V 1 mungu agaselenga la mose gotie ngolo dje sinai, la abea mombo; 2 begesa bana ba yisalaele, la begisa nde bo mombo: gee gengogote enu go boi abofe djeefe enu, nele nele dje ogoma nde; mongala nde yenga djimoa mo lokuku lo mungu. 3 moete bilanga liambe bwisa nde gelanga geago, moete bilanga liambe bolonganya nde vinya djago: la boogwa nde ale biima la biya. 4 kasi gelanga ge bosambale mongala nde djenga djimoa, gee ge oogoma po dje nele, yenga imoa po dje lokuku lo ngene; bofasele ale gelanga geago, la bofalonganye ale vinyo djago. 5 bofakbe ale abingodja mo tuma atokbe se gee gembe age mokba biima la biya mo gelanga giago, la bofasege bengungu be bingi bi vinyo aitshambo iandame lo mo mongala nde gelanga ge oogoma po dje nele. 6 abingonenesa nele mo gee ge yenga mosunge nde enu la biya bi ola. la age, la boto gaago ga bosala aga golome la bo gogali, la agaose age mo bosala, la bopaya abongongala laago. 7 la bibwele biago la nama adjingale mo boi bwago; bio biya bitubu bisalesa nde age po dje biya biola. 8 botanga nde yenga bosambale, bosambale mbala bosambale mo bilanga la biina be toenga bosambale bi gelanga motonga nde bilanga betuu benei la libua. 9 bwina abo liu mo songe dje bosambale, boamela nde liogi lifia li kelelo; bekolo bio ongala o moete osembogela, boumi ndi kelelo moete boi bwaino 10 la enu boobulisi ndi mo gelanga ge tano, enu bobegisi ndi ongala moete gehoi moete boi po dje baito batubu; mongala po djaino bwina bo oenganesa gelanga: omoa la omoa moete djaino ebinoga nde moete gesee geande, la omoa la omoa moete djaino ebinoga nde moete lisego liande. 11 mo gelanga age betuu tano mongala nde po djaino lipati li okokesa gelanga; bofalogi ali, bofakbi ali biya abingonena mo gelanga bio lamene, la enu bofasegi vinyo aitshambo belonganye. 12 po dje mbo moende yenga dje okokesa gelanga: boleti ndi mo ogi angala bima la biya bielu. bolindi biima la biya bi gelanga biaino 13 moete gee gelanga ge suka, omoa la omoa ebinoga nde moete gesee geande. 14 engala mbo boendja gongale mbogo ago, too mbo bosomba gongale mbogo ago, la mombo omoa moete djaino atiite ndeko djaande. 15 bosomba nde gongale mbogo ago, lotanga bilanga tee gotunge gelanga; la eendjela nde age, lotshotanga bilanga bi lafolo. 16 la mombo mongala nde gelanga, la boolesa loeti liolo; la bilanga biyela se, lagalo age kolesa se. po dje mbo moende botuya bo biya abigwe age bio nde biendjela eendjela age. 17 boto ata omoa afaite mbogo ande, la bobanga nde mungu djaago; po dje mbo emi djengale ngene, iongiaongia djago. 18 tei bebeko beami mo bosala, letei balao baami la tei bio mo besala: la bongali ndi moete okengelana moete boi. 19 boi bofa nde tuma, enu boli ndi la ouguto, la enu bongali ndi moete obatema. 20 engala mbo bobei mombo: ge gengolee esu mo gelanga ge bosambale, po dje mbo esu tofaloge ale la esu tofa kbe biya bi gelanga. 21 emi djeefe nde enu lipamboli liami mo gelanga age liambe, la efande po dje bilanga bisaso. 22 bologi ndi mo gelanga age bonaani, a enu boli ndi biya abi kbegese enu felo; tee mo gelanga age libua, tee gee gengokbe enu bima la biya bi sika, enu boli ndi abi gologolo. 23 nele ifaendje ale loongo; po dje mbo boi boende boami, po dje mbo bongali gongalemi ogi angala bogenda la ogi angala baito abangale lami. 24 moete bei betubu abengoose enu, botindi bobeko boosomba po dje nele. 25 engala mbo boelo gaago ga golome engala bobola la eendja gesege geande ge nele, agangale la bobeko boosomba, engale tinaina la baboti bande, bedja nde la besomba nde biya abiendje ndeko djaande dje golome. 26 engala mbo boto agangale la bobeko bo osomba, la endeudja ge lamene gelenge ge otonga osomba, 27 etanga nde bilanga tee ogaendje ge, ebinogesa nde la botalia gongale ngene, la ebinogesa nde goete nele djande. 28 engala mombo atiudje gelenge geotonga, obinogesa boaho, agaendjele ge etiala nde moete bago ba agaudje lo tee mo gelanga geaho: mo gelanga geaho, ebinoga nde moete gesee geande, la monena nde gongale ngene. 29 engala mombo boto eendja mbele djongala se moete boi aboindjame la getutu, eudja nde bobeko bo osombama tee oga ngoengana mo gelanga gemoa tee ogaendje bo: bobeko bwande bo oendja mo bobitonde gelanga gemoa. 30 kasi engala mbo elo mbele adjengale moete gengumba gemoa ageindjame la getutu geti sombame felo dje gee mo gelanga getubu, etiala nde po dje loongo gongale agaose lo la go basego bande; afanene ale go suka dje gelanga. mbele dji boi aiti ambo djeindame la getutu iimilie mo ogi angala gotunge dje nele: ekoke osomba mo, la ngene agaudje lo enena nde go lipati. 32 lokola go boi bo ba lewi la go mbele adji nguudja bo, ba lewi beudja nde ndole dje loongene dje osomba. 33 boto agangosomba ba lewi mbele emo enena nde mo suka dje mbele adjendje bola mo gehuma ageudje bo; po dje mbo mbele dji gehuma ba lewi bengale bangene babo moete bana ba yisalaele. 34 bilanga abi ngale mongonge bei be balewi bifaendjame; po dje mbobeiye nde loongo gesee. 35 engala mbo ndeko djago dje golome engala bobola, la mombo djoogo djandedjiiga gongale age, boimidjela nde ge; botonga nde gelenge gemoa ogi angala bopaya la abongale moete gengumba po dje mbo bauhe laago. 36 bofaose gongale ge ata botalia too gea gemoa ,bobanda nde mungu djaago, la ndeko djago euha nde la go. 37 bofafee ge bioto biago la botalia, la bofabekese ge biya biago biola a liofi libe. 38 emi djengale ngene, mungu djaago, aganenese enu go boi bo ejipito, po dje ofee enu boi bo kanana, po dje ongala iongiaongia djaino. 39 engala mbo ndeko djaago dje golome engala bobola gongonge djago, la eendjela age gea, bofa bee laande mombo atonge bosala bo bokobe. 40 engala nde gongale age ogi angala sola dje gimo, ogi angala agangala ho, engala nde mo bosala bwago tee mo gelanga ge lipati. 41 enena nde gongale age, ge la bana bande, la ebinoga nde goete lisego liande, moete gesee ge baise bande. 42 po dje mbo be nde baito bami ba bosala obanenesemi go boi bo ejipito bafaendje mo ogi angala baendja bekobe. 43 bofangale gotie ande la ofia botubu, la bobanga nde mungu djago. 44 moende gongale basego abalinge enu nde bangoosa age bokobe bwago la bosali bwago bo gogali bo nde bangongala bago. gongale bo ndangosomba age bokobe la bosali boago bo gogali. 45 bokoki ambwale osomba bana ba bogenda abongala gongale age, la basego babo abangobota moete boi bwaino; la bengala nde bisee biaino. 46 bosidji ndi bo ogi angala gotie gongale bana bana baino gombise djaino ogi angala gesee geaino. boleti ndi bo ogi angala bekobe beaino. kasi gongale bandeko baino ba bolome, bana ba yisalaele, boto ata omoa afangale gotie djaino la ofia gotie ndeko djaago. 47 engala mombo bopaya bomoa, engala mombo agangale age engala lifoka, la mombo ndeko djaande engala bobola gongonge djande la beendja ge gongale bopaya agangale gongale age too goangale boto omoa mo lisego li bopaya. 48 eudja nde po djande bobeko bo osomba, gombisa eendja nde mo. omoa moete bandeko bande ba bolome bekoka nde osomba ge. 49 inagolo gande too bona ga golome ga inagolo gande, too omoa moete abango.... moete lisego liande bekoka nde osomba ge; too mo mbe, engala mbo elube gototoge bo, esomba nde ge geangene. 50 etanga nde la agasombe ge obanda gelanga age sombame ge tee go gelanga ge lipati; la loeti lo osomba moleta nde botuya bo bilanga, la motangema nde ogi angala mo sola dje gimo. 51 mongala ale bilanga biidje, efuta nde osombama mo litina li loeti bio bilanga la po dje mbo esombama nde; 52 etiala nde bilanga bike tee oiga go gelanga ge lipati; betanga nde bio, la besomba nde osombama bwande mo litina li bie bilanga. 53 engala nde ogi angala sola dje gimo mo gelanga, la la oni angongala bafatonge la ofia gotie baiso bago. 54 engala mombo batisombe ata omoa mo geo gelenge, monena nde gelanga ge lipati, ge la bana bande la ge. 55 po dje mbo moende gongale emi ndangale bana ba yisalaele bekobe; moende bekobe beami, abekbegese emi go boi bo ejipito. emi djengale ngene mungu djaino.