¹ Bagolo abaoli,kamo ye botema bwaila osembogelabwai gwangae IONGIAONGIa mpo yabo,gombo bauhisiamee. ² Yaabegisiabo gombo bengae a kamo mpo y IONGIAONGIA,la galo looma bweli: ³ Lambo botshi molubi loongene lo IONGIAONGIA,la baasila otonga loongene loabo bangene,batshilembe ongaa gose bobeko bo IONGIAONGIA. ⁴ Mpo yembo kilisito engae golio li bobeko bolo mpo yoenisa loongene gwangae baito batshubu obangae la oimiyela. ⁵ La galo,MOSE ebeendembo ogatongela loo lo loongene olotonge goete oimiliya bo bobeko:Boto ogaa yotambeye moete ligwa euhande goete mo. ⁶ Lambo leta galo abea loo lo loongene olototoga goete oimiliya:Bwingo Tshunja goete botema bwago ;Inji aayolila go liolo?mpo yosulugisa kilisito goni se. ⁷ Toombo;Inji aayosulugase goete gesee gebe Mo mwende olilisia kilisito go liolo moete bangbi. ⁸ Mwendebea gani?Liogi lilo lingae la goete botema bwago.Injembo,mwete liogi lioimiyela mwangaesu molaisa. ⁹ Mongaambo bolonga oyambol obe bwago mo bonya bwago ageangene gopelo Ngene yesu,la engaambo bwendeimiyela goete botema bwago gombo IONGIAONGIA etesendege liolo moete bangbi la age bouhisama nde. ¹⁰ Mpo yembo goimiyela la botema mwigisiandndae mo loongene,la obegisia obe bwago mo bnya bwago ageangene mouhisandae la geleng ogebea go lisigi: ¹¹ Boto botshubu ogaimiyela ge apoisiame looso. ¹² Motsha osegana laa bomoa,golio,mete Moyuda la mwela,mpo yembo bobatshubu bengae langene emoa,ogangae buuni goete baito batshubu obangae motage liogi. ¹³ Mpo yembo boto botshubu ogaa yota lina li Ngene euhisamande. ¹⁴ Ganiaayotaabo liogi obatshia mbo beimiyela ge?La gani aayoimiliyabo gwangae obatshia beowe luuma lwande la gani aayowabo mboli yande?Mongaambo motsha boto omoa ogalaisama bo? ¹⁵ La gani aayongaamo golaisama inji batshitomame?La gelenge bo baolobabo balo obangae molaisa gehoila obangae mobegisia liogi lilo! ¹⁶ La bobatshububatshitose liogi lilo.la galo yisanya gembo:Ngene,inji imiliye olaisama bwio. ¹⁷ La galo oimiliya bwende moyaa mpo ye oowa,la mwaowamalo mwende moyaa goete liogi likilisito. ¹⁸ La yabea:Batshoe?aogi babo beende goete gehuma getshubu,la baogi babo beigende tee golio lo gehuma. ¹⁹ La yaabeambo:yisalaele batshilube?MOSE boto ga pelo ko bea mbo:yoisiendenu ligege mpo ye obatshia bengae gee gekkolo ogedjange bweli. ²⁰ Lambo mpo ye yisalaele,aabeambo:yaananola baago baai bekolo betshubu gwangae baito obangae betomboki la baito ba pege.