¹ Sidja mbo baito batubu ba tose bakondi bateu,pombo bokondi ata bomoa amoti ye gangale IONGIAONGIA, la bekondi abangale mobosala motamase nde la IONGIAONGIA. ² Momo agangota tembe la bokondi ende moela bebeko abite IONGIAONGIA,la agangota tembe esilande okwesama bwande gelangene. ³ Agalo, batshi mobanga basambisi gee giaelaee olo,kasi gee giatongage obe.Bwembambombo botonga bogasa gwengae bakondi?ela mbeo ilo la budjande gelnga geabo, ⁴ Pombo la basambisi bengaee basali ba IONGIAONGIA poae olo bwago. kasi bwelambo obe,ngaa la obanga. Agalo,motshi poae bwasi gwabatage ilonde, po engae mosali mo IONGIAONGIA la opa ogaela obe getumbo. ⁵ Mongae la litomba otosa bakondi,atshi poae dje kanda ene,kasi poae loo lo bomoto. ⁶ Momo afute nu ba pako,poambo ba sambisi bengae basali ba IONGIAONGIA bee bataame gomosala mo. ⁷ Fei boto la boto mwa beame po yande,pako a ga koke la pako,gekolo la kekolo,boha la ga koke la boha,lokumu la agakoke lokumu. ⁸ Bwango faa boto gea,o olembana omoo la basina,po agalemba basina ende mokokisa bobeko. ⁹ La galo,betindo," bwengo tonga gekobo,bwango loa,bwango iba,bwango ngala la tama, la abangongala ale lalo,ba tee hagelegia gobe baogi," Bolembande mbo go gago ogialembae bindo biago langene. ¹⁰ Lolango lotshi moela obee gongae mbogo.lolango longae okokisama bo bobeko. ¹¹ ago mongale mbo bolubi geleko inandi gengale esu; Mwende geleko geoumoga mwete mwilo,po sikagi ouha mwangae bagu laiso et ago aimiliesu. ¹² Lotigo loabito,nongo angaa bagu.Tosiye besala be liima,la tobate bembali be baale. ¹³ Toende bobosolo,ambo moeta mokolo,atsha belangwa,atsha oela pite,la oloana la oowana obe. ¹⁴ kasi batei koonde gene esu kilisiyo,la bwangala la kamo ye bindo po y'oseplisa tama.