¹ Motsha ogiogi obkesama laa boomooa mpo beeee obangae goete Yesu kilisito. ² Mpo ye mbo, bobeko bo gelenge ge uuha goete Yesu kilisito moakakolei goete bobeko bobelaa laa boongba. ³ Mpo yembo mutshia mokoka goete bobeko, Mpo yembo bindo biselendeloo lootshomba opia, Iongia-ongia aabkesa obe goete bindo, La gotoma mpo ye obe, Bona gande ga loongeenee goete bindo obingae gelenge gemoa la obe, ⁴ La galo mpo yembo olongisama goete bobeko gombo mogeelanee goete yiso, Obaendaloo, Atshi la gelenge ge bindo, La gelenge ge boenda booloo bo Iongia-ongia. ⁵ Mpo yembo, Bee obangae muuha la gelenge ge bindo beeleembee mbeo beo yi bindo, Laa bee obangae muuha la gelenge ge Boenda booloo bo Iongia-ongia. ⁶ La oolemba bindo, Mwende lingbaa, La oolemba boenda booloo bo Iongia-ongia, Mwende uuhisiama laa geehoi; ⁷ Mpo yembo oolemba bindo mwende ooloona la Iongia-ongia mpo yembo atshi moolemba gogalase gosee bobeko bo Iongia-ongia, La apalembe galo bwina ata bomoa. ⁸ Injembo obauha la gelenge ge bindo batshi moowisa Iongia-ongia gelemo. ⁹ Mpo yino, Enu obangae moenda la gelenge ogatshi ge bindo, Lambo la gelenge ge boenda, Imbaimbo boenda bo Iongia-ongia engae goete yino mongaa mbo boto atsha boenda bo kilisito, Atshi gande. ¹⁰ Mongaa mbo Kilisito engae goete yino, Bindo, Mongae loongeenee, Bindo biasinga mpo ye obee, La boenda bwauha mpo ye gelenga. ¹¹ La mongaa mbo boenda bo ogatesie Yesuliolo goete bangbi engaa goete yino, Ogatese kilisito goete bangbi euhisiande bindo bino bi bangbi euhisiande ambwale bindo bino biongba la boenda bo Iongia-ongia ogangae goete yino. ¹² La galoo, baseengoo, Esu totshi obangae la nongo ye bindo, Mpo yembo touhee mo gelenge ge bindo. ¹³ Mongaambo bouhi mo gelenge ge bindo, Bo ngbindi; La mongaambo goete boenda bo Iongia-ongia bwaloi mbeo yi bindo, Bouhisiamindi. ¹⁴ Mpo yembo baito batshubu obaendisiama la boenda bo Iongia-ongia, ¹⁵ La enu botshuyi boenda bo botamba, Mpo yembo bongalei moete booha; La enu buuyindi boenda obopa lokuku moete yande esu toataa biima: ABAA! ISEE! ¹⁶ Boenda bo Iongia-ongia geangene endebegisia beenda biso gambo tongae bana ba Iongia-ongia. ¹⁷ Injembo, Mongambo tongae bana ba Iongia-ongia, Tongae ambale baitshiyani: Baitshiyani ba Iongia-ongia, Laa baitshiyani gesee gemoa la kilisito, Mongaambo tongae moenisama looso gesee gemoa laande, Mpo yembo topaame lokuku laande gesee gemoa. ¹⁸ Yeendena mbo looso lo geeee gee mopageelane la lokuku olwayoya goesiesu liolo. ¹⁹ La galoo gea ogetongame getshubu gengae kamo pia yoenisiama bo bana ba Iongia-ongia. ²⁰ Mpo yembo gea getshubu ogetongame loo gengae gose yoenisama bwasi, Atshi la gelenge ogelembe gee, La mongaende la gelenge ogelembe ogaselegese goete loo. ²¹ Goete oogeeleegiambo laa ge ambwale ekakolamande goete boombo bosegisiama mpo yembo akoke gogoota goete lokuku lo bana ba Iongia-ongia. ²² Injembo, Tolubembo, Ko laabwina, Gea ogetongameloo getshubu gendee pogoma la geendeena loso ogalo angae looso la obota. ²³ La motshimbo o gwangaegee geeangeene; Laa esu ambwale obauye Boenda bo Iongia-ongia pelopelo, Esu ambwale twendee pogoma goete esubangene mpo yogumbela uuhisiama, Laa osombama bo bindo biso. ²⁴ Mpo yembo goete oogeeleegiande bwauhisiamesu. Injembo, Ligeeleegi olienenu litshi ligeeleegi: mwangaesu mweena mokokande gogeeleegia ambwale? ²⁵ la mongaambo too geeleegia oyingaesu mwena, Togumbela ndeloo moete oligela. ²⁶ La galoambwale, Boenda bo Iongia-ongia engae mosungenu goete oleembu bwiso, Mpo yembo totshimoluba gooleengela goete ooseemboogeela bwiso. La Boenda geangene endeseembogeela mpo yiso moete bohe obotshia bolubanande gobea; ²⁷ La ogaena oyeeta goete baoopi elube ligeeleegi li boenda bo Iongia-ongia, Mpo yembo endeseemboogeela mo mgelenge ogeeleembe Iongia-ongia gwangae obasila uimiliya. ²⁸ La gombisa tolube mboo, Mbeo yitshubu yendeenda mpo ye ooloo bo baito obalemba Iongia-ongia, Bee obatame liogi la gelenge ogeleembe Iongia-ongia geangene. ²⁹ Mpo yembo bee abalubegee mopelopelo, Aatongambwale boo oogeelana la gelimi ge bona gande, mpo yembo bona gande angae bona ga pelo moete baseegoo baiye bande. ³⁰ La bee baponegee mopelopelo, Aatambwale boo liogi; La bee batege liogi aapaa mbwale boo gelonga; La bee obapame gelonga, Aapaa mbwale boo lokuku. ³¹ Gii giyayo beesu gombisa goete yee mbeo yitshubu? Mongaambo Iongia-ongia engae, Engae mpo yiso, Inji aayoesu obe? ³² Gee, Ogatshiuhisie bona gande, Moete looso la oga eenjeegee mpo yiso batubu, La geni gelenge getshia mbo ependesu biya bitshubu goete yande? ³³ Indji aa yotuba obaimiliyama la Iongia-ongia? Iongia-ongia nde apa gelonga! ³⁴ Indji aa yo bkesaboo? Kilisito esingende mpo yaboo; Goete hoo, Etendeliolo, Engaese go yogoo yi Iongia-ongia yi bolome, La endesemboogeela mpo yiso! ³⁵ Gii giya yo seganyeesu la oolemba bo kilisito? Mongaande ooeenisama, Loomootoo, La ngandji, La looso, La isigee, La bopona, La moete ongba, La moete ilonde? ³⁶ Ogi asilemo gosiginyama: Mongae mpo yago momo angbesu kila bokokooloo, Toendee negama ambo koondooloo oyaloame mpo yoedja. ³⁷ La moete yee mbeo yitshubu tongae obalongaloo goete ogalembesu. ³⁸ Yaimiliya mbo mongaa osinga la ouha, Laa baandjeelu laa bekondi, Laa bimaabiya obingaehoo laa bima abiya obiyayoya, ³⁹ Laa opia buwe, Laa osa, Laa olundju, Laa lootshomba gea laa gemoa ogetongameloo mopakoke oooseeganyesu la ooleemba bo Iongia-ongia oboeenisama goete Yesu kilisito Ngeene yiso.