¹ Batea bui aosia, Paulo aoga mutaa banafunji kisa ekpekpemisa, aoengodea bojigaye kisa aoga na makedonia. ² Saa ne ayagee ka mosomba no na laba yonga asii aekakamisa, aoga Giliki. ³ Kisa gob'a songe isalo fua, baon'lekea meeko na Bayaudi bene ayatu bibi adide na Sulia, aogea neopasa neje na Makedonia. ⁴ Aoga kimochi ka Asia na Sepetori muna Pirusi a Beroya; Aristarko na Sekundo, bobu bakpa a Tesalonika; Gayo n'kpa a Derbe; Timoteo; na Tikiko na Trofimo toka ka Asia. ⁵ Alakini bakpa ne bayagee mosa'asu na bondea'asu ka Troa. ⁶ Beodida toka ka Filipi kisha esa a n'bako kanga soa, na ke'sa itano beokidia ka Troa. Beo jiga fua esa saba. ⁷ Esa a kwanja a poso, beodondana oma imochi ka buna n'pako, Paulo aoelabea babelekei. Aya pangi atoke mama nosi, ao sekedisa mbino nake mopaka saa sita a kiifha. ⁸ Obela asii ayatu kenju a kegoo oma ne beyebiki ka dondana. ⁹ Moganda mochi aya iki ka dilisa ina'ake Eutiko, aogua subia too angbo. Bene Paulo ayatuo laba saa asii, too aon'beda moganda no aogua kaod'o toka ka ngango a isalo baon'bonye naayo dusukani. ¹⁰ Alakini Paulo aodida, ao eoyea gauke, na n'kotoa'ake. Aogea, " Boko uzike goto, kanyongo kakua'ke. ¹¹ Aod'afha goto kegoo na b'una n'bako na lea. kisa ika na'abo saa asii mopaka kan'bimba, ao toka. ¹² Baoja na moganda no na'onafha baofulaia asii. ¹³ Beoga na Paulo ka ketange na dida mopaka Asosi, fua beye pangi bengie na Paulo subi. N'ne ange ye sisake aya kodi gea, kanyongoo aya kondi anyene ka'afhe a ka'odo. ¹⁴ Saa ne aya so dondi ka Asosi, beon'kumba subia ketange beoga na Mitilene. ¹⁵ Beotoka fua beokidia mama nosi kubi'a kesanga a Kio. Mama nake beo kidia ka kesanga a Samosi, mama goto beo kidia ka mosomba a Mileto. ¹⁶ Kanyongo Paulo aya kondi anyene na Efeso, ka gea kenyenise mbe saa imochi ka Asia; kanyongoo aya kondi a kidie mbango ka Yelusalema k'esa a Pentekosite, kebe aya wezekani abe beno. ¹⁷ Toka ka Mileto aoeteka bakpa na Efeso baebofhane bagbega a enju a Mokonga. ¹⁸ Saa ne baya biki mutake, ao engodea, "Boubi sisanu, kpanga esa a kwanja ge neyetoki na Asia, namuna sina netuo nyenisa saa na benu. ¹⁹ Netuon'tomikia Bosomwa na edidisa buli a akili na ibo'a ngamo, na subia ukumu ne aya kidiani kanyongo a meeko a Bayaudi. ²⁰ Boubi bene keye somei'ake engodea kema n'ne ayatu a maana, na bene neyeefundisi kan'tanga toka kenju na enju, ²¹ onisa mutaa Bayaudi na Bagiliki ka tubua mutaa Mokonga na ka belekea subia Bosomwa nasu Yeso. ²² Lengani, negee na Yelusalema, Loo Motakatifo ambe amo kakamisi, keo uba kema ne anyena ku fua, ²³ Tondo n'no Loo Motakatifo amofhangi kanji buli n'ne ngoli a bojia amobondei. ²⁴ Alakini bokoonjee mbe maisa namo, kabe tondo neenei ne gob'e mokambo n'ne neyepati toka mutaa Bosomwa Yeso,ka onisa enjili a ngoola a Mokonga. ²⁵ Lengani, neubi gea benu bobu neogea neubilie bwame, bokoone ku goto endondo namo. ²⁶ Ka bene nenoonisi esa ne, gea keakeo uba kema imochi ka majia a n'kpa. ²⁷ Kanyongoo kekpami'ake engodea ekondi bubuli a Mokonga. ²⁸ Ka bene, ba'abi baenge, na gua n'kindi ne Loo Motakatifo atonofhi boechunge. Engefhani mutaa n'chungi a enju a Mokonga, n'mbe ayon'sombi na majia nake. ²⁹ neubi gea mbusa'ani agumia angiae subianu kanga ngomi'anu. ³⁰ Ataa mutanu sisanu bakpa bamamae na yonga kema ajede, kanyongo baengodee banafunji bagee mbusaa'bo. ³¹ Jigani baenge. Kumbukani gea ka mwaka isalo keto leliake na felea'anu kila n'kpa kiifha naa suaa mani na ibo'a ngamo. ³² Neno bisi mutaa Mokonga na ka yonga'a ngoola, n'ne aopasa ano fheke na ebofha uliti mutaa bobu bune bayaesokosi. ³³ Keye kondi'ake bangoa, holo, ao ngombe. ³⁴ Benu sisanu boubi gea njaga ne aya tomikii siki namo na siki a buno bayatu na eme. ³⁵ Ka kema buli neyenofi mofano a namuna ne boopasa bedea bakusi ka mokambo, na namuna sina boopasa kumbuka yonga a Bosomwa Yeso, yonga ne ye sisake aya gii: ' Ane kalamo asii gaba konyena bowa. ³⁶ Kisa laba ka namuna ne, ao beta mua n'kuu na mema na'abo bobu. ³⁷ Ngamo asii ayatu fua na kumbuka'a Paulo na n'kotoa. ³⁸ Baya beli asii ka yonga buli n'no aya labi, gea baka toke ku bamoone goto endondo'ake. Baoga'on'deketa ka ketange.