¹ aho alemba boto okaba boeba bo biya bi ola gongale iongiaongia, boeba bwande bongala nde ambo boteke obotshangame djeikeike. ge ebela nde baina goliolo li mo la etaa nde keele la malasi goliolo li mo, ² la edja nde la mo gongale bana ba alona, la djakanga. ge ambwale etetola nde djoogo djimoa dji boteke obotshangame bokeboke la baina, gesee gemoa la paka la malasi mo gotubu. kanga ehumba nde mo po dje ogelegia mo goliolo li gehumbelo. mongale boeba bo djiimbe bolo bo loongene gongale iongiaongia. ³ motiale lo po dje boeba bo biya biola mongala nde mo alona la bana bande. mongale ndambo odjaete la bwelu moete boeba bo djiimbe gongale iongiaongia. ⁴ aho adjodjaa age la boeba bo biya biola obihumbame moete botua po dje boeba, mongala nde bekati be djimbe abetshangame lo djeikeike obobwanyame la la baina la odjanga djiimbe, to bekate beke obedjange geambo obeasidja bo ogilitsha baina. ⁵ engala mbo boeba bwago bongale boeba bo biya biola obikalingame mo lisaso, mongala nde boteke obotshangame djeikeike, oboti la djiimbe la obosangane la baina. ⁶ botshwa nde mo bisege bisege la ogwabela age baina goliolo li mo, mongale boeba bo biya bi ola. ⁷ engala mbo boeba bwago bongale boeba bo biya obilambame lo moete peli, motongama nde la boteke obotshangame lo djeikeike la baina. ⁸ boodja nde la boeba bo biya biola obitongame la biya obingale gongale mungu, la apame mo gongale kanga, ge edja nde lalo go gehumbelo. ⁹ kanga etotola nde ndambo po dje gekaniseli ge mo, la boohumba nde mo go gehumbelo. mongale boeba bo djiimbe, liipu li lo gongale iongiaongia. ¹⁰ mo moatiala boeba bo biya biola bingala nde po dje alona laa bana bande. mongale ndambo dje biya obietele bwelu moete boeba bo djiimbe gongale iongiaongia. ¹¹ ati boeba laa bomoa bo biya biola, obiadjokaba age gongale iongiaongia, bitongama nde la geusi ge djiimbe, po dje mbo bopahumbe geusi ge djiimbe la baina ba boge ambo boeba bo djiimbe gongale iongiaongia. ¹² bokoka nde odjaa la lo gongale mungu ambo boeba bo djuma dji pelo, la moganyama nde goliolo li gehumbelo ati po dje liipu li lo. ¹³ botaa nde bonana mo boeba bo biya biola bitubu biago.bopasidje bonana boimiliana bo iongiaongia djago la odjanga boeba bo biya biago biola. bokaba nde bonana bo boeba bwago botubu gesee gemoa. ¹⁴ engala mbo boeba bo biya biola bietotoga goete tuma to pelo gongale iongiaongia, andi bookaba nde po dje boeba bo biya biola bi tuma to pelo, tuma to basangu ba sika obatshangame lo la mototoge go botshwe bo sika, obohumbame la djiimbe. ¹⁵ bota nde baina goliolo li mo, la bolalisa nde keele la malasi ba mo. mongale boeba bo biya biola. ¹⁶ kanga ehumba nde ndambo dje basangu obatshangame lo la ndambo dje baina la kele dje malasi batubu ogi angale gekaniseli geaho. mongale boeba bo djiimbe gongale iongiaongia.