¹ Gee gengo beesu ale?tongale goete lisumu,poyembolifea li golonge? ² Atigalo!esu abaangba goete lisumu,gani angauha alesu goete lisumu? ³ Bosalei mbo esu batubu aba lufiame goete yesu kilisito, mongale gokete lingbaa liande nda lufame esu? ⁴ Tokundamende laande go ndole ye olufiama la lingbaa liande,poyemboo ogia ngala kilisito la ota liolo goete bangbi la bonanga bo ise,ogia ngala esu ambwale toende nda mbala yesika goete uuha. ⁵ La galo,engala mbo toiga gelenge ge moo ambo ikoko la ogelana la lingbaa liande,tongala tshamboale gelenge ge moo la otaliolo bwande. ⁶ Oluba mboo inino yaiso etame ndego ekulusu laande,foo yembo bindo bi lisumu bisegame nde,foo yembo tsho tongalale boombo bo lisumu. ⁷ Looyembo agaangba abiale bokobe bo lisumu. ⁸ Egalambo tongbende la kilisito,toimilia mboo tuuha nde lande. ⁹ Lubaambo kilisito agatee liolo goete bangbi afa singe ale;lingbaa litiale la imba(ofia)gotshee yande. ¹⁰ Foemboo a singa laambo poye lisumu ndangbe mbala emoo fo ye loongo; koeya mbisa la oua la fooye IONGIAONGIA nde buha ge. ¹¹ La galo enu la ngene letanei ambo ogba goete lisumu,ambo abenduha po ye IONGIAONGIA goete yesu kilisito. ¹² Siya mbo lisumu litouhale goete bindo biaino biongba,la ingo iale mbeoyande. ¹³ Ndo fei bindo biaino golisumu,ogiangala bela be lisumu,la mboo bifei la IONGIAONGIA,ogiangale mbo baito buha gokete ongbaa ogambeenu,la bofei bindo biaino go ngale IONGIAONGIA,oga ngala bisalelo bi loongene. ¹⁴ Po mbo lisumu afangale ale la ofia po yaino,motshale gose lisumu,kasi gose lifea. ¹⁵ Gani galo!totonge lisumu, foo yembo tongale ati gose bobeko,kasi gose lifea/ati galo! ¹⁶ Boti molubi mbo go faa boto ogea ngala botamba poo ye otosa ge,bongali botamba go ngale aga ngalenu mootosa,laa mboo la lisumu,ali ngale motomenu golingba laambo motosi boende tomo go loongene? ¹⁷ Laambo lifea lifelame go ngale IONGIAONGIA,gombise agangala botamba bo lisumu,botosindi go liofi,gokete bobeko boboo abombeenu go okisama. ¹⁸ Go silenu olonga lisumu,boangali botamba bo loongene. ¹⁹ Yende selenga ambobaito,foa yebolembubobindo biaino.Gelenge ge moo oga feenu bindo biaino oga ngala botamba gokete obe,la basumu foo yoinga gombeombe,pooyoiga ozangi mbeo yibe. ²⁰ Laambo ogambenu botamba bo lisumu,bombindi otamase go kete loongene. ²¹ Tuma inandi itolenu?tuma to soni atongale laino la buina.Foo yembo gotungaeyeembeo,mongale lingba. ²² La galo ogiogi,gombisa ye olonga lisumu la ogala botamba bo IONGIAONGIA bongali yuma ibwelu la uha boloo. ²³ La mboo lifuti li lisumu ende lingbaa;lifao li bwasi li IONGIAONGIA mongale uha bo loongo gokete yesu kilisito ngene gaiso.