¹ engala mbo boeba bo boto bongale boeba bo gehoi, engala mbo ge ekaba mwatotoge goete ba ngombe, imbai gogali imbai golome, bopakabe gea gebe gopelo mungu. ² elalisa nde djoogo djande go botshwe bo boeba la eloa nde mo gombale dje gegwe ge likumbo li koyangana. bana ba alona la djakanga, bebela nde baila go ngonga la goliolo li gehumbelo. ³ ototoga go boeba bo gehoi, boeba bo djiimbe gongale mungu, ge ekaba nde baina obadjolupa biyoo la baina batubu obangale goliolo li biyoo, ⁴ la mepiko bele gesee gemoa la baina obangale la mo goete bonugu bo boongo, la gesege geke ogeadjototola ge mo bopiko gesee gemoa la ligolome. ⁵ la gombisa bana ba alona behumba nde mo goliolo li gehumbelo la goliolo li boeba bo ohumba, mo mongale goliolo li ngoi odjingale la djiimbe. mongale boeba bo djiimbe, liipu li lo gongale mungu. ⁶ imbaimbo boeba bwande po dje boeba bo gehoi gongale mungu mototoge go bolongo bo ba pate la ba taba, to bolome, to bogali, apakabe mo moete osegama. ⁷ imbaimbo ge ekaba ambo bona ga pate mo boeba bwande andi mbo ekabe mo gopelo dje mungu, ⁸ djelalisa nde djoogo djande mo botshwe bo boeba bwande la djoloa nde mo gopelo dje likumbo li koyangana. bana ba alona bebela nde baila baho go ngonga la goliolo li gehumbelo. ⁹ ototoga go boeba bo gehoi, boeba bo djiimbe gongale mungu, ge eganya nde baina ba mo, boali bo baina batubu obadjototola ge go ngonga dje bagwa ba boongo, la baina obalupe biyoo la baina batubu obangale goliolo li biyoo, ¹⁰ la bepiko bele gesee gemoa la baina obangale go ngonga dje bonugu bo boongo, la gesege geke ge ligolome ogeadjototola age mo mipiko gesee gemoa. ¹¹ kanga ehumba nde mo goliolo li gehumbelo ambo biya biola obikabame la djiimbe gongale mungu. ¹² imbaimbo boeba bwande bongale taba, andi ekaba nde mo gopelo dje ngene, la elalisa nde djoogo djande go botshwe bo mo la elowa nde mo gopelo likumbo li koyangana. bana ba alona bebela nde baila ba mo go ngonga la goliolo li gehumbelo. ¹⁴ ototoga goete dje mo ge ekaba nde ambo boeba bo djiimbe djande gongale ngene, baina baalupa biyoo byande la baina batubu bengale goliolo li biyoo, ¹⁵ la mipiko bele gesee gemoa la baina bengale goliolo li mo gombale bonugu bo boongo, la gesege geke ge ligolome ogeadjototola ge go mipiko gesee gemoa. ¹⁶ kanga ehumba nde mo mo gehumbelo ambo biya biola obiakabama moete djiimbe po dje liipu li lo. baina batubu bengale po dje mungu. ¹⁷ mongala nde bobeko bo loongo moete basego baino batubu, la bisee biongala se bino bitubu, gombo bingooli baina laa baila.