¹ Emi yengae mobegisia FOEBE,bwelo gaiso gaogali,ogangae Diakona go linginda li kakelese. ² Mpo yembo enu boyambei ge goete oboto bo Ngene la gelenge ge bweli bolo bo baenda,la mbo enu botongei ande goete mbeo oya yongaa ande la kamo gwangaenu,mpo yembo embende mopaa lisungi mbala yiee gwangaee baito laa emia ngene. ³ Peii uimilia gwangae pilisikiala Akuilasi,obaendalami gesee gemoa mwete ligwa li yesu kilisito. ⁴ Obagotsha betshue beabo mpo yuuhisia bindo biami;atshi emiangene nda enisiebo lipea,mombende ambwale la banginda batshubu ba baito obatshia baalupisiama. ⁵ Peei mbte mo linginda olingae goete mbele yabo.peei mbote gwangae Epaineto,bolembani bolo bwami ogambe mpo ye kilisito,baito ba pelo goete Asia. ⁶ Peei mbote gwangae malia,ogoose looso luwe mpo yino. ⁷ Peei uimilia gwangae Andolonukusa la Yuniasi,basego baami la liemba bengae baito balene ba luuma goete batomami,obambe baetani ba kilisito gopelo yami. ⁸ Peei uimilia gwangae Ampoliasi,bolembami bwai bo ligwa goete Ngene. ⁹ Peei uimilia gwangae Ulubano,ogaendeiso gesee gemoa goete ligwa li kilisito,la Satakusi,bolembami bwai. ¹⁰ Peei oimilia gwangae Apelesi,ogauyame la linginda gwangae kilisito.peei oimilia gwangae Alisitobule. ¹¹ Peei oimilia gwangae lisego Helediona lisego liyami'peei oimilia gwangae obangae goete mbele ye Nalasise obangae goete liogi li Ngene. ¹² Peei oimilia gwangae Tulufaina la Tulufose ogatonge ligwa mpo ye Ngene peei oimilia gwangae peliside,polembami bo ogali,ogatongele ngene ligwa anganju. ¹³ Peei oimiiayagwangae Lufuluge ogaponome la Ngene la Inango ande,ogangae ambwale inango gami. ¹⁴ Peei oimolia gwangae Asikilita,felogonita,Helemese,patolobasi,Elemasi,la basego obangae abo. ¹⁵ Peei oimilia gwangae filologo la yulia,nele la bwelo gande ga ogali la olupa la baito batshubu obangae labaenda balo goete yabo. ¹⁶ Panei oimiliana moete bee la baasina moete uumbuliana bolo.Banginda batshubu ba kilisio baa peenu oimiiana. ¹⁷ Emi yaasembogelenu,basego,boletei lolo la liangee obatonga oseganabo baito moete obe,oemaela soni olaisama bo liogi lilo oliuyenu.Ngai gola labo. ¹⁸ mpo yembo baito ba biobilenge batshi motongela kilisito ligwa li Ngene yiso,labeuma beao bangene,la benae mokokoliya baopi ba baito a bweli. ¹⁹ Mpo yino,luuma la liopi lilo lino lilubane bisee bitshubu;yeendesagelampo ye loo lwaho,la emi yendeelemba mbo enu bongai la bweli mpo ye mwalete biya la mbeo yilo,bolubei ambwale yeike mbeo yibe. ²⁰ IONGIAONGIA yi gehoi emetelande ogiogi Satana gose baolo baino.Siya lipea li Ngene yesu-kilisito lingaee laino. ²¹ Timote, ogaendalami moete ligwa,endepenu oimiliya,la galo la lukiusi,yasona la sosipatelo,obangae Ise la inango gami. ²² Emi yeendepenu mbote goete Ngene,emi Teletuisi,oga siginye loasi lwe. ²³ GAyusi, boto gai goyamba baito ba linginda litshubu,aapeenu imiliyei Elasata,bomami bo bioto bo bo boi,apeenu imiliyei,la galo la lisego kwalatusi. ²⁴ Siya mbo ngandi ye Ngene Yesu kilisito engae laino batubu!Ogalo! ²⁵ Lipea lingae ino oliotoge gwangae IONGIAONGIA la gelenge geolaisama bwaami la liogi li Yesu kilisito,gelenge gemoa la mboli yilo yaai oisamelo moete bilenga bekama la mbuka. ²⁶ La mwaenegela ogiogi goete basigi obasiginye kanga ye IONGIAONGIA,ogelame la gepangeli ge IONGIAONGIA ogangae loongo la loongo,la gobegisia goete baito ba toula toshubu,mpo yembo baimoiliye goete liopi. ²⁷ Gwangae IONGIAONGIA,geangene nde angae la bweli,toombo la lipea li bilanga bekama la bekama,gwangae Yesu kilisito!Ogalo!