¹ La galo gombise yino golonga gongole yoimiliya,esubo bauya gehoi gwangae IONGIAONGIA mondole ye NGENE yino Yesu kilisito. ² Goete yande mpo yoimiliya bwiso momo auyesu lipea goete yemo esu twendengaa baindjame,la esu tongae mopage lokuku moete letshiya lipea li IONGIAONGIA. ³ Angandju goliolo, esu tongae mopaage luuma la goete looso,golubambo looso lonyenyande bitandalanda. ⁴ Bitanalanda ende molesia gelonga goete ootama,la gio gelonga goete begelegu. ⁵ Injembo gelikia getshi moitaa laayea,mpo yembo olemba bo IONGIAONGIA bopandoge goete baopi baiso moete boenda bolo obopamelesu. ⁶ Mpo yembo gee gembe esu lotshongaa la opia kilisito mogee gelubanelo engbende mpo ye obe bwiso. ⁷ Eimiyende gongba mpo yobea loongene boto ekoke gongba mpo ye boto bolo goete gasina. ⁸ La IONGIAONGIA endee nisa oboto bwande gwangaesu,la gelenge gembo gee gembesu motongela obe,kilisito engbende mpo ye obe bwiso. ⁹ Lagoetela anganju,ogiogi ane aalongesu goetisa liila liande,esu tuu hisamand goet yande mpo ye ligege. ¹⁰ Mpo yembo,gee gembesu moete likaka,esu tosilende goowana la IONGIAONGIA goete ongba bo bona gande,goete ligelegi lipia gombise yoowana,esu tuuhisiamande goete luuho lwande. ¹¹ la motshi gombo ogalo,laesu bangene twendeepa luuma gwangae IONGIAONGIA goete Ngene yiso yesu kilisito,goete yande ogiogi ndauyesu oesanelambisa goete oowana moete lisego. ¹² La galo,ogiambe goete boto omoa obe bo boagota goete gehuma,la goete obe lingbaa,la galo lingbaa lio lia pandoga goete aito batshubu,mpo yembo baito batshubu betongende obe. ¹³ Mpo yembo tee goete bobeko obe bombende mwete gehuma,Injembo obe botsilubane,gee geaho bobeko botshilubane. ¹⁴ Bobo bombemombo lingba liembende gee ge Adamu kino Mose,la baito obatshia betonge obe gelenge gemoa la obe obotonge Adamu,koho boboenege osio bo boto ogambe gombo ayee. ¹⁵ la motshimbe la gea geapaa bwasi ge IONGIAONGIA gelenge gemoa la obe,mpo yembo mongaambo loo lo boto omoa,baito baiye balipea li IONGIAONGIA la gea ge lipea lia yoya goete boto omoa,yesu kilisito,molubanende angandju goete baito baiye. ¹⁶ la motshi likabo liopaambo mwaigelesu goete boto ooa ogatonge obe,mpo yembo gombise ho gekateli ogeye gombisa gelingolende gobkisa,injembo likabo olipame bwasi mombende la geleonga. ¹⁷ Mongaambo mpo yobe bo boto omoa lingbaa lio liaosa mpo yande geangene loo lopia longaembo obauya lpea anganju la likabo li IONGIAONGIA beuhande goete uuhha bo Yesu-kilisito geangene. ¹⁸ La galo,ambo obe bomoa la obkesama mwauya baito batshubu,gelenge gemoa laotonga loo lomoa mwete ligwa mopande luuho olwayoosa gwangae baito batubu. ¹⁹ Mpo yembo ogiangae gopea gotosa bo boto omoa baito baiye bo baagota goete basumu,la gelenge gemoa ambo boto omoa baito baiye boimiyela bengaaande moete loongene. ²⁰ Injembo bobeko bwaimiliyama mpo yembo obe boee liolo,la goet go obe bwangaa buee la lipea liaaa liolo abuee. ²¹ Mpo yembo,ogi ambe obe goete bokondi bongba,la galo lipea lio liauya bokondi moete loongene mpo ye luuho lo loongo,goete Yesu-kilisito Ngene yiso.