¹ mungu ebegise nde mose la alona gombo, ² begisaa baito ba yisalaele gombo, mwe mongale biya bi luuho bookoki ndi gola mo goete djanama djitubu dji goni se. ³ nama la nama ogasegane bametela, la ogangale a bametela obasegane la biele, la moadjonyenya biya bi liundu liande po djola mo mbala djasina boli ndi mo moete djanama. ⁴ la mbo goete djanama obainya gonyenya biya bi liundu po djotuna mo mbala djasina too mbo moangale la baolo obakabwane la biele, bingoli baho; kamela ende monyenya biya go liundu ogwalaa ge mbala djasina, la baolo bande bati kabwane la biele, la galo mongale lilo po djaino. ⁵ liutu goete gato mongale ambwale lilo po djaino po dje mbo eende monenisa biya po djotuna mo mbala djasina inde baolo bande batisegane mbala djela. ⁶ liutu olingale la batwi basa po djaino engale la lilo po dje mbo eende monenesa biya mbala djasina po djola, inde baolo bande batikabwane la biele. ⁷ ngulube engale ambwale la lilo po djaino po dje mbo eseganye baolo la engale la baolo obakabwane la biele, la mbo atimonenesa biya po djotuna mo mbala djasina. ⁸ bingoli bonugu bo mo, la bingootoli beligo be mo. mo mongale la lilo po djaino. ⁹ bolindi nama djee goete nama djitubu odjingale goete badje. boli ndi biya bitubu obingale goete badje obingale la bapapu la mboso engala mbo mongale goete badje ba bonana too goete gebale, boki ndi gola mo. ¹⁰ la mbo biya bi badje ba bonana too la bibale obiti la bapapu la ngogo, goete dje mo gotubu moaendela goete badje, la goete biya bi luuho bitubu goete badje, bingala nde lalilo po djaino. ¹¹ mo motiala nde la lilo po djaino. bingoli bonugu bo mo po dje mbo botongi ndi beligo be mo la lilo. ¹² biya bitubu bi badje obiti la bapapu la ngogo bingala nde lilo po djaino. ¹³ goete djanoli botangi ndi oba lilo, la bapalame po dje mbo bengale la lilo: ndjou la engondo boke la ndjou odjainya osilana la swe, ¹⁴ la beombe la njengo la gelenge ge mo, ¹⁵ la wangana la gelenge ge mo, ¹⁶ la malingbanga la komu la noli dji badje ba bonana la beombe la tobune la gelenge ge mo, ¹⁷ la lihuluhulu la ekoli la monyenyenge, ¹⁸ la keko la kala la engondo bolene. ¹⁹ la lidjogolo la mokwela la gelenge ge mo, la ngelengele la lingombo. ²⁰ djanama djike djitubu odjingale la bapapu odjinya goenda la baolo banei djingala nde la lilo po djaino. ²¹ la goete djanama djike la bapapu odjinya otandola la baolo banei bokoki ndi gola odjingale la baolo goliolo li bametela po djohumboga goete gehuma. ²² mo bokoki ndi gola: lidjodjo la gelenge ge mo, la lidjodjo la ebata la gelenge ge mo, la likeele la gelenge ge mo, la lidjodjo like la gelenge ge mo. ²³ la mbo djanama djasina djike la bapapu mo baolo banei djingale la lilo po djaino. ²⁴ boongali ndi la lilo po dje mo.imbai ndi adjotola boligo bo mo engala nde la lilo kino liolo, ²⁵ imbai ndi adjotola djei boligo bo mo esogola nde tulu djande la engala nde la lilo kino liolo. ²⁶ nama la nama eganye limetela la limetela litikabwane la biele, la mopanenese biya bi liundu po djola mo mbala djasina mongale lilo po djaino. ge ogaadjobunda mo engala nde la lilo. ²⁷ goete djanama odjingale la baolo banei, djo itubu djienda nde la makaka ba mo la opia, mongale la lilo po djaino. engala ndi ogaadjobunda boligo bo mo engala nde la lilo kino liolo, ²⁸ la geono ogaadjotola boligo bo mo etita nde tulu djande la engala nde la lilo kino liolo. mo mongale lilo po djaino. ²⁹ goete djanama odjitanda mo se goete gehuma ogengale enu la lilo: bosomba bo nama la loadje lo bonama la gelenge ge mo, ³⁰ la kakambe la louliya la liulangongo. ³¹ mwe mongale lilo po djaino goete djanama odjitanda ose. imbaimbo ndi adjobunda mo aho asila mo gongba, engala nde la lilo kino la liolo. ³² engala mbo engba la egwa goete gea indi gea gio gengala nde la lilo, engala mbo mongale gea ogetongame la ikoko too tulu, too logogo too litunga, too gea ge ligwa liasina, mokoke nde gombo motame mo badje la mongala nde la lilo kino liolo. la gombisa mongala nde gwelu. ³³ engala mbo mouma goete peli odjatongame la nele andi biya goete dje mo bingala nde la lilo la bobuni ndi peli. ³⁴ imbaimbo biya biola inandi bingale goeta dje mo, bigelane golama, imbai badje ba mo beuma goliolo li mo andi mongala nde la lilo; la biya biomwa bitubu obikoke gomwama, goete peli la galo mo gotubu mongala nde la lilo. ³⁵ laa djei boligo bo nama djaho bogwa goliolo li gea imbai gea inandi, mongala nde la lilo. imbaimbo mongala botua too peli djolambela, mobunega nde bisege. mongale la lilo, la botangi ndi mo lilo ³⁶ la ata galo, botshwe bo isaala too lishaa li obatela badje lingala nde bwelu, la ge ono ogaadjotola boligo goete dje mo engala nde la lilo. ³⁷ engala mbo ndambo dje boligo bo mo bouma go liolo li djuma djologa odjadjologama, mongale gwelu. ³⁸ engala mbo badje betoma goete djuma djologa mo la ndambo dje boligo bo mo bouma la mo mongala nde la lilo po djaino. ³⁹ engala mbo nama odjadjokoke enu gola engba, andi ge ogaadjotola boligo boaho engala nde la lilo kino liolo, ⁴⁰ la ge ono ogaala ndambo dje boligo bwaho etita nde tulu djande la engala nde la lilo kino liolo. ge ono agaatola boligo boaho etita nde tulu djande la engala nde la lilo kino liolo. ⁴¹ biya bitanda la se bitubu, obilanda ose moete gehuma bingale la lilo, la bipalame. ⁴² nama la nama odjaadjoenda la ndaa, la odjadjoenda la baolo banei, la odjangale la baolo baidje, nama djitubu odjitanda ose moete huma, bingoli byo po dje mbo djingale la lilo. ⁴³ booseli ndi bindo bino la lilo po dje nama imbai gea inandi ogetia getanda ose , la bingo segisami po dje mo gombo botongali la lilo. ⁴⁴ po dje mbo emi djengale mungu, iongiaongia djaino. momo angale mbo bopamei luuma la bongali baelu po dje mbo emi djengale bwelu. bingosegami po dje gea ogetia getanda ose mo gehuma. ⁴⁵ po dje mbo emi djengale iongiaongia oganenese enu moete gehuma ge ejipito gombo djingale iongiaongia djaino. momo adjongale enu baelu po dje mbo emi djengale bwelu. ⁴⁶ mwe mongale bobeko po dje litina li nama la noli la biya bitubu obingale moete luuho obieta goete badje la biya bitubu obitanda ose moete gehuma, ⁴⁷ po djoganya goete lilo la bwelu la goete gea ogengale goete luuho mokoke golama la gea ge luuho getikoke golama.