekei ban'nabi, mwame Agripa? Neubi gea obelekei." V 28 Agripa aon'ngodea Paulo, " Ka saa aboa oenei omuuube na galea'ni Muklisto?" ²⁹ Paulo aogea, " Neomema mutaa Mokonga, kabe ka saa aboa ao saa endaa, n'na tondo, alakini goto bobu buno baomooka kesane, baenei babe ubate eme, alakini kanga n'tongo ne a enju a kifungo." ³⁰ Kisa mwame ao mama, na mena'nji, na Bernike goto, na buno bayatuo ika na'abo; ³¹ saa ne baya toki ka n'tua, baoyongisana sisabo na gea, " Mogaa ne kaake'ake na kema ne aenei akuwe kao ao n'dungaake." ³² Adripa aon'ngodea Festo, " Mogaa ne aenei abe hulu kabe kaya moofhani'ake Kaisala."