¹ Bagaa mochi bao dida toka na Yudea boga na Antiokia na fundisa bakab'o, gea, "Kabe boko gu ganja sawa na selia a Musa, kotoke ku lama." ² N'ne aya n'tenki Paulo na Barnaba baob'a na ubisi na sani naab'o, bune batuo konda bagee na Yelusalema ka dondana na bagoigi na bagbega ka nyongo ne. ³ Ka bene, baya eteki kenju a Mokonga, kanyenea ka Feonikia na samalia na ubilia gaekana a bakpa a mokonda. Baya bikisi fulaa angbo mutaa badab'o bobu. ⁴ Saa ne baya kidiani na Yelusalema, bao esesea kenju a Mokonga na bagoigi na bagbega, baoengodea kema buli n'ne Mokonga ayagii mutab'o. ⁵ Alakini bakpa ne baya beleki, bune bayatu mutaa Bafalisayo, bao mama na gea, " Ane anja bague ganja na engodea bachunge selia a Musa." ⁶ Bagoigi na ba gbega baodondana na lenga yonga ne. ⁷ Kisa ubisi asii, Petele ao mama na engodea, " Badani, boubi geae ka saa aboa anja Mokonga ayan'sombu subiasu, gea ke'bombo namo bakpa a mokonda baya pasi oka yonga a enjili, na belekea. ⁸ Mokonga, n'mbe aubi meema, aya suudui mutab'o ka ebofha Loo Motakatifo, ubate beno aya gii mutasu. ⁹ Kaya bisi'ake katana mutasu na mutabo, aya sokosi meema nabo ka belekei. ¹⁰ Ka bene, namuna sina bookindana na mokonga, gea boenei bobise n'kumba ka ekota a banafunji n'ne ataa ba abasu na besu bakeye toki'ake bekumbe. ¹¹ Alakini bebeleki gea be lamaae kanyenea ngoola a Bosomwa Yeso ubate b'o. ¹² Bakpa bobu bao dakana na bao eokanea Paulo na Barnaba bene bayatuo enesa alama na ban'pa ne Mokonga aya tomiki kanyenea'bo mutaa bakpa a mokonda. ¹³ Kisa goba laba, Yakobo aojibua, aogea, " Badani, mookani. ¹⁴ Simoni aya labi namuna sina Mokonga ka ngoola aya ebedei bakpa a mokonda kanyongoo abowe subiabo bakpa ne bakumba ku ina'ake. ¹⁵ Yonga a ban'nabi agee sawa na n'ne, bene bayaandeki, ¹⁶ Kisa kema ne Ne jaae, na fheka goto n'tua a Davidi, n'ne ayagu kaod'o; ne mamisaae u goto na bongisa ngbolokana'ake, ¹⁷ Bakpa angboo bobu ban'kabaae Mosomwa na bakpa a mokonda bobu bune netoebofhani.' ¹⁸ N'ne aange Bosomwa ayongi, n'mbo aya gii kema ne n'ne aubukani kpanga kala. ¹⁹ Bene, Neye gii gea beke tokeku evulunga bakpa a mokonda bune baji mutaa Mokonga. ²⁰ Alakini beeandekeaae gea baka lee mbe kema ne babisi ka mokombe, nyama ajede, na otungo, na nyama ne aku kanga tena, na majia. ²¹ Kanyongo Musa aya labi kpanga ebokoti a kala na fundisa u subia sinagogi ka Sabato buli." ²² Aya onekani anja mutaa bagoigi na bagbega, na enju a Mokonga buli, n'somboa Yuda n'mbo bamoofhani Barsaba, na Sila, bune baya fhomi ka badab'o, bao eteka na Antiokia kimochi na Paulo na Barnaba. ²³ Bayaandeki n'ne na njaga'abo, " Toka mutaa bagoigi na bagbega, benu badasu ka Antiokia, Silia, na Kilikia: Samba'ani! ²⁴ Kanyongoo beye oki gea bakpa mochi bagee mbamba na besu, kanga selia ne atoki mutasu, buno baono vulunga na yonga ne aajede ka nafusi nanu, ²⁵ aonekani anja mutasu, bune beto biki ka nia mochi, somboa bakpa na eteka mutanu, onkondi nasu Barnaba na Paulo, ²⁶ bakpa ne baya bisi maisa nabo ka atali ka nyongo a ina a Yeso Klisto. ²⁷ Ka bene beye eteki Yada na Sila, bune banongodeaae goto kema ne ka yonga nabo sisab'o. ²⁸ Kanyongoo ane anja ka Loo Motakatifo na mutasu bisa n'kumba ne kangboti guanu kanga kema anja: ²⁹ echungani na kema ne babisi ka mokombe, majia, kama ne bakpati, na otungo. Kabe ogee mbamba na kema ne, aogeae anja. Koko." ³⁰ Saa ne baya ebiigi, bao dida ka Antiokia; kisa baodondanisa bakpa bobu oma imochi, bao ebofha balua. ³¹ Saa ne baya somi u, baofulai kanyongo aekpekpemisa. ³² Yuda na Sila, goto ban'nabi, baoekpekpemisa badabo na yonga asii na ekakamisa. ³³ Kisa baonyenisa matu aboa fua, bao ejisa badabo bune baya eteki. ³⁴ Alakini Sila aya kondi ajige fua. ³⁵ Alakini Paulo na Barnaba baojiga na Antikia, baofundisa na ubilia(na bakpa asii angboo) yonga a Bosomwa. ³⁶ Kisa mutu aboa Paulo aon'ngodea Barnaba, " Beje begee belenge badasu ka mosomba buli oma ne beye ubili yonga a Bosomwa, beone hali ne bao ika kao. ³⁷ Barnaba aya kondi agee na Yoani n'mbe bamoofhani Maliko, n'mbo aya edeketi na Pamfilia na kaya gee danga naabo ka mokambo. ³⁹ Kisa bene sani mochi akpe aotoka, bao katana, subiabo, na Barnaba na Maliko bodida danga ka Kiporo. ⁴⁰ Paulo aon'somboa Sila bao toka, kisa badake baon'tumainia ka ngoola a Bosomwa. ⁴¹ Aoga ka Suria na Kilikia ao kakamisa enju a Mokonga.