¹ iongiaongia ebegise nde mose gombo: ² begisaa baito ba yisalaele gombo, engala mbo boto etonga lisumo lotsholuba gi, molitina li loo ololake mungu gombo mototongama, la ge atongee loo lomoa lo mo, ³ engala mbo kanga egilitshama ambo engale boto ogaatonga lisumo liaho, lagalo ge aalesia gekweli goete baito andi atokaba bona ga ngombe ga golome ogatia engale bolo gongale mungu po dje boeba bo lisumo mo litina li lisumo olitonge ge. ⁴ ge edja nde la bolome bo ngombe gopelo bome bo likumbo li koyangana gopelo mungu, la elalisa nde djoogo djande go botshwe bo bolome bo ngombe la eloa nde ngombe dje bolome gopelo dje mungu. ⁵ kanga odjagilitshame lo eosa nde ndambo dje baila ba ngombe dje bolome la edja nde lalo gongale goete likumbo li koyangana, ⁶ la kanga etaa nde isangana djande goete baila la ebelande ndambo dje baila mbala bosambale gopelo dje mungu la gopelo tulu go gesee geelu. ⁷ kanga ambwale eta nde ndambo dje baila ba seba mo gehumbelo ge paka la malasi gopelo iongiaongia ogangale goete mbele dje koyanganala baila obadjotiala ebela nde se go gehumbeloge boeba boohumba obongale go gegwe ge mbele dje koyangana. ⁸ etotola nde baina batubu ba ngombe dje bolome la boeba bo lisumo, baina baindja bioo, ⁹ la betua bele gesee gemoa la baina bengale goliolo li mo gongale bonugu bo boongo, la gesege geke ge ligolome mototola nde ge mo batua gesee gemoa. ¹⁰ ogalo atotoge mo gongale ngombe dje bolome dje boeba bo gehoi la kanga epetsha nde mo goliolo li gehumbelo ge boeba bo gehumbelo. ¹¹ la logogo lo ngombe dje bolome la bonugu bo mo gotubu, la botshwe bo mo gesee gemoa la baolo ba mo la biyoo bi mo la tobi to mo, ¹² mongala nde o ngombe dje bolome ge botubu, ge etola nde mo gotubu golusa bo molako go gesee geelu ogeadjobelega buta bo djiimbe, la epetsha nde mo goliolo li djiimbe dji ngoi. mohumbama nde moete gesee ogeadjobelega buta bo djimbe. ¹³ engala gombo linginda litubu li yisalaele betonga lisumu lotsholuba gai, la loo lwaho lotimolubana moete baiso ba linginda, la bo baatonga loo lomoa ololake mungu gombo lotshotongama; la bo badjelama se; ¹⁴ gosile lisumo olitonge bo golubana, andi linginda li yisalaele bekaba nde ngombe dje bona golome po dje boeba bo lisumo la bedjande lalo gopelo mbele dje linginda li koyangana. ¹⁵ bogolo ba linginda belalisa nde baago babo go botshwe bo ngombe dje bolome gopelo dje iongiaongia. ¹⁶ la gombisa kanga odjabulisama edja nde la ndambo dje baila ba ngombe dje bolome gongale likumbo li koyangana, ¹⁷ la kanga eta nde isangana djande moete baila la etande mo mbala bosambale gopelo iongiaongia la gopelo tulu. ¹⁸ eta nde ambwale ndambo dje baila ba seba go gehumbelo mongale go likumbo li koyangana gopelo iongiaongia, la baila obatiale lo ge ebela nde bo se go gehumbelo ge boeba bo ohumba bongale go ngonga dje gegwe ge likumbo li koyangana. ¹⁹ etotola nde baina baho batubu la ehumba nde mo go gehumbelo. ²⁰ etonga nde galo po dje ngombe dje bolome, ogalo atonge ge mo ngombe dje bolome mo boeba bo lisumo, etonga nde galo po dje mwe, la kanga eudjela nde bo godjaa mbisa goete oboto la belimbisama nde. ²¹ ge etola nde bona ga ngombe dje bolome golusa dje molako la epetsha nde mo ogalo apetshe ge ngombe dje bolome bo pelo. mongale boeba bo lisumo po dje koyangana. ²² aho adjotonga bokondi lisumo, etonga nde mo lotsholuba gi, loo lomoa goete mbeo djitubu odjilake ngene iongiaongia djande gombo mototongama, la geoho aadjela se, ²³ engala mbo lisumo olitonge ge lilubisama ande, andi ge edja nde la taba po dje boeba bwande, atongala bolome bo taba oboasegama. ²⁴ elalisa nde djoogo djande gotie botshwe bo taba la eloa nde lo mogesee geinya bo goloa bo boeba gopelo iongiaongia. mo mongale boeba bo lisumo. ²⁵ gombisa kanga eosa nde ndambo dje baila ba boeba bo lisumo moisangana djande la etande mo moete seba dji gehumbelo ge boeba bo ohumba, la ebela nde baila obatiale se go gehumbelo ge boeba boohumba. ²⁶ ehumba nde baina ba mo gotubu go gehumbelo, gelenge gemoa la baina ba boeba bo gehoi. lagalo kanga eudjela nde ge oelela mbisa moete oboto po dje litina li lisumo lyande, la elimbisama nde. ²⁷ engala mbo boto omoa ga baito ba bwasi etonga lisumo lotsholuba gai, motonga nde ge loo lomoa moete mbeo odjilake mungu gombo mototongama la aakba, ²⁸ aho aasila lisumo alitonge ge gobegisama ande, adjande la taba po dje boeba bwande, taba dje ogali ogatia engale djosegama, po dje lisumo olitonge ge. ²⁹ elalisa nde djoogo djande go botshwe bo boeba bo lisumo la eloa nde boeba bo lisumo mogesee ge boeba boohumba. ³⁰ kanga eosa nde ndambo dje baila ba mo moisangana djande la etande mo mo seba dji gehumbelo ge boeba boohumba, la ebela nde baila obadjotiala gose dje gehumbelo. ³¹ etotola nde baina ba mo gotubu, ambo baina obadjototoga moete boeba bo gehoi, la kanga ehumba nde mo moete gehumbelo po dje liipu lilo gongale iongiaongia. la kanga eudjela nde ge oelela mbisa moete oboto la olimbisama. ³² engala mbo ge edja la bona ga pate po dje boeba bo lisumo lyande, andi apadjee a bogali ga bobe, ³³ la elalisa nde djoogo djande go botshwe bo boeba bo lisumo la mbo eloa nde mo po dje boeba bo lisumo mo gesee ogeinya bo goloa bo boeba boohumba. ³⁴ la gombisa kanga eosa nde ndambo dje baila ba boeba bo lisumo moisangana djande la eta nde mo moete seba dji gehumbelo moete boeba boohumba la ebela nde baila se go gehumbelo. ³⁵ etotola nde baina batubu ambobaina ba pate betotoga nde moete boeba bo gehoi, la kanga epetsha nde mo moete gehumbelo, goliolo li boeba bo botshwe gongale iongiaongia. kanga ambwale eudjela nde ge oelela mbisa moete oboto po dje litina li lisumo oitnge ge, la elimbisama nde.