¹ mo bokolo bo bonaani mose ete nde alona la bana bande ba bolome la bogolo ba yisalaele, ² la ge ebegise nde alona gombo, osaa bona golome ga ngombe po dje boeba bo lisumo la pate dje bolome po dje boeba boohumba, mo mwele ati djosegama la kabaa mo gongale mungu. ³ begisaa ambwale baito ba yisalaele gombo: osaa taba dje bolome po dje boeba bo lisumo, la bona ga ngombe la bona ga pate, bo baele ba gelanga gemoa ati obabe po dje boeba bo ohumba, ⁴ la ngombe dje bolome la pate dje bolome po dje boeba bo gehoi po djokaba gopelo mungu, la boeba bo biya biola obosangane la baina; po dje mbo bwaina mungu eenana nde laino. ⁵ bedjee nde la lo molake mose gopelo mbele dje koyangana la linginda litubu liemale nde gopelo mungu. ⁶ mose ebee nde gombo: mwe mongale loo ololake mungu gombo botongei, la ogenegu bo mungu bwenega nde gongale enu. ⁷ lagombisa mose ebegise nde alona gombo: longanya go gehumbelo la kabaa boeba bo lisumo liago la boeba boohumba bwago, la tongaa goeshanisa mbisa moete oboto po djaago la po dje baito; djoo ambwale la boeba bo baito la tongaa oesanela mbisa moete oboto po djaabo, ogalo alake mungu. ⁸ lagalo alona elonganye nde go gehumbelo la eloe nde bona ga ngombe po dje boeba bo lisumo, mombende po djaande pendja. ⁹ bana ba alona bepende baila bande la ge etende isangana djande mo baila la etende mo moete seba dji gehumbelo la ebele nde baila se go gehumbelo. ¹⁰ la mbo baina ba batua la gesege geke ge ligolome mototoge mo boeba bo lisumo, ehumbe nde mo go gehumbelo ogalo alake mungu mose. ¹¹ ge epetshe nde bonugu la logogo mo djiimbe golusa bo go mbele. ¹² ge eloe nde ambwale boeba boohumba, la bana ba bolome ba alona bepee nde ge baila la ge etende mo goliolo li gehumbelo go ngonga. ¹³ bepee nde ge boeba boohumba gesege la gesege la botshwe bo mo, la ge ehumbe nde mo go gehumbelo. ¹⁴ esogole nde biyoo laa baolo la ehumbe nde mo, mo boeba boohumba gesee gemoa, go gehumbelo. ¹⁵ la gombisa ge epee nde boeba la baito, la ge eose nde taba dje boeba bo lisumo obombe po dje baito, la eloe nde lo la ekabe nde lo po dje lisumo gelenge gemoa la boeba bo lisumo obopelo. ¹⁶ epee nde ambwale boeba boohumba la ekabe nde mo gelenge gemoa la bobeko. ¹⁷ epee nde ambwale boeba bo biya biola la edjalise nde djoogo djande la mo la ehumbe nde mo mo gehumbelo la boeba boohumba la nongo. ¹⁸ ge eloe nde ngombe dje bolome, la pate dje golome, mwende boeba bo gehoi po dje baito. bana ba bolome ba alona bepee nde ge baila, geoho aabela bo go liolo la go ngonga dje gehumbelo, ¹⁹ la baina ba ngombe dje bolome la pate dje bolome boali bo baina la baina baalupa biyoo la botua la bisege bike bi ligolome. ²⁰ betende baina goliolo li gegwa la ge ehumbe nde baina goliolo li gehumbelo, ²¹ lambo alona egulumie nde gegwa la bindo bi golome ambo boeba booguluma gopelo mungu, ogalo alake mungu. ²² la gombisa alona eese nde baago liolo gongale baito la geoho aapambola bo. ge esuluge nde gogesee ge okaba boeba bo lisumo la boeba boohumba la boeba bo gehoi. ²³ mose la alona begote nde go mbele dje koyangana la gonene bo bepambole nde baito la ogenegu bo mungu bwenege nde moete baito batubu. ²⁴ djiimbe djinene nde gopelo mungu la mopetshe nde boeba boohumba la baina goliolo li gehumbelo. goene baito batubu galo bobo baahamoga la bobo bauma se la basio babo.