¹ Kisa esa itano, Anania koani ongbongbo, bagbega imochi na molabi mochi ina'ake Tertulo baoga fua. Bakpa baon'sitakea Paulo mosa a mena'nji. ² Saa ne Paulo aya mami mosa'a mena'nji, Tertulo ao kpanga n'sitakea na n'ngodea mena'nji, " Kanyongoo ona bonjanja angbo, na bokichwa nako obikisi galekana anja ka nji nasu' ³ Besukulu na sesea kema buli n'ne ogii, n'kpa a esima asii Felikisi. ⁴ Ketoke ku neko lelise asii, kadengadenga oka yonga nasu bokeboke. ⁵ Kanyongo ben'dondi n'kpa ne ane n'njonjoko na ye ambe adeketi Bayaudi bobu batomboke ka mokonda. Ane mokota a dhini a Banazaleti. ⁶ Aya kondi goto abikise kema ajede ka ekalo, ane bene ange ben'dungi. ⁷ Lasiasi aya biki kon'bua ka bokpekpe kanjaga nasu, n'aake ka maandeko a kala. ⁸ Saa ne oomuisia Paulo ka nyongo ne bui, oopasa oube kema buli n'ne ben'sitakei kao." ⁹ Bayaudi goto bangi subia masitaki, beogea gea masitaki ne ane dhoni. ¹⁰ Alaki saa ne mena'nji ayagii {Paulo ayonge, Paulo aojibua, "Neubi gea one muamuzi n'mbe ootena selia kanji ne kpanga mwaka asii, na bene neolaba sisani na fulaa asii. ¹¹ Oenei o ube sisako gea kanyeni'ake mwaka komi na ibee kpanga bene neto gee ka abudua na Yelusalema. ¹² Saa ne baya modondi subia ekalo, keye n'tombokisi'ake n'kpa, na keye tombokisi'ake n'kindi a bapa ao subia sinagogi ao subia mosomba. ¹³ Baka toke ku bakoonise usuuda a masitaki n'ne baobisa gua'ni. ¹⁴ Alakini ne yongi n'ne mutako, gea ka afhe ne baofha dhini, neon'tomikia Mokonga a ba abasu, na belekea kema buli n'ne agee namuna imochi na selia na n'ne baya andeki subia ban'nabi. ¹⁵ Nena mosenda mutaa Mokonga, n'ne bakpa ne banee, gea ufufko a baku na bakpa a dhoni ba bakpa ajede aopasa abe. ¹⁶ Bene ange neo tomika kanga bojede na zamili anja mosa a Mokonga na mosa a bakpa. Kisa mwaka asii neto biki ka fhola egabo kanji namo na bisa fhela. ¹⁸ Saa ne neto gii bene, Bayaudi mochi bao toka na Asia baomo donda ka mokambo a esokosa subia ekalo, n'na na n'kindi a bakpa ao sani. ¹⁹ Bakpa ne bao pasa babike mosa'ako keekee na sitakea'ani, kabe bana kema imochi. ²⁰ Ao goto bakpa ne baenei bayonge kema ajede ne baya dondi mutamo saa ne neye mami mosa a n'tua a Bayaudi, ²¹ kabe tondo kayongo a kema mochi n'ne neye kogi saa ne neye mami subiabo, 'Atu kanyongo a ufufuko a baku aange ne biki ka ukumu mos'ako kesa ne.'" ²² Felikisi aya ubi anja kanyongo a afhe, ao sekedise okafha. Aogea, " Saa ne mokota a ba soda Lisiasi abiki toka na Yelusalema, neubaae yonga nako." ²³ Aongodea n'chungi gea ban'bise Paulo oma imochi, alakini abe na uhulu aboa na badake babike ka mofa'ake kema ne akondi. ²⁴ Kisa esa aboa, Felikisi aoja na n'kake Drusilia, n'mbe ayatu Muyaudi, na gaa muta Paulo ka oka mutake gua belekea subia Yeso Klisto. ²⁵ Alakini saa ne Paulo aya labi naye gua dhoni, na echunga na yonga, ukumu ne abika ku, Felikisi ao sokanaga na gea, " Gaa keekee ne. Alakini saa ne nebae na wakati mbusa, netakaae mutako." ²⁶ Ka saa no aya ubi geae Paulo amofaae bangoa, bene ao moofhanaga saa buli ka laba naye. ²⁷ Alakini kisa mwaka ibee, Porkio Festo aob'a mena'nji kisa Felikisi, alakini Felikisi aya bondei apate bonjanja mutaa Bayaudi, bene aon'deketa Paulo na ban'bwe.