¹ nadaba la abihu, bana ba alona, beose nde boto la boto peli djaande djohumbela paka la malasi, la betee nde djiimbe goeta dje mo, la betende paka la malasi dje mo, la bekabe nde djiimbe djasina gopelo mungu, adjitshambo elakele bo. ² djiimbe djinene nde mo gesee ge mungu la mopetshe nde bo la bengbe nde gopelo mungu. ³ la gombisa mose ebegise nde alona gombo: mungu aabeya galo gombo, djeenegisama nde bwelu goete obangale go ngonge djai la djeepama nde loguma gopelo baito batubu. alona etiale nde gehoi. ⁴ mose ete nde misaele la elisafana, bana ba bolome ba ujiele, ise gasina dje alona, la ebegise nde bo gombo: longanyei, totolei basego baino ba pelo go gesee mosatu la golusa bo likumbo. ⁵ la galo belonganye nde la betole nde bo goete kasaka djabo golusa bo likumbo ogalo abee mose. ⁶ mose ambwale ebegise nde alona, eleajala la itamala, bana bande gombo: bingototoli soge djaino la bingohali tulu djino gombo botongbi la gombo ligege litogwela linginda litubu. la basego baino, mbele djitubu dji yisalaele, bekoka nde golela djiimbe odjaapelisa mungu. ⁷ bingoneni go gegwe ge mbele dje koyangana po dje mbo botongbi, po dje mbo baina boetsha ba mungu bengale goliolo lino. betongele nde gelenge gemoa ogalo abee mose. ⁸ mungu ebegise nde alona gombo: ⁹ bingomwa vinyo too gea ge olangwisa ati age la ati bana bago ba bolome gesee gemoa laa age, aho adjogote enu go mbele dje koyangana po dje mbo botongbi. mo mongala nde bobeko bo loongo goete basego baino batubu. ¹⁰ booganyi ndi moete biya o bilo la biya obi baito, la goete biya bi lilo la biya obiti la lilo. ¹¹ boolaisi ndi baito ba yisalaele bebeko betubu obebee mungu abo mo bonywa bo mose. ¹² mose ebegise nde alona la eleajala la itamala bana ba bolome bande obatiale lo gombo: osei boeba bo biya biola obiatiala moete boeba obotongame la djiimbe gongale iongiaongia, la lei mo ngomba la giambe ge go ngonga dje gehumbelo, po dje mbo moete la bwelu. ¹³ bolindi mo gesee geelu po dje mbo mongale boeba bwago la bana bago, ototoga go boeba bo djiimbe gongale iongiaongia, po dje mbo emi djelakelame galo. ¹⁴ la mbo gegwa gee geamotshama la bilio obiakabama bolindi mo imbai gesee inandi geelu, age la bana ba bolome bago la bana ba bogali bago gesee gemoa laago, po dje mbo mo moapaama ago ambo boeba, la boeba bo bana ba bolome bago ototoga go boeba bo gehoi bo baito ba yisalaele. ¹⁵ bedjaa nde la bilio obiakabama la gegwa ogeamotshame mo la baina ba boeba bo djimbe gesee gemoa, po dje omotshama ambo boeba bo omotshama gopelo iongiaongia, la mo mongala nde ago la bana ba bolome bago gesee gemoa laago, ambo boeba bo loongo gelenge gemoa ogalo alake iongiaongia. ¹⁶ mose esundje nde angandu molitina li taba po dje boeba bo lisumo la letaa, moapetshame lo ! la ge oelele nde eleajala la itamala kanda, bana ba bolome obatiale la alona, la ebee nde mbo, ¹⁷ botili boeba bo lisumo mo gesee ogetia gengale mosato po dje gii? po dje mbo mo mongale gea ogeete gelo. ¹⁸ letaa, baila ba mo betolane moete gesee ogetia gengale mosatu. molongane nde moete loongene gombo bolei mo goete gesee ogengale mosatu ogalo alake emi. ¹⁹ alona ebegise nde mose gombo: letaa, laabwina baasila gokaba boeba bo lisumo la boeba boohumba gopelo iongiaongia, la ane nganji djilene djaagwelei, ambaa mbo emi djeele nde boeba bo lisumo labwina, mo nde ambe golo moete baiso ba iongiaongia? ²⁰ goe mose galo geoho aaesha botema se.