¹ " Ba'abe na badani, okani bolabi namo n'ne neobisa mutanu." ² Saa ne n'kindi a bakpa aya oki Paulo ao laba ka kesambae a Kiebulania, bao dakana. Aogea, ³ Eme nene Muyaudi, ne bokotani na Tarso ka Kilikia, alakini neye ejifunji ka mosomba ne ka echinji a Gamaliele. Baya mo fundisi ka afhe mochi a selia a ba abasu. Nene mojeme mutaa Mokonga, ubate bene bokau kesa ne. ⁴ Neye etesi ka afhe ne mopaka kukwa, na tunga boko na bake bubo kenju a kifungo, ⁵ bene koani ongbongbo na bagbega baya moonisi. Neye pati balua toka mutab'o kayono'a badasu ka damasiki, netogee fua na bika na'abo na neelingii mopaka na Yelusalema bapate gbutu. ⁶ Saa netu ka tamba na kidia bibi a Damasiki, bibia saa sita a sua mani mala imochi obela aotoka kegoo ao kpanga lola bibi'ani. ⁷ Neo gua ka od'o neo oka eso mochi amongodei, ' Saulo, Saulo, kayongo sina oomo tesa bene?' ⁸ Neojibua, ' Obe ani, Bosomwa?' Aomoongodea, ' Eme Yeso a Nazaleti, n'mbe oon'tesa.' ⁹ Bune bayatu na eme baya oni mobiebie, alakini bakaya oki'ake eso n'ne ayatuo laba na eme. ¹⁰ Neogea, ' Neopasa negee kema sina, Bosomwa?' Bosomwa aomoongodea, ' Mama gaa na Damasiki. Fua bakongodea keme bubuli n'ne ogaeku.' ¹¹ Keye toki'ake neone kanyongo a lola a obela no, bune bayatu na ema ka tamba ange baya mo bedi ka njaga, neokidia mopaka na Damasiki. ¹² Fua neondonda mogaa mochi ina'ake Anania, n'kpa ne aubi selia na uba yonga ka Bayaudi bobu bune bayatuo ika fuamo. ¹³ Ao bika mutamo, ao mama, na gea, ' Munan'ma Saulo, onafha.' Na sa no imochi neo onafha. ¹⁴ Aogea, ' Mokonga a ba'abasu aya ko somgu oube ekondi nake, omoone N'kpa a dhoni, ne oka eso ne atoki ka ebombo nake sisake. ¹⁵ Oba'ae musuuda nake mutaa bakpa bobu kine otooni na oka. ¹⁶ Namuna sina oobondeaga? Mama bako batize, na sokosa jambi nako, ofhane ina'ake.' ¹⁷ Kisa jaani na Yelusalema, na saa ne netuo mema subia ekalo, njiki aomo bed'a. ¹⁸ Neo moona aomo'ongodea, ' Gamisaga, toka ka Yelusalema mbango, kanyongo baka belekee ku usuud'a nako kego'ani.' ¹⁹ Neogea, ' Bosomwa, baubi sisab'o gea neyetuo dunga na beta buno bayatuo kobelekea subia kila sinagogi. ²⁰ Saa ne majia a n'kpa a mokambo nako Setefano aya du'ukani, neyetuo mama na belekea, na kumba ngombe a buno bayatuon' mwa.' ²¹ Alakini aomoongodea, ' Gaa, kanyongoo neko teka'ae danga mutaa bakpa a ka mokonda.'" ²² Bayo mooki ka bolabi no. Bao koga na eso'abo baogea, " N'kpa ne atoke ka od'o, kanyongoo katoke ku aike kanga kuwa." ²³ Bao koga na maka ngombe nabo na ebuu kegoo. ²⁴ Mokota a ba soda aogea Paulo abika ka n'tua nabo. Aogea bamuisie koni bene ban'beti gbutu kanyongo ye sisake aube geae kanyongo sina batuo tata namuna no. ²⁵ Saa ne bayan'lingii na ngoli, Paulo aon'ngodea mokota a ba soda n'mbo aya mami bibi'ake, " Ane anja mutanu bon'bete n'kpa aambe ane Muroma na kapati mbe ukumu? ²⁶ Saa ne mokota a ba soda aya oki bene, aoga mutaa mokota ongbongbo nan'ngodeaka, aogea, " Kema sina oogea ofanye? Kanyongoo mogaa ne ane Muroma." ²⁷ Mokota aobika na n'ngodea, " Mongodee, one Muroma?" Paulo aogea ," Eya." ²⁸ Mokota aon'ngodea, " Ane ka esabo a bangoa asii n'ne neyepati konichi'anji." Alakini Paulo aogea, " Nebokotani Muroma." ²⁹ Bakpa no batuo ga ko muisia baon'deketa mala imochi. Mokota agotoo ba na tea, saa ne aya oki gea Paulo ane Muroma, kanyongoo bayan'ndungi. ³⁰ Mama nosi mokota ongbongbo aya kondi aube dhoni kanyongo a masitaki a Bayaudi gua Paulo. Bene baon'koda ngoli na n'ngodea mokota a bakoani na bakpa a fheli badondane. Baon'bikisa Paulo subiabo.