¹ mungunebegise nde mose gombo, ² engala mbo boto etonga obe la ebuna bobeko bo mungu, ane aia ge ngenga ande po dje loo lo bwela too gea ogemame ge, too gea ogepinole ge, too gombo eoisaa mbogo djaande looso; ³ too mbo ge eosa gea ogelimege lo la aabea bwela molitina li gea geaho pe aalapa moete bwela; imbaimbo ge aatonga lisumo inandi goete mbeo odjiinya baito gotonga, ⁴ engala mbo boto etonga lisumo pe egwa la mo, , andi ge eesa nde mo mbisa moapinole ge too moaudje ge mo gelenge ge onyokola, too gelaka ogepamele ge, too gea ogelimege lo audja gio. ⁵ too gea inandi ogealapa ge moeta bwela molitina li bwela; ge eesa nde mo gotubu mbisa la ebakisa nde ndambo dje tano djasina moete mo, la epaa nde mo la ngene dje mo, mo bokolo bo boeba bo gekweli. ⁶ ge edja nde gongale kanga, la boeba bo gekweli giande po dje ngene. mopangale bolome bo pate bobe oboasegama moete bolongo bo botuya ogelana la boeba bo gekweli mo baiso bago. ⁷ lagalo kanga eosa nde goelela mbisa moete oboto po djaande gopelo mungu, la ge elimbisama nde mo litina li loo olotonge ge la aagwe la mo. ⁸ iongiaongia ebegise nde mose gombo, ⁹ lakelaa alona la bana bande ba bolome gombo, mwe mongale bobeko bo boeba boohumba. boeba boohumba bongala nde mo gesee ge djiimbe goliolo li gehumbelo ge lotigo lotubu kino la nongo la djiimbe dji gehumbelo djionga nde la mo. ¹⁰ kanga ebata nde tulu djande dje bolikani la etaa nde molinda bo bolikani mo bindo byiande, la eosa nde buta bo djiimbe gombise opia bo boeba boohumba goliolo li gehumbelo, la etaa nde mo gonga dje gehumbelo. ¹¹ gombisa etotola nde tulu djande, la ebata nde tulu djasina la etola nde buta bo djiimbe golusa bo gegwe mo gesee geelu. ¹² djiimbe dji gehumbelo djionga nde gee getubu la ipalimege. kanga ehumba nde ngoi dji mo bekolo betubu la nongo, la ge elalisa nde boeba boohumba moete loongene goliolo li mo, la ehumba nde baina ba boeba bo gehoi goliolo li mo. ¹³ djiimbe djiongisama nde goliolo li gehumbelo gee getubu. mo mopalimege. ¹⁴ mwe mongale bobeko bo boeba bo biya biola. bana ba alona beganya nde mo gopelo ngene gopelo gehumbelo. ¹⁵ omoa etotola nde djoogo djimoa dji boteke bokeboke bo boeba bo biya biola bi baina ba mo gesee gemoa la paka laa malasi djitubu odji goliolo li boeba bo biya biola, la ehumba nde mwe ambo gekaniseli ge mo goliolo li gehumbelo, po dje loongene mo golo gongale mungu. ¹⁶ alona la bana bande belande moangotiala. mo mopalame la geambe mo gesee geelu. belaa nde mo goete lopango lo mbele dje koyangana. ¹⁷ mo mohumbama nde lotshomba la fulo. djaasilidja gopaa ambo gesee geabo ge boeba bwai goete djiimbe. mongale gea ogeete la bwelu gelenge gemoa la boeba bo lisumo la boeba bo gekweli. ¹⁸ golome la goloma moete bana ba alona ekoke gola mo, gea giabo ge loongo moete basego baino, mototoge goete boeba bo mungu obotongame la djiimbe. boto la boto ogaabunda mo engala nde bwelu. ¹⁹ iongiaongia ebegise nde mose gombo, ²⁰ mwe mongale boeba bo alona la bana bande, moadjokaba bo gongale mungu mo bokolo abodjobulisama ge ndambo dje liu dje bioto bi efa la boteke obotshangame lo bokeboke mo boeba bo biya biola bi kila bokolo la bokolo ndambo dje mo la nongo la ndambo dje mo la liolo. ²¹ motongama nde la baina moete lisaso. gwadjosidja mo gosangana lolo boodja nde la mo bisege obihumbame ambo boeba bo biya biola, la bookaba nde mo po dje loongene lolo gongale mungu. ²² kanga ene goete bana ba alona aabulisama po djongala bwande ekaba nde mo gongale mungu ogalo alakame mo loongo. mo gotubu mohumbama nde. ²³ boeba bo biya biola bitubu bi kanga bihumbama nde mo gotubu. mo mopalame. ²⁴ mungu ebegise nde mose gombo; ²⁵ begisa alona la bana bande gombo, mwe mongale bobeko bo boeba bo lisumo. boeba bo lisumo boloama nde mo gesee ogeadjoloama boeba boohumba gopelo dje mungu. moetele la bwelu. ²⁶ kanga odjakaba mo po dje lisumo elaa nde mo. molama nde mo gesee geelu ge lopango lo mbele dje koyangana. ²⁷ mongala gea inandi gebunde bonugu bo mo mongala nde gwelu, la aho adjobelega mo ndambo dje baila ba mo goliolo li tulu, bosogola nde gea geaho ogebelege baila baho mo gesee geelu. ²⁸ engala mbo molambama moete peli odjatongame la nele, peli djaho ebunega nde, la mbo mongala mbo molambama mo peli dje motako, andi mosogolama nde la opia la gombisa mosogolama nde la badje bwasi. ²⁹ golome la golome goete djakanga ekoka nde gola mo. moete la bwelu. ³⁰ la mbo boeba bo lisumo bopalame engala mbo baila ba mo batigotshame go mbele dje koyangana po djoesa oboto mbisa goete gesee geelu. mopetshama nde moete djiimbe.