¹ Eeleyi booyambi aa onoo gaangayee aa olembu gweete koondimaa, Laa bingootii peege gootchee bikaateeli. ² Booto eengayee aa koondimaa djoolaabiyaa bitchubu: Booto gooyi, Eengaye aa oleemu, Eendee moolaa oo ndunda. ³ Sidjaamboo onoo geendeelaa aatcthoo leefoolaa ogaati moolaaloo, Laa mboo ogaati moolaaloo atchootchudjaa ogeendeelaalo, Pwee mboo Mungu eeyaambandeegee. ⁴ Aageendi, Aagee geendee tchundjaa boosali bwaamboogo? Ataa eemaalandee, Too eepkaasee, Moo moleete ngeeneandee. Kaasi eemaalande, Indi iyongiya ongiya eengaae bookondji boyeemalisaage. ⁵ Onoo gaadjooelaa bookeeseni mosisee loosigo; Onoo ogoyi eegeeleengaandee bwoo beetchubu geeleenge geemowaa. Sidjaamboo booto aa booto ayimidjee aa boolimoo bwaandee geeyangeene. ⁶ Oogaadjoo seegaanyaa beekooloo elaandee gaalo pwee djee Iyongiya ongiya. Ogaadjoolaa eendee laa pwee Iyongiya ongiya, Indimboo eendee paaa Mungu maatoondi; Ogaapaalee, Moongaaye pwee Ioyongiya ongiya ndaatigee moolaa, Laa apee Mungu maatondi. ⁷ Moo loongeenee, Laa omoowa tee mweetee yaisoo aati muhaa pwee geangeene, Laa omoowa aati moombgaa pwee geeyangeenee. ⁸ Sooko tweenduhaa, Tweenduhaa pwee Iyongiya ongiya; Laa toombgaamboo, Tweendeembgaa pwee Iyongiya ongiya. too mboo moomoo moonduheesu, Toomboo tweendee mbgaa, tongaaye baa iyongiya ongiya. ⁹ Indii kilisitoo eembgeendee Laa einyeendee, pwee aageelaanee ongaa goolioloo liobaambgaa Laa gootchee oobaangaa boomoyi. ¹⁰ Kaasi aagee, Pweegi djaasaambisaye bweelo oloomee gaago? Too agee, Pweegi djaa leefoolayee bweelo oloomee gaago? Pweembo esu baatchubu toemalaandee goopeelo geesaambiseelo gee Mungu. ¹¹ Indii mookoomaamee: Djeengayee boomee, Iyongiya iyongiya abeyaa: Baabolongo baatchubu beyinaamaandee goo peeloyayi, Laa Laa loogaamee lootchubu moopandee mungu maatoondi. ¹² Aa gaalo omowa la omowa gaayiso eechaandee baogi geyangeenee googaa Mungu. ¹³ Tootchoo saambisaanaale obaayi laa obaayi; Kaasi geelegeeyi pwee loothoo eelaa laa moongaa bweeloo gaago lilaangaali liokaalaa too djeeyi peendeegidjoo djoo pkaa. ¹⁴ Djeelubee laa djeeyimidjee aa Iyongiya ongiya Yesu pee geeya laa geemowa geetchaa liloo andee, Laa geeya geemoowa geetchaa liloo pwee oogaayi djaa lilo. ¹⁵ Kaasi mbwee, pwee geeya geeolaa, Bweelo gaagoo engaaye ngaandi, booti mooyeendaale aa geeleengee gee boolingo: Bingoo seeleengaa, Aa biyaa biyagoo, Oseegaa ogaa onoo gaambgeele kilisito. ¹⁶ Sidjaa boolamu bwinoo botchoongaa loo loobonisaamaa. ¹⁷ Pwee bookoondji boo Mungu, mootchimboo oolaa laa omwaa, Kaasi booyengeebeene, Geehoyi laa eseengo, Aa boolimoo seemboo. ¹⁸ Onoo ngaa eleela Kilisitoo aa geelengee gwee eengaaye boolo googaye Mungu la eyimidjaamee aa baaito. ¹⁹ Aa gaaloo mboo, toosileeyi mwaapaa geehoyi laa mwaayemaaliseesu. ²⁰ Bingoo seegaa mbeewo dji Mungu, Pwee djee biyaa biyolaa. Mooloongeene biya bitchubu bingaaye aa boopeeto; Kaasi moongaayee obee pwee booto, gee geelaage, moo kikoogaande libaangaadji ibaawu. ²¹ Moongaaye boolo loolaa boo Mungu, loomwa Baagaana, laa oyeela mwaadjoo geelaandaa oonga peendeegidjoo djoo pkaa pwee mboogoo yaagoo, ohiyaa too oleembu. ²² Eloo Koondima djaango, Agee baatelaalo goopeeloo Mungu. Oloo boo booto onoo gaatiyambo emoselenga geeyageene gweete mwaayimidjaagee! ²³ Kaasi oogaangaa peegee aa mwaa ngaayee gee moolaa eepkeehaamee, Pweemboo ati mweelaa aakoondimaa mwee moochubu mwaatiya mmtoongamee aa koondimaa moongaaye lisumu.