¹ Paulo agoto'o bika ka Derbe na ka Lustra, lenga, mwanafunji mochi ina'ake Timoteo ayatu fua, muna n'ke mochi Muyaudi ayatu n'beleki, alakini abake ayatu Mugiliki. ² Bayatuo yonga anja kegu'ake mutaa badake bune bayatu na Lustra na Ikonia. Paulo ayan'kondi gea batambe naye, bene aon'boa na n'gusa ganja kanyongo'a Bayaudi bune bayatu oma noo, kanyongo bobu baya ubi gea abake ane Mugiliki. ⁴ Bene bayatu'oga subia mosomba, koni bayatuo nyena bao engodea bakpa ba esimie selia a bagoigi na bagbega bune bayatu na Yelusalema. ⁵ Enju a Mokonga aya kakamani ka belekea na esabo ao ongezeka esa buli. ⁶ Paulo na bhadake bhanga ka fingi na galatia, kanyongo meema monkonga ayaengodhei bhapka fudise kanjii a AsiA ⁷ Bhaokidhia bibia misia, bhaokengea gaa ka Betania, iya meema a yesu ao pkema. ⁸ Kabhene bhaonyena ka misia bhaobika ka nji a Troa. ⁹ Paulo ao,ona njeki kifha mkpa mochi a makedonia, aomama aon'ngodhea"bikani bhoso bedhe koni ka makedoma" ¹⁰ Paulo ao ona njeki, aoga mala imochi ka makedonia ao uba geae mokonga amoofhani aoee kohubilia koni enjili nake. ¹¹ Bhene bhetoka koni ka Troa,beoga mala imochi ka Samotrake, na mama nosi beo kidia ka Neapoli. ¹² Toka moni gaa na filipo nji mochi a makedonia, nji angbo ka mosomba ka utawala a waroma, bhao ika koni matu asii. ¹³ Esa a sabato, bheotoka kanji kaafhe a idho, omane bheto ubate geae bhapaae oma a mema. bheo ika kaidho, bhe laba na bhake bhune bhoyabiki na bhesu. ¹⁴ N'ke mochi ina'ake Ludia, n'sombisi a bongo toka ka mosomba a Tuatire, n'mbe ayatuo n'beba Mokonga, aya so'oki. Bosomwa aya uku kechue nake ka oka n'ne Paulo ayatuo laba. ¹⁵ Saa ne ye na enju nake baya pati ubatizo, aoso dengemisa gea, " Kabe booni gea nena belekea mutaa Bosomwa, bikani boike kenju namo." Aoso kakamisa. ¹⁶ Aoba bono, bene beyegee oma a mema, n'seka mochi ao bika kodondana na besu, ayatu na loo ajede n'ne ayatuo' ona njiki a kema a mosa, munyake ayatuo pata n'kumba asii a imona. ¹⁷ N'ke ne aoga mbusa'asu na Paulo ao koga na gea, " Bagaa ne bane bakpa a mokambo a Mokonga a kegoo asii. Baono'ngodea afhe a lama. ¹⁸ Ayagii bene matu asii. Alakini Paulo ao ona bene aya bikisi botea asii, aogelekana aon'ngodea loo, " Nekongodei kina a Yeso Klisto, toka subia'ke." Aotoka saa noo. ¹⁹ Saa ne bako'ake ayaoni gea mosenda a faida nabo atoki, baon'dunga Paulo na Sila baoga naabo ka soko mosa a bakota. ²⁰ Saa ne baya biki na'abo mosa a basambisi, baogea, " Bagaa ne babisi botea asii subia mosomba. Bane Bayaudi. ²¹ Bao fundisa n'ponjo gea besu Baroma bekeenei ake bebelekee mokambo." ²² N'kindi a bakpa baodondana baomama kan'kinda Paulo na Sila, mbasambisi bao boma ngombe'abo baogea baebete gbutu. ²³ Saa ne baya ebeti gbuta asii bao emaka subia enju a Kifungo na engodea bachungi bae chunge anja. ²⁴ Kisa pata yonga ne, bachungi bao ebisa subia enju a kifungo na lingia echinji nabo ka sake. ²⁵ Subia kiifha Paulo na Sila bayatuo mema na lemba mutaa Mokonga, bafungi angoo bayatuo ebooka. ²⁶ Mala imochi baningina angbo aobika suga makonji a enju a kifongo, bochaka ao ukukana mala imochi, na n'tongo buli ao teneka. ²⁷ Bachungi bao jujuka ka too bao ona bochaka a enju a kifungo bene aukukani, bao boa mbako baogea baetuma sisabo, bao ubate gea bakpa bobu bati. Alakini Paulo ao koga na eso angbo, aogea, " Boko etume sisanu, kanyogo besu bobu bemoni." ²⁹ Bachungi bao mema obela baongia mbango subi na baotea, baogua mosa a Paulo na Sila, ³⁰ na bika na'abo kan'senge na gea, " Magaa ne, befanfye kema sina belama?" ³¹ Baogea, " N'belekeani Yeso Bosomwa, benu na enju nanu bolamaae." ³² Bao n'ngodea yonga a Bosomwa, kila n'kpa a kenju nake. ³³ N'chungi ao ebuoa ka saa no kiifha, na sokosa afhefhoa nab'o, ye na bakpa bobu a kenju nake baopata ubatizo mala imochi. ³⁴ Bene aya biki na Paulo na Sila kenju nake ao bisa elea mosa'abo, na fulaia asii na bakpa a kenju nake, gea bayan'belekei Mokonga. ³⁵ Saa ne esa aya se, basambisi baoengodea bachingi, gea, " Edeketani bagaa no bagee." ³⁶ N'chungi aolaba yonga a Paulo, aogea, " Basambisi baya mongodei neno dekete bogee, na gaani na kalamo." ³⁷ Alakini Paulo ao engodea, " Baya so bheti ka n'tanga kanga ukumua'asu, besu bune bene Baloma na maka'asu kenju a kifungo. Namuna sina baokonda baso dekete ka sili? N'nake! Dheteka babike sisab'o na esongodea begee." ³⁸ Bachungi baolaba yonga a basambisi, sa ne baya oki geae Paulo na Sila bane Baloma, baoba na koboboko. ³⁹ Basambisi bao bika na edengemisa na etokisa kan'tanga, na engodea batoke ka mosomba. ⁴⁰ Paulo na Sila baotoka kenju a kifungo baoga kenju a Luda. Saa ne Paulo na Sila bayaoni badabo, bao ekpekpemisa na toka ka mosomba.