¹ yaaleengeeleenu, Baseego, Mwete nganji ye Iongia-ongia, Gambo bopei bindo bino mbeka oyatshia mbo aasinga, Oyatsha obe goete yande, Ongaenisa ooloo gwangae Iongia-ongia, Mwayongaa gombale yino ooseemboongeela boomooa bo bweeli. ² Bwngootuli mbeo yi geeee gee, La enu kikogei goete bweeli bogiogi, Mpo yembo bokoki goluba ligeeleegi li Iongia-ongia biende gani, Mwangae gooloo la moogeelanee. ³ Goete lipeea olipamelemi, Yendebea la kila boto mwete yino atoongaa la bageeleegi bande geangeene goliolo li obai, La obatee bweli boyelase, La gelenge geoimiliya ogepe Iongia-ongia la kila boto. ⁴ Mpo yembo, Ogiangaesu la bisege bi bindo biye goete bindo bimoa, La mbo bisege bi bindo bitshubu bitsha ligwa gelenge gemoa, ⁵ La galoo, Esu obangae baiye, Toangaa bindo bimoa goete kilisito, La toangaa esu batshubu biseege bibindo beeee la baasina. ⁶ Mpo yembo tongae la bakabo bileengee la bileengee, Goete lipeea olipamelesu, Gombo boto oga gae la likabo lioweea atongee la gelenge geimiliya; ⁷ La boto ogatame liogi goete ligwa aandanee la ligwa liande; La ogangae molaisa aandanee la olaisa bwande, ⁸ La boto ogangae moana goete oanama. Ogangae mopaa bakabo apee la liloo; boto ogangae moemaela baasina aemaelee boo la opia; La boto ogangae la botema bo nganji atongeleemo la botema booloo. ⁹ Siyaa ooleemba bwino botoongaa bo gosee lokasi. bwingooleembi obe goete yino; Andanei la opia goete otonga ooloo. ¹⁰ Goete ooleembana bo liseegoo, Ngai la oyala la ooleembana beeee la baasina; goete luma, Panei lokuku mbalee yitshubu. ¹¹ Goete opia, Bwingootanisee; Goete mbeo yi boeenda bo Iongia-ongia, Ngalei la yiimbe. Tongelei Ngeene ligwa. ¹² Ngalei la gesagela goete oletshiyama. Ngalei la olesia liopi see goete looso. Ligelei goete lisomboli. ¹³ Peei bakabo gwangae obangaela bojanga goete oimiliya. Tongei ooloo gwangae bogeenda ¹⁴ Tongelei ooloo gwangae obangae mooienu looso, Tongelei ooloo la bwingoo lakeli oobee. ¹⁵ Sagelei la baito obangae moete osagela; Ngalei mobileli la baito obangae moete bileli. ¹⁶ Ngaai la ooleembana boomooa moete yino la basina. bwingoesi baele liolo, Tongelei obitsha luuma. bwingoo ngai la bweeli mobaiso baino bangeene. ¹⁷ Bwingoo tongela boto laa oomooa obe la obee. Silei mwangae gooloo gopelo ye baito batshubu. ¹⁸ Mongaambo mokokande, Ogi aayoleemba botema bwago, Ngaa la gehooi la baito batubu. ¹⁹ Bwingoo tongela obe gwangae boto ogatongeleaee obe, Baleembami baai, La siyaa ligeegee li Ngeene litongamee; Mpo yemboo mosiginyame gai: Ngeene oohoo aabea, Obinolia ligeegee mongaende loo bwai, La otena pute engaende loo bwai. ²⁰ Mongaa mbo bonguna bwago engaa la isigee, Paagee biya biola; Engaambo la kamoo ye baye, Paagee baye amwee; Mpo ye gotongela galoo, mongae ootelagee bagala ba yimbe gotie bobkee bwange. ²¹ Obe botoo longenu, Longelei obe mwete otonga ooloo.