¹ Bene, Festo aongia ka mossomba, kisa esa isalo, aotoka na Kaisalia mopaka na Yelusalema. ² Mokota a bakoani na Bayaudi angbo baobika na masitaki nabo gua Paulo, bao muisia asii ³ Baomuisia kanyongo a Paulo amoofane ka Yelusalema, kanyongoo bayan'bisii meeko bamwe ka afhe. ⁴ Festo aojibua gea ban'bise Paulo oma imochi ka Kaisalia, ne ye sisake ayagee fua soma. ⁵ " Alakini, bune baebei, " aogea, "baenei bagee na besu. Kabe n'kpa ne ana kema ajede, boopasa bon'sitakee." ⁶ Festo kaya iki'ake goto fua esa monane ao komi na bene aoga na Kaisalia, na mama nosi ao ika ka mbata a ukumu aogea geae ban'bike na Paulo mutake. ⁷ Saa ne aya kidi, Bayaudi ne baya toki na Yelusalema baomama bibi, baya biki na masitaki asii n'ne bakaya toki'ake onisa. ⁸ Paulo aolaba sisake na gea, " Kegi'ake jambi ka selia a Bayaudi ao ka ekalo ao mutaa Kaisala." ⁹ Alakini Festo ayakondi apate ekondi mutaa Bayaudi, aon'jibua Paulo na gea, " Ookonda ogee na Yelusalema neko sambise kofhi kegoa nyongo ne?" ¹⁰ Paulo aogea, " Nemami mosa a mbata'a ukumu a Kaisala oma ne neopasa samba. Negi'ake bojede mutaa Bayaudi, ubate bene oenei oube anja. ¹¹ Kabe netogii kema ajede na kabe netogii n'ne neopasa nekuwe kao, ke kpemi'ake nekuwe. Alakini kabe masitaki nabo ane jaai, tafho n'kpa ne aenei amobise kanjaga'abo. Nen'memi Kaisala." ¹² Kisa Festo aolaba na bakpa a ka n'tua, aojibua, " Omoofhani Kaisala. Ogaae muta Kaisala!" ¹³ Kisa esa aboa, Mwame Agripa na Bernike baokidia na Kaisalia katamba a bokota mutaa Festo. ¹⁴ Kisa ika'abo fua matu asii, Festo aoyonga nyongo a Paulo muta mwame; aogea, "Felikisi ayan'deketi n'kpa mochi moni ubate mufungua. ¹⁵ Saa ne neyetu na Yelusalema, mokota a bakoani na bagbega a Bayaudi baya bisi masitaki gua n'kpa ne mutamo, bao mema ukumu na n'dunga'ake. ¹⁶ Neo ejibua n'naake desituli a Baroma n'bisa n'fholea n'kpa mosa a sambe na bakpa ne bayan'sitakei na pata namuna a laba sisake gua masitaki. ¹⁷ Ka bene, saa ne baya biki bobu moni, keto bondei'ake, alakini mama nosi neye iki ka mbata aukumu nagea ban'bike na mogaa no. ¹⁸ Saa ne bakpa ne bayan'sitakei baya mami, bayan'sitakei ka kema mochi jaai n'ne neyeoni ane chuki. ¹⁹ Alakini bayatu na sani kanyongo a dhini nabo na kanyongo a Yeso n'mbo ayaku n'mbe Paulo aolaba geae aikiki. ²⁰ Netoo onjea nyongo ne, neon'ngode kabe aenei akonde gaa na Yelusalema abondee ukumu koni gua masitaki ne. ²¹ Alakini saa ne Paulo aya memi banchunge na bondea yonga a mwame, neogea ban'bise oma imochi mopaka bene nen'tekaae mutaa Kaisala." ²² Agripa aon'ngodea Festo, " Neokonda ne mooke mogaa ne." " Mama" Festo aogea, " Omookaae." ²³ Mama nosi, Agripa na Berike baobika na fulaa na n'bina asii, baobika ka n'tua na bakota a ba soda na bakpa angbongbo a ka mosomba. Festo, ao gea ban'bike na Paulo mutab'o. ²⁴ Festo aogea, " Mwame Agripa na bakpa bobu bune baiki na besu moni, booni mogaa ne; n'tunduko buli a Bayaudi baya mo memi na Yelusalema na moni goto, na koge'ani gea katoke ku aike. ²⁵ Keye dondi'ake kema ne aenei akuwe kao; alakini kanyongo ne baya moofhani mwame, neye oni anja ne'teke na Roma. ²⁶ Alakini kea'ke na kema a dhoni a andeka mutaa mokoo'ani. Ka bene, neton'biki naye mutako, Mwame Agripa, ka gea neopasa nepate kema angboo neandeke gua nyongo ne. ²⁷ Kanyongo aonekani gea n'naake anja nen'teke mufungua na keoni mbe masitaki nake."