¹ Paulo ao lenga jaa mutaa bakpa bune baya iki subia n'tua aogea, " Badani,Neye iki mosa'a Mokonga subia zamili anja mopaka ka matu nee." ² Koani ongbongbo Anania aoengodea bune baya mami fua ban'bete ka ebombo. ³ Paulo aon'ngodea, " Mokonga ako betaae, kibambazi ne ana dofhe. Okiki ka sambisa'ani ka selia, ogii bamobete, ka selia?" ⁴ Bune baya mami bibi'ake baogea "Kanyongo sina on'foti koani ongbongbo?" ⁵ Paulo ao gea, " Keo uba, baya, gea koani ongbongbo ayatu moni. Kanyongoo ba endeki, ' Kotoke ku yonga bojede a bakota a bakpa nako.'" ⁶ Saa n ePaulo aya oni gbutuka a n'tua a Basadukayo na Bafalisayo angboo, baoyonga na esao angbo subia n'tua, " Baya, nene Mufalisayo, muna Mufalisayo. Ane kanyongoo nena mosenda a fufuka a baku aange boomo sambisa kao." ⁷ Saa ne aya yongi bene, sani aokidiana mutaa Bafalisayo na Basadukayo, bao gabekana. ⁸ Kanyongoo Basadukayo bagii gea ufufuko n'naake bei, bamalaika bana'ake bei, loo n'na bei, alakini Bafalisayo beya ubi n'no buli. ⁹ Botela angbo ao kidiana, na baandeki mochi bune bayatu na Bafalisayo bao mama na laba, gea , " Beke oni'ake kema ajede mutaa n'kpa ne. Eke kabe loo ao malaika ambe aya yongi mutake?" ¹⁰ Saa ne sani angbo aya toki, mokota a ba sona ao tea gea baenei ban'tenege gbutuka gbutuka, bene aoengodea ba soda badide ban'bede ka bokpekpe subia bakpa ne bayatu ka masauli na n'bika naye subia n'tua. ¹¹ Mama nosi Bosomwa ao mama bibi'ake ao yonga, " Kotee mbe kanyongoo omo onisaae a Yelusalema, oopasa goto omoonise na Roma." ¹² Kan'bimba, Bayaudi mochi baomama na lapa, baogea geae baka tokeku lea na noa mopaka bamwe Paulo. ¹³ Bayatu boko konyena makomi gena buno baya tomboki. ¹⁴ Baoga mutaa koani ongbongbo na bagbega na gea. " Beto lapi ka lambe angbo kanga lea na noa kema mopaka bemwe Paulo. ¹⁵ Ka bene, n'yua an'ngodee mokota a ba soda ban'bike neye moni mutako, bene kabe okondaae nyongo ne anja asii. Mutasu, bene tayali bemwe mosa abike moni." ¹⁶ Alakini moganda a muna'amake na Paulo n'mbe aya dai na'on'bondea, aobika na ngia ka n'tua na n'ngodea Paulo. ¹⁷ Paulo aon'fana n'chungi mochi na gea, " N'beda michi'a ganja ne gaa naye mutaa mokota a ba soda, kanyogoo ana kema ne aokonda an'ngodee." ¹⁸ N'chungi aon'beda michi'a ganja na n'bika naye mutaa mokota a ba soda na gea, " Paulo n'mbo bayan'ndungi ato moofhani, aomongodea na n'bike na michi'a ganja ne mutako. Ana kema ne aokonda akongodee." ¹⁹ Mokota a ba soda aon'beda ka njaga aoga naye mbamba na muisia, " Kema sina ookonda omongodee?" ²⁰ Michi'a nganja aogea, " Bayaudi bato oka ni ben'bike na Paulo mama ka n'tua, bene kabe baenei babike bausie anja ka nyongo ne. ²¹ Alakini baka ko kakamise mbe kanyongoo bane bakpa asii konyena makomi gena bune baodaa kan'bondeaga. Baya lapi sisabo na gea baka toke ku lea na noa mopaka bamwe, Ataa bene baikin tayali, bao bondea yonga nako." ²² Mokota a ba soda aon'deketa michi'a nganja agee kisa n'ngodea, " Kon'ngodea n'kpa kema ne omongodei." ²³ Ao ebofhana ba soda nake ibee na gea, " Bisani ba soda mia ibee tayali bagee mopaka mutaa Kaisala, na boko makomi saba goto buno bao uba kpata gua ponda, na boko mia ibee ban'maki ekonga. Boedeketaae na saa isalo a kiifha." ²⁴ A gotoo engode babise banyama ne Paulo aopas akpate guabo na gaa bonjanja mutaa Felikisi men'anji. ²⁵ Ao endeka balua bene: ²⁶ Klaudio Lisia mutaa Mena'nji ongbongbo Felikisi, samba. ²⁷ Bayaudi bato n'dungi mogaa ne kanyongoo bamwe saa ne neto biki mutabo na ba soda na n'lamise, kpanga bene naye ubi gea ane Muroma. ²⁸ Neto kondi neube kanyongo sina ban'sitakei kao, bene neton'buu neoga naye kan'tua nabo. ²⁹ Neo ona gea ane kanyongo a selia nabo, alakini n'naake nyongo ne n'kpa aenei akue kao ao ngia kenju a kifungo. ³⁰ Baomoongodea gea ane kema ne bapangi gua mogaa ne, kagea nen'teke mala imochi mutako na engodea basitaki nake nebise ukumu guake musa'ako. Agaye." ³¹ Bene ba soda bao oka mopango nabo. Baon'beda Paulo baon'bika naya kiifha na Antipatri. ³² Mama nosi, ba soda asii bao edeketa bakpati punda bagee naye baje na n'tua. ³³ Saa ne bakpati punda baya kidi na Kaisala bao mofha mena'nji balua, bagotoo n'bisa Paulo mosa'ake. ³⁴ Saa ne mena'nji aya somi balua, ao uisia ambe Paulo atoki ka mosomba sina. Saa ne aya ubi gea ayatoki na Kilikia, ³⁵ aogea, " Nekookaae anja saa ne basitaki nako babika ku, " Aogea banchunga ka n'tua a bokota a Herode.