¹ Esu obangae baito bapia,tookokande go itshiliya obangae balembu obatshi bapia la topagelane gosagela esu bangene. ² Boto omoa la omoa moete yino asepelise ba mbogo yande lambeo yilo mpo yembo apiisie ge. ³ Mpo yembo yesu atshoise bindo olo geangene,lambo lisigi olikomamelo gombo; obe obombebo motongala obambe mobonaa mwaumase gotshe yami. ⁴ Injembo,mbeo yitshubu oyi siginyebo la gologolo mokomamende mpo yolaisesu,mpo yembo,moete omesegilia,la goete liyano olingae mopama moete basigi tongaande la gelikia. ⁵ Siyaa IONGIAONGIA ogangae la bitandalanda la ogapa liano apeenu mpobouyei bongaeli bolo bee goete baasina mogelenge ge yesu-kilisito, ⁶ Mpo yembo goete liopi limoa la mbeoyitubumoetebonywa bomoa,enu bopei lokuku gwangae IONGIAONGIA la ise ga Ngene yiso Yesu-kilisito. ⁷ Gaai la gesagela gwangae beyeli bee la baasina,gelenge gemoa ambo kilisito oga yambenu la gesagela mpo ye lokuku lo IONGIAONGIA. ⁸ Emi yaabea laino mbo kilisito embende boto ga ligwagoete baito ba bolome obatshinebo yoombo,mpo yoenisa loongene lo IONGIAONGIA mpo yo gelanya bisemba obi pamelo gwangae baise. ⁹ La gembo obatshia baalupisama bapee lokuku gwangae IONGIAONGIA mpo ye ngandji yande la gelenge oge sinyebo; momo angaembo emi yepandage luuma goete toula,la yetshwela ndagebegele be luuma goete lina liyago.La mobeame mbala yasina. ¹⁰ Enu baito na toula,ngalei la gesagela moete yino labaito bande! ¹¹ La mbala yasina;enu peei luuma gwangae Ngene,enu baito ba toula totubu peeige lokuku,enu baito batshubu! ¹² Yisaya oho abea ambwale; Ge enene lande gwangae yisai ogaa yoemala bokondi bongaa moendisia toula tuee,to toula totande bagelegi goete yande. ¹³ Siyaa IONGIAONGIA yi gelikia ayalisieenu moete gesagela getshubu la gehoi getshubu goete oimiliya,mpo yembo enu boyalei moete gelikia la opia bo boenda bolo bo IONGIAONGIA. ¹⁴ Mpo ye mbeooyiletenu basego baami,yengae emiangene la gelemo golubambo enu boyali la gelenge gelo,boyali la oluba bweli botshubu,bogelani golaisenu bee la baasina. ¹⁵ La galo, yapua baisose,emi yesiginyelandenu la gelenge ambo geumolenu moete ogelegia,mpo ye lipea li IONGIAONGIA olipe epemi. ¹⁶ Gongae botami bo yesu kilisito moete obatshia baimiliya,gelenge gemoa gototoga goete olaisama liogi li IONGIAONGIA mpo yembo obatshia baimilia bangae mpo yande boange bolo,oboamemama moete boenda bolo. ¹⁷ Emi yengae goete loo lopaa luu magwae Yesu kilisito mpo ye mwalete mbeo yi IONGIAONGIA. ¹⁸ Mpo yembo emi yiaote losigo laa lomoa gosiginyama loo lo kilisito olotshia lotongame lai mpo yota obatshia baimilia gombo balembee,goete liogi la goete mbeo. ¹⁹ Moete opiabo ogemisa la otonga tosemo la opia bo boenda bolo bo IONGIAONGIA,la gelenge gembo,opanga go yelusaleme a toula otongae go ngongoa kino go ililko,emi yelaisende anganju la gopandola liogi li kilisito. ²⁰ La emi yetongelende luuma golaisa liogi mogese ogetshia kilisito eige gotama lina,mpo yembo itoopua mbele mogesee ge boto gasina la gelenge ogekomame lo. ²¹ Baito obatshia bebegisame mpo yande beenande ge,la baito obatshia beowe liogi liande gi aselenge ge belubande. ²² Momo apeiyei gombo itoo lingola goiga gwangaenu. ²³ La ogiogi,itshale la gese laa gemoa geotonga ligwa mwete biee bisee biee,la goete bilanga biye biye la kamo yolingola gwangaenu elo angaa. ²⁴ Emi yeelembande oletenu la oeta ndole gee geayolingolemi go Esipanya la goendeino lilongo,gombise yami osiya kamo yai yuiga gwangaenu. La ogiogi yengae mowa go yelusaleme mpo ye ligwa liloli baenda. ²⁶ Mpo yembo makadonia la Akaya belembende gosonganya bioto biyabo gesee gemoa mpo yopaa baito obatsha geuyo moete bekumi be yelusaleme. ²⁷ Besagelende gotongela galo,la tongae la nongo yabo,mpo yembo mongaambo obatshia baalupisiama bauyabo boeba lipea li boenda,begelanende ambwale gotongelabo moe mbeo yi biya gee la gee. ²⁸ Gee geayosiyei lwee loo lambo engaeseibo boeba bwabo mbisa yelingolande go esipanye la oetandole gwangaenu. ²⁹ Yelubembo golingola gwangaenu,mongae oyalana la lipea li kilisito gwanngaemi. ³⁰ Emi yengae mosombolenu,basego goiete Ngene yiso yesu kilisito la goete olemba bo boenda mbo balonisie gimo laa emi,gobegisia IONGIAONGIA mondole ye lisomboli mpo yami. ³¹ Mpo yembo itotoge goete basumo ba baito obapea goimiliya ambo yuda,la mbo lipea liye lingaelemi moendaalo go yelusaleme mongae la oimiliama goete boenda. ³² la gelenge gembo yiige gwangaenu la gesagela,mongaambo moende kamo ye IONGIAONGIA,lambo yisagelembu moete yino la gelenge ge oogoma. ³³ IONGIAONGIA yi gehoi angaeeino batshubu!ogalo.