¹ Saa ne Apolo ayatu ka Kirinto, Paulo ao nyena kegoo a n'nji na bika ka mosomba a Efeso, aon'donda mwanafunji mochi fuamo. ² Paulo aoengodea, " Boto pati Loo Motakatifo saa ne boye belekei?" Baon'ngodea, " N'aake, bekeoki mbe nyogoa Loo Motakatifo." ³ Paulo aogea, Boye pati ubatizo sina?" Baogea, " Kino a Yoani mobatizi." ⁴ Paulo aoejibua, " Yoani ayano batizi ka ubatizo a toba. Ayaengodei bakpa geae baya pasi ban'belekee n'mbo abikaae mbusa'ake, kagea subia Yeso." ⁵ Saa ne bakpa baya oki bene, bao ebatiza kina a Bosomwa Yeso. ⁶ Saa ne Paulo aya ebisii njaga, Loo Motakatifo ao bika guab'o na kpanga laba ka kesambae na n'naba. ⁷ Bobu bayatu bibia boko komi na ibee. ⁸ Paulo aoga ka sinagogi na laba na bojeme songe isalo na engodea gua bwame a Mokonga. ⁹ Alakini Bayaudi mochi baya bisi meema nabo akpe na zalaua, baokpanga laba bojede ka afhe mosa a n'kindia bakpa. Paulo ao edeketa aoga na banafunji nake, ao eubilia esa bui na soma ka mosomba a Tirano. ¹⁰ N'ne ayagii mwaka ibee, bene buno bobu bune bayatuo ika na Asia baya oiki yonga a Bosomwa Bayaudi na Bagiliki. ¹¹ Mokonga ayatuo gea ban'pa asii kanjaga a paulo, ¹² ataa motembo nake a njaga na malonga nake aka bokuba n'ne ayatuon'dunga bayatu bisa ka bakpa a ngobo kukwa nabo ayatuo etoka na loo ajede ayatuo etoka. ¹³ Alakini Bayaudi angboo buno bayatuo sangekanaga. Bayatuo laba kina a Bosomwa Yeso, bayatu na bokpekpe gua bayoya saa ne batuo gea, " Kina a Yeso n'mbo Paulo ao ubilia, neko ngodei otoke." ¹⁴ Koani ongbo Muyaudi n'mbo ina'ake Skewa, ayatu na banichi saba bune batuo gea bene. ¹⁵ Loo mochi ajede aon'ngodea, "Neo muuba Yeso na Paulo; alakini ob'e ani?" ¹⁶ Na loo ajede ne ayatu subia n'kpa no ao jyala na ekinda ao ebeta. Bao tea kenju no ndumbu na afhefheo. ¹⁷ N'ne aya ubukani na bakpa bobu, Bayaudi na Bagiliki, bune bayatuo ikika na Efeso. Bao sokanaga asii, na ina a Yeso aopata esima. ¹⁸ Bakpa asii baya biki ko deketa bojede nabo na yonga ajede ne bayatuo gea. ¹⁹ Asii buno bayatuo gea buila baobika na buuku nabo bao tobua u mosa'a bakpa. Saa ne baya gii esab'o a kema no, ayatu gbutuka elefu itano a bangoa. ²⁰ Yonga a Bosomwa ao fhanjekana oma asii ka namuna akpe. ²¹ Kisa Paulo goba mokambo nake, aogea subia Loo anyene ka Makedonia na Akaya na gaa ka Yelusalema; aogea, "Kisa nebaae fua, neopsa goto neone Roma." ²² Paulo ao eteka bakpa nake babee a mokambo, Timoteo na Erasto. Alakini ye sisake ao jiga na Asia ka matu aboa. ²³ Ka saa noo sani angbo akidiana ka afhe no. ²⁴ N'bongisi mochi a bangoa ina'ake Demetrio, n'mbo ayatuo bongisa a kekeko aboboa a Diana, aya ebofhi batombe faida asii. ²⁵ Ao edondanisa oma imochi bakpa a mokambo no na gea, " Boko, boubi bene mokambo ne aso bikiseli bangoa asii. ²⁶ Booni na oka gea, n'na tondo ka Efeso, alakini kalibo oma buli kanyenea ka Asia bui, n'mbe Paulo aekakamisi bakpa asii na egalea. Agii gea ba mokomga ne njaga a bakpa aebongisi banaake ba mokonga. ²⁷ N'na tondo atali gea mokambo nasu akosa ku esima, alakini goto ekalo na mokonga n'ke Diana aenei abe kanga maana, goto aenei abungise bongbongbo nake n'mbe Asia na mokonda buli bao muabudua." ²⁸ Saa ne baya oki bene, bao bela asii na koga na eso angbo, na gea, " Diana a Efeso ane ongbongbo." ²⁹ Mosomba bubuli ao ujukana, bakpa baoga mbango na nia mochi amo a njoko. Bao edunga badake na Paulo, Gayo na Aristarito, bune baya biki ka Makedonia. ³⁰ Paulo aya kondi angie na n'kindi a bakpa, alakini banafunji baya kpemi. ³¹ Bakoto mochi a mosomba a Asia bune bayatu ba malikwa'ake bao teka mbino, baon'dengemisa kangie mbe oma a njoko. ³² Bakpa mochi batuo gama kema mochi, na angboo kema angboo, kanyongoo bakpa bayatu ka vulungana. Bunangboo bakaya ubi kanyongo sina bato dondani. ³³ Buna'angboo baon'fholea Alesanduro subia madondano, n'mbe Bayaudi bayatuo n'tiba mosa. Alesanduro ao beta njaga aokonga ajibue bakpa noo. ³⁴ Alakini saa ne baya ubi gea ane Muyaudi, bubo baokoga bibia saa ibee na eso mochi, baogea, " Diana a Efeso ane ongbongbo." ³⁵ Saa ne baandeki a mosomba aya dakanisi n'kindi a bakpa, ao gea, " Benu bakpa a ka Efeso, n'kpa sina n'nao uba gea mosomba a Efeso ane ekalo n'ne anchungi Diana ongbongbo na maege ne atoki kegoo? ³⁶ Lengani fo gea kema ne kawezekane ku, boopasa dakana kanga gea kema mbango-mbango. ³⁷ Kanyongoo boto biki na bakpa ne ka ukumu bune bana'ake bakukub'a a ekalo ao bune baon'fhota mokonga nasu n'ke, ³⁸ Ka bene, kabe Demetrio na batombe bune bayatu naye bao sitakeana sisab'o, bao ukua n'tua a ukumu na . Bao sitakeana. ³⁹ Alakini kabe bookaba kema angboo, boopasa bopatane subia madondano a kawaid'a. ⁴⁰ Kanyongoo bena subia atali baso setakei bojede kesane, na bekeake na sababo ne beenei beonese ka suudia botela ne." Saa ne aya yongi bene, ao fhanja madondano.