¹ iongiaongia ete nde mose liogi la ebegise nde ge ototoga go mbele dje geuganelo, ² sololaa la baito ba yisalaele la begisaa bo mbo, engala mbo boto gaino edja la boeba po dje iongiaongia boodjindi la boeba bwino obototoge goete bolongo bo ba ngombe la taba la bapate. ³ engaa mbo boeba bwande bongala boeba boohumba obototoge goete bangombe, andi apapee bolome ogaa segama. epaa nde mo gombale dje bome bo mbele dje geyanganelo gombo adjambame gopelo iongiaongia. ⁴ elalisa nde djoogo djande go botshwe bo boeba bo ohumba la moyambama nde goete djaande po djoudja gelenge ge oesanela oboto mbisa. ⁵ la gombise dje ho ge eloa nde bolome bo ngombe gopelo iongiaongia; la bana ba bolome ba alona la djakanga; beganya nde baila la betande bana go ngonga la goliolo li gehumbelo gombale dje likumbo li koyangana. ⁶ etotola nde logogo lo boeba boohumba lambo etinya nde boeba moete bisege. ⁷ bana ba bolome ba kanga alona betande djiimbe goete gehumbelo la belalisa nde ngoi lolo moete djiimbe. ⁸ bana ba alona, la djakanga belalisa nde bisege, botshwe la baina, mo loongene go liolo li ngoi odjingale la djiimbe, goliolo li gehumbelo. ⁹ la esogola nde bioo bi mo la baolo ba mo moete badje. kanga ehumba nde mo gotubu go liolo li gehumbelo ambo boeba boohumba, boeba bo djiimbe, liipu li lo gongale mungu. ¹⁰ engala mbo boeba bwande bo ohumba bototoge goete bolongo bwande bo bapate too ba taba, ge apakabe mo bolome agaasegama, ¹¹ la eloa nde mo go ngonga dje gehumbelo gombale dje liolo, gopelo ngene, la bana ba alona, djakanga, betaa nde baila ba mo go ngonga la goliolo li gehumbelo. ¹² etinya ndemo moete bisege, go botshwe bo mo lilongo la baina ba mo, la kanga elalisa nde mo lolo gotie ngoi odjingale la djiimbe goliolo li gehumbelo, ¹³ la esogola nde bioo laa baolo mo badje. kanga eganya nde mo gotubu, la ehumba nde mo goliolo li gehumbelo. mongale boeba bo ohumba, boeba bo djiimbe, liipu li lo gongale iongiaongia. ¹⁴ engala mbo boeba bwande gongale mungu bongale boeba bo ohumba noli, andi edja nde la boeba bwande bo djanoli too bana ba noli. ¹⁵ kanga edja nde lalo go gehumbelo la etotola nde botshwe bo mo la baago bande la ehumba nde mo go gehumbelo, la baila ba mo bebelega nde gongonga dje gehumbelo. ¹⁶ etotola nde libenga mo ngingo dje mo la tshuha gesee gemoa la etaa nde mo gongonga dje gehumbelo go genenelo ge bwina, mo gesee ge buta bo djimbe. ¹⁷ ehala nde mo laa bapapu ba mo la apaganye mo. kanga ehumba nde mo go gehumbelo, goliolo li ngoi i djimbe. mongale boeba bo ohumba, boeba bo djiimbe, longene gelemo gongale mungu.