¹ Saa ne beto deketani naabo beoga ka ob'a beo kidia ka nji a Kosi, mama nosi beokidia ka mosomba a Rodo, beotoka koni beokidia kanji'a Patara. ² Beye pati ketange ne aojaba na Foinike, beokpata kao beoga. ³ Kisa beokidia ka isege a Kipro, beo deketa njaga a n'kei beoga mopaka ka Suria beobisa ete kanji'a Tiro, fua baya didisi n'kumba subia ketange. ⁴ Saa ne beyaoni banafunji, beo ika koni esa saba. Ka Loo Motakatifo baon'kakamisa Paulo nan'ngodea kagee mbe na Yelusalema. ⁵ Beye nyenisi esa no, beotoka beoga nasu, na bobu, banichi na bake baoso deketa ka afhe mbamba a mosomba. Kisa beobeta moan'kuu kubi, beo mema, ⁶ beongodeana bogaye. Beokpata ka ketange, baoja nabo mutabo. ⁷ Ataa bene beye toki na Tiro beokidia ka Tolemai. Fua beyee sesei badasu na ikika naabo esa imochi. ⁸ Mama nosu beotoka beoga Ka Kairsaria. Beongia kenju a Filipo muubili a enjili mochi a buno saba, beo ika naye. ⁹ Mogaa ne ayatu na baseka gena bune bayatuo fholea on'nabi. ¹⁰ Kisa ikika koni matu asii, n'nabi mochi ina'ake Agabo ao kidia katoka na Yudea. ¹¹ Ayabiki mutasu aoboa n'tongo a china'a kudu a Paulo, ao lingia ka echinji na njaga'ake aogea, " Loo Motakatifo agii bene, ' Bene anga Bayaudi a Yelusalema ban'lingiaae n'kpa mochi na n'tongo a china'akudu naka, na n'dungaake ka njaka a bakpa a mokonda.'" ¹² Saa ne beye oki kema ne, besu na bakpa ne baya iki oma no boen'dengemisa Paulo kagee mbe na Yelusalema. ¹³ Paulo aojibua, " Kema sina bogii bena, boogana na buna meema namo? Kanyongo nene tayali, n'na tondo lingiani na ngoli, alakini goto ka kuwa na Yelusalema kanyongo a ina'a Yeso Bosomwa." ¹⁴ Kpanga saa no Paulo kaya kodi'ake ben'kakamise na yonga, beo dakana na gea, " Ekongi a Bosomwa a kidiane." ¹⁵ Kisa matu no beo boa omuna nasu beo dafha na Yelusalema. ¹⁶ Banafunji baya toki na Kaisalia. Baon'bika na n'kpa mochi ina'ake Mnasoni n'kpa a Kipro, mwafunji a kala n'mbe beye iki naye. ¹⁸ Mama nosi paulo aoga na besu mutaa Yakobo, bagbega bobu bayatu fuamo. ¹⁹ Kisa esesea ao engodea nyongo asii n'ne Mokonga aya gii subia bakpa aka mokonda ka nyenea uduma nee. ²⁰ Saa ne baya oki bene, baon'dokomisa Mokonga, na n'ngodea, " Booni, munamasu, elefu engaani a bakpa a ebokoti a Bayaudi ba belekei. Bobu bana siki'a bea selia. ²¹ Baengodei nyongo nako gea ofundisi Bayaudi bune baiki na bakpa a ka mokonda gea ban'deke Musa, gea aengodei baka guse banichi'abo ganja, na baka tambe sawa na kema a kala. ²² Beopasa gea kema sina? Bene baokaae okidiani moni. ²³ Gea kema ne bakongodei. Bena bakpa gena benu baya bisi n'sege. ²⁴ Boa bakpa ne boosokose sisanu, lipa mokambo nabo, kanyongoo ba tene seka'a moo nabo. Kanyongoo kila n'kpa aube geae kema ne bayongi kegoako ane mbea. Baube gea ooika ka maisa anja, na esimia selia. ²⁵ Alakini kanyongo a ka mokonda bune babelekei, beye endekei gua mopango nasu gea baopasa echunga sisab'o na kema ne ba fholei ka mokombe, na magia, na kema ne aku sisake na otungo." ²⁶ Aange Paulo booko, na mama nosi bao esokosa. Baoga ka ekalo, aoengodea saa esa a esokosa aya pasi akidiane na egabo ayapasi abe mosa a kila n'kpa. ²⁷ Saa ne matu saba ayatu bibi a sia, Bayaudi mochi baotoka na Asia, bao moona Paulo subia ekalo, ao mamisa bakpa bobu na n'fangisa njaga. ²⁸ Bao koga, " Bakpa a Isilaeli, boso bedee. Mogaa ne aambe ao efundisa bakpa bobu oma buli kema ne agee mbamba na bakpa, a selia na oma nee. Abiki na Bagiliki subia ekalo na uja ama motakatifo." ²⁹ Kanyongoo baya moonimosa Trofimo mosa n'kpa a ka Efeso ka mosomba, bao ubate gea an'biki naye subia ekalo. ³⁰ Nungu nungu aogia subia n'nji buli, bakpa baoga mbango na n'dunga Paulo. Baon'tokisa ka n'tanga a ekalo, mala imochi bao daka iso a n'pome. ³¹ Bene bayatui kengea ola'ake, mbino ao kidia mutaa mokota a basod'a, gea Yelusalema bui ayatu na nungu nungu. ³² Mala imochi ao eteka ba soda ka n'kindi a bakpa. Saa ne bakpa baya mooni mokota a ba soda, bao deke n'beta Paulo. ³³ Mokota a ba soda ao sekeda aon'beda Paulo, aogea ban'lingie na n'tongo ibee. Ao euisia agii kema sina na ane ani. ³⁴ Ka n'kindi a bakpa baokoga kema mochi na bunangboo kema angboo. Kpanga saa no mokota a ba soda kaya toki'ake aube dhoni kanyongo a botela, aogea gea ban'bike na Paulo subia n'yua. ³⁵ Saa ne aya kidi bibi, ba soda baon'kumba kanyogo a bela a n'kindi a bakpa. ³⁶ Kanyongo n'kindi a bakpa ayatuo bika mbusa'abo na koga asii danga na'abo. ³⁷ Bene bayatuo gea bakidie na Paulo ka n'tua, aon'ngodea mokota a ba soda, " Neenei neko ngodee kema imochi?" Mokota a ba soda aegea, " Oo uba Kigiliki? ³⁸ N'na obe ambe Mumisili no n'mbo aya tomboki keekee ne na gaa na baoli elefu gena ka ndula?" ³⁹ Paulo aogea eme nene Muyaudi a n'nji a Tarso na Kilikia. Nene n'kpa a mosomba a jaai. Ka denga denga, deani ne yonge mutaa bakpa." ⁴⁰ Saa ne mokota a ba soda ayan'ngodee a labe, Paulo ao mama ka ngango ao fahngisa bakpa alama na njaga. Saa ne bakpa bobu baya dakani, aoengodea ka kesambae a Kiebulania. Aogea,