¹ Yendebea mbo:IONGIAONGIA aaila baito bande?gola la aho!Mpo yembo emi ambwale yengae mo Isalaele,ototoga go bana ba Abalayama goete gekolo ge Beyamina. ² IONGIAONGIA atshi ile baito bande,elubendebo pelo ye gee.Enu botshimolubi mwabee lisigi mpo ye Elia,gelenge gembege motuba yisalaele gopelo IONGIAONGIA: ³ IONGIAONGIA,bo belowende Basaoli balene bago,baata bihumbelo biago gato,emi oho aathiala emiangene,la bengae mosila oleimi? ⁴ Lambo geiyano inanji geseele IONGIAONGIA eeselage mbisa?Yetshialende la baito koto bosambaelo,obatshia bepwe babongose gangae Baala. ⁵ Gelenge gemoa moete gee geemotshia lende baito obaponamelo mpo ye lipea. ⁶ Injembo, mongaambo mpo lipea motshala mpo ye bagwa;gelenge geaina lipea litshale lipea,la mongaambo mpo ye bagwa!motshale mpo yelipea gelenge geainaligwa litshale ligwa limoa. ⁷ Geinanji?Gengae yisalaele mosila atshuye gea geaho,la obaponamelo baasiya goiya,injembo baasina bembende la bethema bepia. ⁸ la gelenge ge lisigi olielebo:IONGIAONGIA ependebo boenda obolembu,baiso mpo goowaogalomwete bee bekolo.La Dawidi oho aabeambo: ⁹ Iyaa biya biayolabo bingae iyanji yimba,too oti bomoa,mongae getobelo ge ibau mpo yobka bwabo. ¹⁰ Siyaa baiso babo bangae liima mpo yopea oena laa yea,La beongo biabo biunamee loongo! ¹¹ Emi yaabea gi:Betobende ibau gombo baumeese loongene?Gola la ho! mbombende mondole yobka bwabo,ouhisiama bo boaya gwangae obatsha baimiyela,mpo yembo IONGIAONGIA aoisie,Bayisalaele kamo ye ligege. ¹² Injembo,engaambo obka bwabo bombende uuya bo gehuma bo baito obatshia baimiyela,gani aayongamo anganju gee geayoimiyela bo batshubu ¹³ Yendebegisienu obatshia baimiyela:Ata galo angaai boetani bo baito obatshia baimiyela,yeendememiya ligwa liyai, ¹⁴ Mpo yembo,engaambo mogelana, yoisiebo kamo obangae logogolomoa la emi,la ouhisia baito bamoa. ¹⁵ Mpo yemboengaambo otamagato bwabo boalesia ouhisiama moete huma,mongaande oesiana bwabo mbisa,molesia nde gi,luuho moete bangbi? ¹⁶ Injembo,engambo opa bopelo bongaa bolo,bobatshubu bengaande gelenge gemoa bolo,beti betshubu bengaande belo. ¹⁷ Lambo mongaambo beti beaisina betotogende,la engaambo age ogambe gelaya ge gato gebe,boasiya otama mogesee geabo,la obwanyama go litshina mpo yebaye ba ikoko yigeaya. ¹⁸ Bwingoo pamaluuma mpo yebie beti.Engaambo boopama lokuku,lubaambo age atshaho angae motola beli,lambo boli oho angae mopiisia. ¹⁹ Babeande mbo:Beti betshinjame la beatotolama,mpo yembo emi yitamee ho. ²⁰ Mongae loongene;mototlamonde mpo yopea goimiliya,la age,bongae moemala mpo ye oimiliya bwago.Bwingo ngaa la igeta,la ngaa la booha. ²¹ Mpo yembo engaambo IONGIAONGIA atshuuhisie beti behuma,apauhisie ambwaleage laa yea. ²² Letaa oboto bo IONGIAONGIA la opia bwande:opia bwande goete baito obaumase,la oboto bo IONGIAONGIA goete yago,engaambo bligela goete oboto bwaho,gelenge geaisina,age ambwale booto!tolamande. ²³ Baasina ambwale gelenge gemoa,batshilongambo oligela moete pege yabo,yopea goimiliya,bengaande mpo ye INGIAONGIA engae la opia mo yotabo mbala yasina. ²⁴ Engaambo age,botshinamende la ikoko yi gelaya yibe,la momo angae gelenge geago geonga go ikoko yi gelanga,goete boi motshi gelenge geago moetande la olo gani mba begotsha beti be gelanga goete boi goete gelenga la gelenge ge mo! ²⁵ mpo yembo itshimolemba,basego,gombo batobosala ogolo tanya loo lwe loilaa ye ambo yembo enubotoo leti laa yea ambo baito ba bweli,mongae gesege ge yisalaele geo gi aumasegoete botango bo obatshia baimiye la begotande ²⁶ La galo yisalaele yitshubu yiuhisamande,la gelenge ogasiginyamemo gombo ogaayouhisia etotogande: go Siona,la etotolande yakobo moete obebwande. ²⁷ La mwe mongaande uimiyama bwai laabo,gee geagototoleibo bwabo. ²⁸ Mondole ye mboli yilo,baatngama baito babe mpo yino,la mondole yoponama,baalembama mpo ye gelenge ge baise babo. ²⁹ Mpo yembo IONGIAONGIA atshi moete lipea li bakabo la otama liogi bwande. ³⁰ La gelnge gemoa gembe ino geopea otosa IONGIAONGIA la goete ojanga otosa bwabo enu bwauyi ogiogi owelelama nganji. ³¹ Gelenge gemoa batshilembe oimiyela,mpo yembo moete owelelama nganji obotongelamenu,bobo bwaenegisama oboto goete yabo. ³² mpo yembo IONGIAONGIA ainja baito batshubu goete lopango lonjanga otosa,mpo yoelela baito batshubu nganji. ³³ Goete lihia liouya,la bweli la ogolotanya IONGIAONGIA!La osambisama bwande bopagelane olubana,la baogi bande bipenegame ndole! mpo yembo. ³⁴ Boto inanji alube bagelegi ba Ngene,to gombo inji ambe bolubisi bwande bombeo? ³⁵ Inji apee likabo liyande pelo,mpo yembo auye lifut liyande gombisa? ³⁶ Gwangae ge,goete yande,la mpo yande biya bitshubu biotoge gwangaege.Gwangae ge ogenegu botshubu bongae loongo la looongo!Ogalo!.