¹ Paulo na Barnaba baongia ka sinagogi a Bayaudi koni na Ikonia aolaba ka namuna ne n'tunduko angbo a Bayaudi na Bagiliki baya belekei. ² Alakini Bayaudi bune bakaya belekei bao ekaza bakpa'a mokonga baekinde badasu. ³ Bao jiga fua matu asii, laba na bojeme na ka bikpekpe, na bao onisa usuuda ka mbino na ngoola ne. Ayagii bene ka onisa alama na ban'pa ao onekana ka njaga a Paulo na Barnaba. ⁴ Alakini bakpa a ka mosomba baya gabekani; bakpa mochi mutaa Bayaudi, na bun'angboo mutaa bagoigi. ⁵ Bakpa a mokonda na Bayaudi (bobu na makota nabo) baokonda baetese na ebheta ete, ⁶ alakini saa ne baya oki bene, baotea na mosomba a Likaonia a Lustra na Derbe na bibi'anji, ⁷ fua baoga na ubilia enjili. ⁸ N'kpa mochi ayatu na Lustra, na kedoti ka echinji kaya tambi'ake kpanga ka sofho a amake. ⁹ Mogaa ne ayatuo mookanea Paulo aoyonga. Paulo ao moengea ao one gea ana belekea a fhonda. ¹⁰ Aon'ngodea keso angbo, " Mama kechinji nako." Mogaa no ao yala na tamba. ¹¹ Saa ne n'tuduko aya oni n'ne Paulo ayagii, bao koga, gea ka kesambae a Lukaonia, " Ba mokonga babiki ubate bakpa na bika mutasu." ¹² Baomoofhana Barnaba "Zeu," na Paulo "Hermesi," Kanyongoo ayatu molabi. ¹³ Koani a Zeu, n'mbe ekalo nake ayatu tondo bibi'a mosomba, aon'bika na kagbema na kekombo a kasa kiso kiso a n'pome; ye na n'tunduko baya kondi babi fhelea. ¹⁴ Alakini saa ne bagoigi, Paulo na Barnaba, baya oki u, bao boma ngombe nabo na gaa mbango mutaa n'kindi a bakpa, bao koga, ¹⁵ Bakpa ne cha, Kema sina ne bogii nee bene? Na besu bene bakpa, na ali mochi ubate benu. Beonongodea mbino anja gea boopasa botoke ka kema jaai bogee mutaa Mokonga n'mbe aikiki, od'o na ob'a na kema bubuli n'ne a subi. ¹⁶ Ka ebokoti a kala, ayagii n'nji buli batambe ka afhe nabo sisab'o. ¹⁷ Alakini kpanga kala, kayatuo ikika sisake kanga basuud'a, kino ayatuo gea anja na gaba n'vua toka kegoo na saga a mbuka, tumisa meema nanu na elea na bonjanja." ¹⁸ Ataa na yonga ne, Paulo na Barnaba baya ajede efhelea bakpa ka efholea fhelea. ¹⁹ Alakini Bayaudi na Antiokia na Ikonia baya bibi na ekakamisa bakpa. Baon'beta Paulo ete na n'tokisa ka mosomba, baubate gea aku. ²⁰ Bene banafunjia bayatuo mama bibi'ake, baotoka na ngia ka mosomba. Mama nosi, baoga ka derbe na Barnaba. ²¹ Kisa ubilia enjili ka mosomba no na pata banafunji asii, baoja ka Lustra, ka Antiokia na ka Ikonia. ²² Baojiga na bao kpekpemisa nafusi a banafunji na e bisa meema bajige subia belekea, gea, "Beopasa bengie ka bwame a Mokonga ka teseka asii." ²³ Saa ne baya ebisi bagbega kenju buli a Mokonga, na mema kanga leaga, bao engisa mutaa Bosomwa, subiake aange baya belekei. ²⁴ Baonyena ka Pisisdia na bika na Pamfilia. ²⁵ Saa ne baya labi yonga koni na Perge, baodida na Atalia. ²⁶ Toka fua baodida ka Antiokia, fua baya jigi ka ngoola a Mokonga ka mokambo ne baya gob'i. ²⁷ Saa ne baya kidiani na Antiokia na dondanisa enju a Mokonga oma imochi, na labo kema buli n'ne Mokonga ayagii na'abo, na bene aya uku iso a n'pome a belekea mutaa bakpa a ka mokonda. ²⁸ Baojiga matu asii na banafunji.