¹ Yengae mobea loongene goete kilisito,la itshi moitaa la yea,ogolotanya bo goete liopi liyai mwabegisiei mwaenei goete boenda bolo; ² Goetebotema bwai yengae goetenganji ndene la looso lo loongo a loongo. ³ mpo yembo yeelembande eiangene oisamee obe la osegana la kilisito mpo ye bagolo la baoli baai obangae lai lisego limoa mobindo. ⁴ Obangae ba yisalaele,goni gwangae luuma lo bona lwende lwabo,la ogenegu la oimiliya bisemba bi liemba. ⁵ Bisemba,la basega basego.kilisito ene moete yabo mondole ye bindo.Geono angae IONGIAONGIA goliolo li mbeo yitshibu angae la luuma loongo la loongo.Ogalo! ⁶ Mopalongane gobea mbo liogi l'Iongiaongi litsha litina.Mpo yembo baito batshubu obatotoge go yisalaele batshi ba yisalaele. ⁷ La mpo yongaa goete lisego li Abalayama,bana batshubu batshaho bangae goete yande,la mobeame gombo:goete Isaka gogo aayotama lisego liago. ⁸ Momo angaembo bana obabotamela bindo batshi bana ba IONGIAONGIA,lambo bana ba lisego. ⁹ Letei,goliogi li geleka:Mogee geaho,yeyande mbala yasina,la sala eyande bona omoa. ¹⁰ La galo lebeka etolende lieme mpo yonga la bolome omoa Isaka ise iso; ¹¹ Lambo,bana beobotamite bambo beotongite ligwa laa limoa,too olo too obe,mpo yembo kamo yoponama bo IONGIAONGIA bongae lootsholeta bagwa boto,la gelenge ge botema bomoa obo boto ogatebo liogi. ¹² Geoho aabea a Lebeka mbo:Bona ga ogolo engaande bolemi ambo bekobe oeta boligande,gelenge gemoa ogalo asiginyebo: ¹³ Yaalemba yakobo la yaa ila Yisaya. ¹⁴ Gii geayobeesu?IONGIAONGIA engae la gekateli gebe?lootshongaa galo laa yea! ¹⁵ Lambo geoho aabea la MOSE:yee ngaande la oboto goangae ogayoelelei oboto,la yengaande la nganji gwangae lai la nganji. ¹⁶ la galo,motshi moleta ogaa paango?mwendeleta IONGIAONGIA ogangae la oboto. ¹⁷ mpo yembo,lisigi liendebea FALAO mbo,yaemalisae mpo yembo iyenisie opia bwai goete yago,la mpo yembo lina liami ligumogee moete huma tshubu. ¹⁸ la galo,endowelela boto nganji ogalembge,la endeesela botema bopia gwangae gi alembage. ¹⁹ bobeendeai mbo:Mpo yegi angae mosunja?mpo yembo inji angae ogayoemaela olemba bwande? ²⁰ Lambo age boto,bwendenji mpo yootaana la IONGIAONGIA pege?peli yatongame la gelengo ebea nde agatongelo gombo:Mpo yegi atonge botongei gi? ²¹ Ogatonga peliatsha bokondi goliolo li glongo mpo yotonga la olene gelenge gemoa peli? ye luuma la peli yembe? ²² Lambo inji aayobea engaanmbo IONGIAONGIA esilo oenegisa ligege liyande,la anganju peli ye ligege li mbeo oyiselamelo mpo yosegesama loongo? ²³ la engaambo esilende oenegisia bo poka bo lokuku lwande goete peli ye oboto obongae ande pelo mpo ye lokuku? ²⁴ la galo esu tongae peli ye gelenge geaho,atshi mpo ye bayuda,la mbala yasina moete obatshia baalupisiama. ²⁵ Gelenge gemoa giaselengamemo goete bokanda bo Osea:Emi yetande baito bai ogatshia embe boto gai,la bolembami obotsha bombe bolembami, ²⁶ La go bebeende abo gombo:enu botshi baito baai!Betandebo bana ba IONGIAONGIA yi luuho. ²⁷ YISAYA gombale yande,ehamogende mpo ye baisalaele:Gee gembe bolongo bo bana ba yisalaele bombende ambo neleyi loye lolene,boto omoa ogaayo tshialambisa nde aayouha. ²⁸ Mpo yembo Ngene elesiyande gotshe gehuma getumbo gepia sagasaga. ²⁹ La galo abee yisaya gee gepelo gombo:engaambo Ngenne atshitshielesu basola,anji toaiga ambo sodomo,esu tongae gelenge gemoa ambo gemola. ³⁰ Gii geayobeesu?Baito obatshia baimiyela,obatshia bembe mosila mbeo yi loongene bauya loo lo loongene,la loongene oloya goete oimiyela. ³¹ Ogelanya la yisalaele obambemosila bobeko bo loongene,batshuye bobeko bwaho. ³² Mpo yegi?Mpo yembo yisalaele besilende,atshi la gelenge geoimiyela,la mbo galo atotoge mo goete bagwa.Baatoba ibau moitale. ³³ Gelenge geoa ogiasiginyamemo:Letaa yeende malisa goete SIONA itale yo tobisa ibau,la itale yilene yokbesabo,la boto ogaayoiyelageapasaboge.