¹ basego,yengae mobea la baitoobalube bobeko.Botshimolubimbo bobeko bongae la bokondi goliolo li boto gee gengaege boome?. ² Ogali ono asongame la bolome eandane ande la bebeko omogee gengae bolome boome Engaambo bolome engba oguma bebeko be bolome se. ³ Engaambo la bolome gasina inje bolome gande engae boome,Etangamande ogali ga gekobo. La mongaambo bolome gande engba,ogakakogage goete bebeko;mongaambo esngana la bolome gasina apangae oali ga gekobo. ⁴ La galo,basego baai,enu boasili gongba goete bebeko be bindo bi kilisito gombo gasina angae bokondi bwino,botot ogaataliolo goete bangbi,gombo tuma mpo ye IONGIAONGIA. ⁵ Gee gembesu moete luuho lo bindo biso,kamo ye bebeko epende kamo ye mbeo yiso,basenginya babe yaabota tuma to logwo la bilembegiyo bi bindo biso. ⁶ La ogiogi toakakolamagoete bebeko,ane aasilesu gongbela mwaandesu, moetende olo otangela IONGIAONGIA ligwa mondole yendo,la boenda bolo.Motshikoke gotongela ge mondole ya kala,oyatshia engae la basigi. ⁷ La galo tobeegani?Bebeko beangaa basumo?Atshigo lotanye basumo.Engaambo bebeko betshibee gea gombo,bwingo ta liopimogea ge boto,anji emi itshi golotanye gelulela. ⁸ La gee gepange obe guuya ndole goete lilao,momo aagelanya bilulela bitshubu goete yai.Mongaambo bobeko bejanga anji basumo baangba. ⁹ Emi yembende boome pelo inje yedjangele bebeko.La Lilao lio liaya,basumo bo baumoga baome. ¹⁰ Emi oho aanoba.La galo lilao liye lilonganende mbo liuyelei luuho momo atomei gologwo. ¹¹ Gee gepange basumo uuya ndole moete lilao,moaitei,la mondole yaho moaloei. ¹² La galo bebeko bengae beloongene,lilao ambwale lingae li loongene loongene mpe lilo. ¹³ Mongae loongene gombo,gee gea gelo gealoeimi?atshi laayea!Injembo mondole yegea gelo,basumo baaloei la mwaenega obe loongene.Mpo ye lilao,basumo baenegela obe anganju. ¹⁴ Tolebe gombo bebeko bengae gea ge boenda. lambo emi yengae gea ge bindo,yaaenjama mo bokondi bo basumu. ¹⁵ Itshi moolotanya litina li bagwa obangaei motonga.Mpo yembo mwasilei gotonga,itshi motonga mo,la galo yengae mosila otonga mwatshia yelemba. ¹⁶ Engaambo itshi molemba otonga mwatshia yeelemba,yaimiliya gombo bebeko bende belo. ¹⁷ la galo ogiogi mongae emi boto ogatshia etongande galo,la obe bongae mongaase goeta yai. ¹⁸ Mpo yelube mbo gea gemoa gelo gengaese goete yai,goete bindo biyai.Mpo yembo ata yengae mogelegia otonga olo,itshi moluba otonga mo. ¹⁹ Olo obotutei gombo yitongae,ipatongelemo lambo obe obotshia yelemba,yeendetongela mo. ²⁰ La galo,engaambo itshimotongela mwangaai molemba,mongai emi boto ogatshia yetongelande galo injembo basumo bengae mongaase goete yai. ²¹ Yengae moitsha gee gelenge goete yai gombo aho angaai mosi la otonga olo,obe bongae gombale yai. ²² Goete botema bwai boto,yaasepela anganju la bebeko be IONGIAONGIA; ²³ Lambo yaena bobeko bwasina goete bieniselo bi bindo biyai.Bobeko bwaho bolene bwende olonisama giimo ge bebeko obolembei goete bagelegi baai,mongae ambwale mobundami boombo bo bobeko bo basumo bongae goete bieniselo biyai. ²⁴ Emi boto ga nganji anganju! nji agjototolei mwete bindo biye bi lingbaa? ²⁵ Mongae IONGIAONGIA mpo ye yesu-kilisito Ngene Iso.olaisama bwande!La galo emi boto ogalemba bebeko be IONGIAONGIA mo ligelegi liyai,la yende moimiliya bobeko bo basumo ba bindo biyai.