¹ Kisa kema ne Paulo aotoka na Atene aoga na Korinto. ² Fua aon'donda Muyaudi mochi ina'ake Akila, n'mbe aya bokotani ka Ponto, n'mbe aya toki keekee no na Italia na n'kake Prisila, kanyongoo Klaudio aya engodei bakpa bobu batoke na Roma. Paulo aoga na'abo, ³ kanyongo ayatuo tomika mokambo no imochi, ao jiga na'abo na tomika, kanyongoo bayatu babongisi a etopo. ⁴ Paulo ao ubilia esa bui a Sabato subia sinsgogi, aokengea belekisa Bayaudi na Bagiliki. ⁵ Saa ne Sila na Timoteo baya didi katoka na Makedonia, Paulo ao efholea sisake ka yonga, ao onisa u mutaa Bayaudi gea Yeso ayatu Klisto. Alakiini Bayaudi bao kpema na n'fhotaake, Paulo ao etitia ngombe nake na gea, " Majia nanu aike gua moo nanu sisanu; eme netakati. Kpanga saa nee negaae mutaa bakpa a ka mokonda." ⁷ Aotoka fua aoga kenju a mogaa ne bamoofhani Titiuse Yusto, n'kpa ne ao abudua Mokonga. Enju nake yatu bibia sinagogi. ⁸ Krispo mokota a sinagogi, ayan'belekei Bosomwa, ye na enju nake buli; na Bakolinto asii bune baya oki mbinone baya belekei na pata ubatizo. ⁹ Bosomwa aon'ngodea Paulo subia kiifha ka njiki, " Kotee mbe mono, alaki laba kodakane mbe mono. ¹⁰ Kanyongoo nena ob'e, tafho n'kpa mochi n'mbe ako geaae bojede, kanyongo nena bakpa asii ka mosomba nee." ¹¹ Paulo ao ika fua mwaka mochi na basonge sita, ka fundisa yonga a Mokonga mutab'o. ¹² Alakini saa ne Galio ayabi menanji a Akaya, Bayaudi bao mama na meema imochi kanyongo ban'kide Paulo na bika naye mosaa a mbata a ukumu; ¹³ Baogea, " Mogaa ne ao ekakamisa bakpa ba muabudue Mokonga mbamba a selia." ¹⁴ Saa ne Paulo aya kondi a labe, Galio ao engodea Bayaudi, " Benu Bayaudi, kabe ayatu yonga a mbea ao ajede, atu anja nenooke. ¹⁵ Alakini kabe ane kindana kanyondo a yonga ao ina na selia nanu, tenani yonga nanu sisanu. Keokonda'ake neukumue kema ne." ¹⁶ Galio ao etokisa ka mbata a ukumu. ¹⁷ Bobu baon'dunga Sositene mokota a sinagogi, na n'beta'ake mosa a mbata a ukumu. Alakili Galio kaya lengia'ke kino bayatuo gea. ¹⁸ Kisa ika fua matu asii, Paulo ao edeketa badake aodida na Suria na Prisila na Akila. Mosa batoke ka kubia ob'a, Kenkurea, aotena seka'amooake, kanyongo a ilonga ne baya bed'i. ¹⁹ Saa ne baya kidiani ka Efeso, Paulo ao edeketa Prisila na Akila fua, alakini aoga sisake ka sinagogi na laba na Bayaudi. ²⁰ Saa ne bayan'ngodei Paulo ajige naab'o saa aboa, ao kpema. ²¹ Alakini ao edeketa, aogea, " Nejaae goto mutanu kabe Mokonga akondi." Aotoka na Efeso aodida. ²² Saa ne Paulo aya kidi na Kaisaria, ao talea ka sese enju a Mokonga a Yelusalema na dida ka Antiokia. ²³ Kisa nyenisa saa abao fua, Paulo aotoka aoga ka mosomba a Galatia na Frigia, ka kpekpemisa banafunji bobu. ²⁴ Muyaudi mochi ina'ake Apolo, n'mbe aya bokotani na Aleksandria, aokidia ka Efeso. Ayatu molabi ongbongbo na okpekpe ka maandeko. ²⁵ Apolo aya bayan'fundisi namuna sina baofundisa yonga a Bosomwa. Loo nake ayatuo lola, ao laba na fundisa anja kema a Yeso, alakini aya ubi tondo ubatizo a Yoani. ²⁶ Apolo ao kpanga laba na bojeme subia sinsgogi. Alakini Prisila na Akila baya mookanei, baon'ga naye mbamba na n'ngodea afhe a Mokonga anja asii. ²⁷ Saa ne aya kondi anyene na Akaya, badaka baon'kakamisa na andekea banafunji a AKaya babike mutake. Saa ne aya kidii, aya ebedei asii bene baya belekei ka ngoola. ²⁸ Apolo aya ekindi Bayaudi ka n'tanga na bisana, ao eonisa ka maandeko gea Yeso ane Klisto.