¹ engala mbo oto etonga obe, goadjoage olapa botama liogi bobea loo oloene age too ololube age, la ge atibee mo, andietola nde lisumo liande. too mbo boto etola ambo gea ge lilo, engala mbo mwende boligo bo nama dje lilo, toombo boligo bo gebwele ge lilo, too boligo bo nama dje lilo odjakokane lo, la imbai mbo moisame laande, la ge audja lilo andi aagwa laloo. ³ too etola gea ge lilo ge boto, mwodjolesa boto la lilo, la po dje mbo moisame goete djaande; aho adjoluba age mo engba nde la loo. ⁴ too, imbai boto elapa moete bonywa bwande gombo etonga nde obe, too etonga nde olo, too mbo elapa nde mo gelenge inandi, la indimbo atikanise lolo indi mbo ge eelapi te lolo; la mbo moisame po djande aho adjoluba age engba nde la loo loaho lomoa moete mbeo djitubu. ⁵ aho adjogwa boto moete omoa moete djee mbeo, eyambola nde obe obotonge ge, ⁶ la edja nde la boeba bo gekweli geande gongale mungu goete litina li obe obotonge ge. mongala nde gebwele ge ogali, too bona ga pate, too taba po dje boeba bo lisumo, la kanga eosela nde ge goesama mbisa goete oboto mo litina li lisumo liande. ⁷ la mbo mongala mbo molitina li ogaati la gea andi apagelane gopaa bona ga pate, andi moti boeba bo gekweli giande andi edja nde la noli dji bibenga biele, emoa po dje boeba boohumba, la emoa po dje boeba bo lisumo. ⁸ edja nde la lo gongale kanga la ge ekaba nde mo po dje boeba bo lisumo li pelo. etotola nde botshwe bo mo moete baago bande, la mbo apahale mo, ⁹ la ebela nde ligilima li baila moete boeba bo lisumo go ngonga dje gehumbelo, la baila obaatiala bebela nde mo se go gehumbelo. mongale boeba bo lisumo. ¹⁰ la gombisa eganya nde adje djele ambo boeba boohumba mo gelenge ge bobeko;la kanga elonganya nde goelela mbisa goete oboto mo litina li lisumo olitonge ge, la elimbisama nde. ¹¹ la mbo mongala mbo mo litina li ogati la gea ekoka nde gopaa noli dji bibenga biele too ngopaa bana ba bibenga biele, andi po dje boeba bo lisumo olitonge ge, edja nde la ligilima li momoa gose liu dje bioto bi efa bomoa la boteke obotshangame djeikeike po dje boeba bo lisumo. apate baina go liolo li mo, la apate paka la malasi goliolo li mo, po dje mbo mongale boeba bo lisumo. ¹² edja nde la lo gongale kanga, la kanga edjalisa nde djogo djimoa di mo po dje gekaniseli ge mo la ehumba nde mo goliolo li gehumbelo, la goliolo li boeba bo djiimbe gongale mungu. mongale boeba bo lisumo. ¹³ la galo kanga oelela nde ge goesanela oboto mbisa molitina li lisumo olitonge ge goete djee mbeo, la elimbisama nde. ligilima oliadjotiala mongala nde po dje kanga, gelenge gemoa la boeba bo biya biola. ¹⁴ iongiaongia ebegise nde mose gombo; ¹⁵ engala mbo boto atitongele moete loongene la aatonga lisumo lotioluba po dje litina li biya bielu bi mungu andi edja nde la boeba bo gekweli geande gongale iongiaongia, pate dje bolome mo bolongo bo obotia bongale bo osegama mo loeti ololongane mo baiso bago obotangame la bioto bi basekele la palata, ambo sekele mo gesee geelu. mongale boeba bo gekweli. ¹⁶ ge efuta nde po dje obe aboatonga ge mo litina li gea geelu, la ebakisa nde ligilima li gemoa gose tano la epaa nde mo gongale kanga. kanga elonganya nde goelela mbisa goete oboto mo litina li pate dje bolome mo boeba bo gekweli, la ge elimbisama nde. ¹⁷ engala mbo boto etonga lisumo, la etonga loo alolake iongiaongia gombo mototongama, laa atilube galo, andi edjelama nde se la etotola nde obe bwande. ¹⁸ edja nde gongale kanga la pate dje bolome mo bolongo bo nama odjatiambo aasegama, odjangale la loeti ololongane moete baiso bago mo boeba bo gekweli, la kanga eudjela nde ge goelela oboto mbisa mo litina li ondolo obotonge ge lotsholuba, la ge elimbisama nde. ¹⁹ mo mongale boeba bo gekweli. ge aadjelame se gopelo iongiaongia.