¹ Ka saa no mwame Herode aomamisa njaga'ake muta buno bayatu kenju a Mokonga kanyongo aemwe bobu. ² Aomwa Yakobo muna'amake na Yoani na opanga. Kisa aya oni gea kema ne aya efulaisi Bayaudi, aon'dunga goto Petele. N'no ayatu ka esa a n'bako kanga soa. ⁴ Kisa n'dunga'ake, aon'bisa kenju a kifungo, aon'bisa kusi'a n'tunduko a basoda ban'chunge; ayatuo konda an'gee naya mutaa bakpa kisa Pasaka. ⁵ Bayan'chungi Petele kenju a kifungo, alakini bayatuo mema kanga umbia kanyongo'ake mutaa Mokonga bune bayatu subia enju a Mokonga. ⁶ Kiifa no Herode aon'bika naya ka ukumu, Petele ayatuo dh'aa subia basoda babee, bao n'lingia na n'tongo ibee, na bachungi kiso a n'pome buna bayatuo chunga enju a kifungo. ⁷ ona,malaika a bhosomwa aon'toke na bhabeetu ubate mani subii,aon'bhet a petele ka angaja aonijujukisa,aoyjonga,mama bango,tongo bui ao ukana na njaga nake. ⁸ Malaika a bhosomwa aongodhea"foholea ngombe namakalamanda ".petele aogea bhene malaika aon'ngodhea,"Lola ngombe nako bika mbusaani." ⁹ Petele aon'bhea malaika aotoka ka n'senge. Kaya bhelekei geae n'nde malaika ayagii ane dhoni,atuubate geae ane ka njiki. ¹⁰ Bhaonyena iso ampome a kwaja ,a bhee bhaokidi ka fhembatekete a nyondo n'nde baya bisi na nji; ao ukukana sisake. Bhaoto ka ka n'senge bhaodida ka mosomba, malaika aon'deketa saa no. ¹¹ Saa ne Petele aya toki ka njiki, aogea, " Neubi dhoni gea Bosomwa aton'teki malaika nake amofholee ka njaga'a Herode, na n'no Bayaudi batuo bondea. ¹² " Saa ne ayaubi bene, aogaa kenju a Malia amake na Yoani, n'mbe bamoofhani goto Kailko, fua bakpa asii baya dondani koni bayatuo mema. ¹³ Saa ne aya gbondu ka bochaka a iso an'pome, n'seka mochi ina'ake Roda aobika ka jibua. ¹⁴ Saa ne ayaubi eso a Petele, ao koga na fulaa aogua ka ukua bochaka, ao bika mbango subia enju, aoyonga beno petele aya mami kiso a n'pome. ¹⁵ Bon'ngodea n'seka, " Koake na akili." Alakini aogea geae ane beno. Baogea, " Ane malaika nake." Alakini Petele ao gbondoa tondo, saa ne baya uku bochaka, baomo'ona bao yayama. ¹⁷ Petele ao efhangisa njaga gea badaakane, ao engodea namuna sina Bosomwa an'tokisi kenju a kifungo. Aogea, " Ngodeani Yakobo kema ne na badasu." Aotoka aoga oma angboo. ¹⁸ Saa ne esa aya see, basoda bao vulungana kine an'nyenei Petele. ¹⁹ Kisa Herode aon'kabaga kanyongo kaya mooni'ake, ao ebuisia bachungi aogea baemwe bobu. Herode aotoka na Yudea aoga na Kaisalia ao ika ko. ²⁰ Herode aya beli asii na bakpa a Tiro na Sidoni. baoga muta'ake na nia mochi kisa baon'ngodea Balasito, n'bedei a mwame, ae bedee, bapate kalamo kanyongo nji nabo ayapati elea mutaa mwame a n'nji. ²¹ Ogogo no Herode ao lola ngombe nake a bwame ao ika ka mbata a bwame, aoelabea. ²² Bakpa bao koga, " N'ne ane eso a mokonga, n'naake eso a n'kpa!" ²³ Mala imochi malaika a Bosomwa aon'beta, kanyongoo kayan'dokomisi'ake Mokonga, ao dusukana, baama n'songodomio bao n'lea. ²⁴ Alakini yonga a Mokonga ao mota ao b'a asii. ²⁵ Saa ne Barnaba na Saulo baya gobi mokambo nabo, baoja na Yelusalema, baobika na Yoani na Maliko.