¹ Ban'nabi na baalimo bayatu kenju a Mokonga a Antiokia. Bayatu Barnaba, Simeoni (n'mbe baya moofani Negeli), Lukio a Kirene, Manaeni (muna'amake a motisa na Herode), na Saulo. Saa ne bayatuo n'beba Bosomwa na bowa elea, Loo Motakatifo aogea, ebisani mbamba Barnaba na Saulo, kagea mokambo ne neyeeofhani kao." ³ Kisa bowa elea, bao mema, baobisa njaga'abo gua bakpa ne bao eteka. ⁴ Loo Motakatifo ao eteka Barnaba na saulo, saa ne baya kidi na Seleukia; baotoka fua baodida na Kipro. ⁵ Bayatu ka mosomba a Salamisi, bao ubilia yonga a Mokonga subia sinagogi a Beyaudi, baob'a na Yoani ka ebedea. ⁶ Saa ne bayagee ka kesanga bubi mopaka na Pafo, baon'donda muila mochi fua, Muyaudi n'nabi a mbea, ina'ake Bara-Yeso. ⁷ Muila ne na mokota Sergio Paulo, n'mbe ayatu mogaa mochi moenge. Mogaa ne aya moofhani Barnaba na Saulo, kanyongoo aya kondi oka yonga a Mokonga. ⁸ Alakini Elema " muila (bene aange ina'ake aya galekani) ao epinga aokonda an'geese mokota mbamba na belekea. Alakini Saulo aotuma na Loo Motakatifo, aon'lenga asii ¹⁰ aogea, " Obe muna n'keti, otumi na kema buli ajede. One ad'ui a kema bubuli anja. Kotoke ku deketa bongisa afhe anja a Bosomwa? ¹¹ Lenga, njaga a Bosomwa aiki guako, obaae kendimendime. Koona ku mani ka matu ne." Mala imochi kekoba a kadifio aon'gulia; ao kpanga ndindimaga ao kaba bakpa ne ban'beda ku ka njaga. ¹² Kisa mokota ona kema ne aya nyeni, ao belekea, kanyongo aya yayami na mafundiso gua Bosomwa. ¹³ Bene Paulo na badake baotoka baodida na Pafo bao kidia na Perga ka Pamfilia. Alakini Yoani aya edeketi aoja na Yelusalema. ¹⁴ Paulo na badake bao bed'a tamba baotoka na Perga na kidia ka Antiokia a Pisidia. Fua baongia ka sinagogi esa a Sabato bao ika kaod'o. ¹⁵ Kisa soma selia na ban'nabi, bakota a sinagogi bao etekisea mbino, gea," Ba muna'ma, kabe bona mbino mochi a ekpekpemisa bakpa moni, yongani u." ¹⁶ Paulo ao mama ao beta njaga'ake; aogea, "Bakpa a Isilaeli na bune bon'tea Mokonga, okani. Mokonga a bakpa ne a Isilaeli aya esombu ba abasu na sakua bakpa saa na bayatu ka nji a Misili, ka njaga akpe ao etokisa fua. ¹⁸ Ao ika naab'o ka ndula bibi'a mwaka makomi gena. ¹⁹ Kisa uja nji saba ka od'o a Kanana, ao ebofha bakpa nasu od'o nabo abe uliti. ²⁰ kema ne bubuli aya nyeni ka mwaka 450. Kisa kema ne buli, ao ebofha baamuzi mopaka mutaa n'nabi Samuele. ²¹ Bakpa baomema mwame, Mokonga ao ebofha Saulo muina Kisi, n'kpa ne atoki ka okombo a Benjamina, aob'a mwame mwaka makomi gena. ²² Kisa Mokonga aon'tokisa ka bwame, aon'sakwa Davidi abe mwame nabo. Mutaa Davidi aange Mokonga aya yongi, gea, ' Neye dondi mutaa Dvividi muna Yese n'kpa ne agee mbusa a meema namo, n'mbe aogea kema buli n'ne neon'ngodea agee.' ²³ Katoka ka ebokoti ne aange Mokonga ayan'biki Yeso molamisi a Isilaeli, bene aya agi. ²⁴ Mosa a kidia a Yeso, Yoani aya ubili ubatizo a tubua mutaa bakpa bobu a Isilaeli. ²⁵ Bene Yoani aya gob'i mokambo nake, aogea, ' Bowazi nene ani? Keake ye. Alakini okani, n'mbe abikaae mbusa'ani, ketoke ku neukue ngoli a makalabanda a echinjin nake.' ²⁶ Ba muna'ma, banichi a ebokoti a Abulahamu, na bune baiki subi'anu baon'tea Mokonga, mbino ne a lama aya biki kanyongo nasu. ²⁷ Kanyongo buno bao ika na Yelusalema na bakota nabo bakaya muubi'ake, baya bisi eso a ban'nabi n'ne bayatuo soma esa buli ka ukumuake ka Sabato. ²⁸ Ataa bene bakaya pati'ake namuna a ukumua'ake akue, baoga mutaa Pilato bamwe. ²⁹ Saa ne baya gobi kema ne buli n'ne baya endeki gua'ke, baon'didisa ka mee bao muumba subia bota. ³⁰ Alakini Mokonga aya n'fufui mutaa baku. ³¹ Aya onekani matu asii ka buno aya toki naabo na Galilaya mopaka Yelusalema. Bakpa no bane basuud'a mopaka bene mutaa bakpa. ³² Benongodei mbino anja: Boagi ne aya biki mutaa ba'abasu ³³ Mokonga aonekanisi u mutasu, banichi'ake kan'fufua Yeso. Bene bayaandeki subi Zabuli a ibee: ' One Michi'omo, Nebiki Abako kesa ne.' ³⁴ Beno ka n'fufuake toka mutaa baku, katoke ku goto afhoe aya yongi bene: ' Nekofhaae kalamo anja na a dhoni ne baya an'gi Davidi.' ³⁵ Ane ka bene aange agii ka Zabuli ongboo, ' Kokonde ku Motakatifo nako afhoe.' ³⁶ Kanyongoo saa ne Davidi aya chungi ekondi a mokonga ka ebokoti nake, ao dhusukana; bao muumba na ba'abake, na ngobo'ake kaya ujukani. ³⁷ Alakini Mokonga aya n'fufui kanga fhoa. ³⁸ Deketani n'ne aubukane muta'anu, ba muna'ma, gea kanyenea n'kpa ne baya ubilii osamee a jambi mutanu. Selia a Musa kaya toki'ake anobide na dhoni. ³⁹ Mokonga abikisi dhoni mutaa kila n'mbo abelekei. ⁴⁰ Engefhani gea kema ne ban'nabi baya yongi kao kanopate mbe. ⁴¹ ' Lengani, benu bune boo zalaua, bo yayame na bunga; Kanyongoo neo tumika mokambo ka matu nanu, mokambo ne bokotu toke'ake bobelekee, kabe n'kpa anongodee. ⁴² Bene Paulo na Barnaba baya toki, bakpa bao edengemisa gea kab'e baenei balabe goto yonga ne ka Sabato angboo. ⁴³ Saa ne madondano a sinagogi aya si, Bayaudi asii na bagaligi baon'bea Paulo na Barnaba, bao engodea gea baebise meema na jiga subia ngoola a Mokonga. ⁴⁴ Ka Sabato angboo, bibi'a mosomba buli bao dondana oma imochi ka oka yonga a Bosomwa. ⁴⁵ Saa ne Bayaudi baya oni n'kindi a bakpa, baotuma na kpad'a na yonga ajede ka kema ne Paulo ayatuo yonga na fhota'ake. ⁴⁶ Alakini Paulo na Barnaba bao yonga na bojeme na gea, " Ane anja belabe mosa yonga a Mokonga mutanu. One bene boomaka u mbamba toka mutanu boonekani bakpa kanga faid'a ka maisa a esa bui, lengani, begaekanaae mutaa bakpa a ka mokonda. ⁴⁷ Kanyongoo bene Mokonga ayaso ngodei, gea, ' Neye no bisi ubate obela ka bakpa a ka mokonda, boopasa bikisa lama na n'sungo na oma buli ka od'o. ⁴⁸ Bene baka'a mokonda bayaoki n'ne, baya fulai na dokomisa yonga a Bosomwa. Asii bangi subia uzima a esa bui baya belekei. ⁴⁹ Yonga a Bosomwa aya fanjekani ka mosomba bui. ⁵⁰ Alakini Bayaudi baya ekazi bake buno ban'kondi Mokonga a maisa anja na bakoka a n'nji. Bao mamisa teseka a Paulo na Barnaba na etokisa kanji nab'o. ⁵¹ Alakini Paulo na Barnaba bao titia ebuu a echinji nabo guab'o. Baoga ka mosomba a Ikonia. ⁵² Banafunji baotuma na fulaa na Loo Motakatifo.