¹ Saa ne baya nyeni ka mosomba a Amfipoli na Apolonia, baobika ka mosomba a Tesalonika, oma no sinagogi a Bayaudi aya loe. ² Ka egani a Paulo, aoga muta'bo ka mayu isalo a Sabato ao laba naabo kanyongo a maandeko. ³ Ayatuo eonisa maandeko ao engodea gea Klisto ayapasi ateseke kisa toka mutaa baku. Ao engodea gea Yeso ne neonongodea yonga nake ane Klisto." ⁴ Bayaudi mochi baon'kakamisa na n'donda Paulo na Sila, na Bagiliki asii bune ban'kondi Mokonga, na bakota bake aboa. ⁵ Alakini Bayaudi bune bakaya belekei, baotoka na wivu, bao buwa bakpa mochi ajede ka soko, baodondanisa n'kindi a bakpa oma imochi, bao bikisa yonga asii na nji. Kisa baongia kenju a Josani, bayatuo kaba bagee na Paulo na Sila danga'bakpa. ⁶ Alakini saa ne bakaya edondi, bao bika na Jasoni na badake mochi angboo mosa a bamen'anji, na baotata, " Bagaa ne baya galei mokonda babiki goto moni. ⁷ Bagaa ne Jasoni ato'esesei baotamba mbamba a selia a Kaisala; bagii gea mwame ongboo abei Jeso." ⁸ Baovulunga n'kindi a bakpa na bakota ne baya oki kema ne. ⁹ Alakini baya n'chungi Jasoni na badake, bao edeketa bagee. ¹⁰ Kiifha no badasu baon'teka Paulo na Sila ka Berea. Saa ne baya kidii fua, baongia subia sinagodi a Bayaudi. ¹¹ Bakpa ne bayatu na imona asii konyena Batesalonika, kanyongo baya pati yonga na bojeme buli a mawazo, bao lenga maandeko esa buli baone kabe kema ne ane bene. ¹² Bakpa asii baya belekei, na bake angbongbo na boko. ¹³ Alakini saa ne Bayaudi a Tesalonika baya ubi gea Paulo ao ubilia yonga a Mokonga koni na Berea, baoga ko na vulunga n'kindi a bakpa. ¹⁴ Mala imochi badasu baon'teka Paulo agee ka oba, alakini Sila na Timoteo baya jigi fua. ¹⁵ Buno bayatuo n'ga na Paulo baoga naye mopaka ka mosomba a Atene. Bene bayan'deketi Paulo fua, aoengodea kanyongo'a Sila na Timoteo babike mutake mbango mbango. ¹⁶ Saa ne Paulo ayatuo ebondea ka Atene, loo nake ao ujukana subiake bene ayaoni bakekeko batumi na nji. ¹⁷ Ao laba esa buli na Bayaudi na buno baya ubu Mokonga, na subia soko na buno bayatuo ikika fua. ¹⁸ Alakini goto Baepikueno Bastoiko baon'sekedea. Baogea, " Baotela sina oogae oyonge?" Buna'angboo baogea, "Oenekani ana n'kpa ne aoongodea bakpa ban'bee mokonga angboo," kanyongoo ao ubilia enjili a Yeso na ufufuko. ¹⁹ Baon'beda Paulo baon'bika naye mutaa Areopago, baogea, " Beenei beube mafundiso anja n'ne otuo'yonga? ²⁰ Kenyongoo obikisi ketokanga ka kechwe nasu. Bene, beokonda beube maana a kema ne." ²¹ (Baatene na batokanga bune baiki fua baonyenisa saa nabo jaai alakini kanga yonga na oka kema anja a mupia.) ²² Paulo ao mama subia Baareopago na gea, " Bene boko a Atene, neoni gea bona bakpa ne bon'kongi Mokonga ka namuna buli. ²³ Kanyongoo saa ne neye nyeni na lenga kema a abudua, neye dondi mazabao baandeki bene, " Mutaa Mokonga ne n'nao ubukana." Kanyongo sina boabudua kanga uba, n'ne nenongodei. ²⁴ Mokonga n'mbe aya bongisi mokonda na kema buli subi'ake kpanga kala ane Bosomwa a egoo na od'o, katoke ku ika subia ekalo ne njaga a n'kpa afheki. ²⁵ Ao ka bisi'ake ka njaga a bakpa, bene aya wazi kema, kpanga bene sisake aya ebofhi bakpa fhekumaga ba kema angboo. ²⁶ Kpanga bene n'kpa mochi ayagii mokonda a bakpa baike subia od'o, aobisa saga na mopaka oma nab'o, Kagea baya pasi n'kaba Mokonga na saa angboo baopasa tumisa afhe nabo mutake na n'donda. N'naake danga na besu. ²⁸ Kanyongoo beiki na toka subiake na pata maisa nasu, ubate n'lembi nanu ayagii, 'Kanynogoo bene mbuka nake.' ²⁹ " Ka bene, kpanga kala bene mbuka a Mokonga, beketoke ku bewaze gea hali a ko mokonga ane ubate holo, ao nyondo, ao ete maenge kema ne motombe abongisi na maenge a n'kpa. ³⁰ Ka bene Mokonga aya lengi danga saa a kanga ubafha, alakini bene aengodei bakpa bobu batubue. ³¹ N'ne ane kanyongo aya bisi esa saa ne aokumua ku mokonda ka bonjanja ka nkpa ne ayan'bisi. Mokonga aya ebofhi usuud'a a n'kpa ne muta bakpa bobu ka n'fufulaake mutaa baku." ³² Saa ne bakpa a Atene baya oki ka ufufuko a baku, baon'tebeaga Paulo; alakini buna'angboo baogea, " Bekookaae goto angboo kanyongo a kema ne." ³³ Kisa beno, Paulo ao edeketa. ³⁴ Alakini bakpa mochi baoga mutaa Paulo na belekea, na Dionisio Mureopago, n'ke mochi ina'ake Damari, na buna'angboo naab'o.