¹ Bagoigi na badab'o bune bayatu na Yodea baya oki gea bakpa a mokonda bapati yonga a Mokonga. ² Saa ne Petele aya biki na Yelusalema, buno baya gu ganja baokpanga sa'ake; ³ baogea, " Opatani na bakpa ne baka gu ganja na leaga na'abo! ⁴ Alakini ao kpanga engodea kema ne mochi mochi, aogea, ⁵ " Netuo mema ka mosomba a Yopa, na mala imochi neo ona njiki a ketange aodida kaod'o, ubate n'tua aiki kaod'o toka kegoo na makonji gena. Ao dida mutamo. ⁶ Neo lenga u na waza kanyongo'ake. Neo ona banyama gena a echinji kaod'o, banyama a kosala, kema ne ao guma, na ba mbuu a kegoo. ⁷ Neo oka eso mochi aomoongodea, ' Mama, Petele, tena o lee!' ⁸ Neogea, ' N'naake, Bosomwa; kanyongo kema agede na a n'kiki kayangi mbe ka afhe'noko namo.' ⁹ Alakini eso ao mojibua goto toka kegoo, ' N'ne Mokonga asokosi, kotoke ku oofhane u aujukani.' ¹⁰ Ao nyena bene mala isalo, kisa bene aoja goto kegoo. ¹¹ " Neo lenga mala imochi bakpa isalo ba mami mosa a enju ne beyetu kao; baya eteki toka na Kaisalia mopaka mutamo. ¹² Loo aomoongodea negee na'abo, na ketoke ku nebise tafaoti kanyongo'abo. Badasu ne sita baya gee na eme, beoga mopaka kenju a mogaa no. ¹³ Aosongodea namuna sina aya mooni malaika aya mami kenju nake na n'ngodea, ' Eteka bakpa ka Yopa babike na Simoni n'mbe baomoofhanaa Petele. ¹⁴ Akongodeaae mbino ne olamaae kao obe na enju nako.' ¹⁵ Bene neto kpangi engodea, Loo motakatifo aobika guab'o, ubete bene ayabiki mutasu mosa. ¹⁶ Neo kumbuka yonga a Bosomwa, namuna ne ayagii, 'Yoani aya batisi na ib'o; alakini bano batisaae na Loo Motakatifo.' ¹⁷ Kabe'ake Mokonga aebofhi egabo no mochi aya sofhi saa ne beyen'belekei Bosomwa Yeso Klisto, eme ani n'mbe neenei nekindane na Mokonga?" ¹⁸ Saa ne baya oki kema ne, bakaya yongi'ake kema ubate jibo, alakini baya n'dokomisi Mokonga na gea, Mokonga aya ebofhi bakpa a mokonda maisa ka tubua." ¹⁹ Buno baya fhanjekani ka teseka n'ne aya kidiani mutaa Setefano aya fhanjekani danga mopaka na Foiniki, Kipuro na Antiokia, bayatuo yonga tondo Kiyaudi. ²⁰ Alakini bune bayatoki na Kipuro na Kurene, baya biki na Antiokia bayatuo yonga Kigiliki, bao ebulia enjili a Yeso Bosomwa. ²¹ Njanga a Bosomwa ayatu na'abo na esabo a babeleki bune baya gaekani mutaa Bosomwa ayabiki asii. ²² Mbino nabo aya biki ka kechue a enju a Mokonga a Yelusalema, baon'teka Barnaba mopaka koni na Antiokia. ²³ Saa ne baya biki na ona ngoola a Mokonga, ao fulaia na ekpekpemisa bubo na Bosomwa na mosenda a meema. ²⁴ Kanyongo ayatu n'kpa onjanja aya tumi na Loo Motakatifo na belekea, bakpa asii baya ongezeki mutaa Bosomwa. ²⁵ Barnaba aoga na Tarso an'kabe Saulo bokeboke. ²⁶ Saa ne ayan'dondi, aon'bika naye ka Antiokia. Aob'a beno, kagea ka mwaka mochi buli baya iki bobu kimochi na enju a Mokonga bao fundisa bakpa asii. Ka mala a kwanja baya ebofhani banafunji Baklisto ka Antiokia. ²⁷ Ke matu no ban'nabi mochi baotoka na Yelusalema mopaka ka Antiokia. ²⁸ Mochi subiab'o, ina'ake Agabo Loo aon'ngodea geae n'nja abaae ka mokonda buli. N'ne aya nyenekani ke'sa a Kolodia. ²⁹ Ane ka bene banafunji bubo baya pasi bateke egabo ka suga badabo a Yodea. ³⁰ Bayagii bene, bao teka bangoa mutaa bagbeka ka njagaa Barnaba na Saulo.