¹ iongiaongia ebegise nde mose gombo: ² begisaa baito ba yisalaele gombo, ogali etola ambo lieme la ogwabota ge bona golome, andi engala nde la lilo moete bekolo bosambale, gelenge gemoa la gee geena ge songe, engala nde la lilo. ³ mo bokolo bo bonaani bonugu bo djoombo bo bona botinyama nde. ⁴ gombisa ogali etiala nde bekolo betuu besaso la besaso la baila po djopetolama bwande. apabunde gea ge bulee, la apagote go gesee ge mosatu ogalo adjokokisa ge bekolo beande be opetwa. ⁵ mongala mbo ebota bona ogali, andi engala nde la lilo moete posho djele, ogalo angala gee geande ge oena songe, la ge etiala nde la baila po djogasa lolo moete bekolo betuu liambe la liambe. ⁶ la gombisa dje bekolo liambe be opetolama gosila, engala po dje bona golome too po dje bona ogali, ge edja nde la bona ga pate dje gelanga gemoa gongale kanga go gegegwe ge mbele dje koyangana po dje boeba boolamba, la bona ga gebenga too gebenga po dje boeba bo lisumo, ⁷ la kanga ekaba nde mo gopelo mungu la eudja nde gelenge ge oelela oboto mbisa. la gombisa egasa nde mo gelenge ge otonga baila bande. mwe mongale bobeko po dje litina li ogaabota bona, imbai golome imbai gogali. ⁸ imbai mo litina li bobola ge apakoke gopaa bona ga pate, andi eosa nde bibenga bi noli biele imbai bana ba bibenga biele, omoa po dje boeba boohumba, la djasina po dje boeba bo lisumo, la kanga eudjela nde ge goesana mibsa moete oboto la ge engala nde bwelu.