¹ ngene agabea la mose mombo: ² faa ndole gongale bana ba yisalaele ba lesele age po dje geonganeselo ge djiimbe baina obangale peto mo isandu dji olifa, la litina li olonganya djiimbe adji uugana kila bwina. ³ moende gombise tulu adjeindja bo go getumbelo abongale go felo oenesemo, goete likumbo, alona ndalonganye lo, po dje mbo lotambe loongane kila bwina la nongo la liolo gopelo dje iongiaongia. moende bobeko boaino laa basego baino. ⁴ belonganya nde tambe go geonganeselo ge wolo bopeto, po dje mbo moongane kila bwina gopelo dje mungu. ⁵ boosa nde fulele dji boteke, la botonga nde mo bekate liu la biele; kila bokati botinya ma nde bisege biele gotie liu. ⁶ botaa nde bio gotie biselo biele, liambe mo geselo gemoa gotie mesa wolo bo fufu gofelo dje ngene. ⁷ botaa nde litono li fufu goliolo li kila libanga, la mongala nde goliolo li bekati abehumbe bo ogi angala gelembo, lokola libondja li ofetshama la djiimbe gofelo dje iongiaongia. ⁸ bwina botubu bo yenga, tosela nde getumbu geande gofelo dje ngene, loongo: la moende oowana bo loongene abongotonga bana ba yisalaele. ⁹ mongala nde mo alona la bana bande ba bolome, la belela nde mo mo gesee ge boelu; po dje mbo mongala nde po djaabo biima la biya bingale la boelu langandu. gesee gemoa libondja alifetshame la djiimbe gofelo ngene moende bobeko bwabo. ¹⁰ bana ba bolome la ba bogali ba yisalaele la bome ga baito ba ejipito abadje moete bana ba yisalaele, bo abangbana moete kambe la golome ga yisalaele. ¹¹ bana ba bolome ba bogali ga yisalaele abatonga obe la obonisa lina li iongiaongia. bo abaa laande gongale mose. inango ande embe nde lina schelomita, bosea bo dibili mo gekolo ge dani. ¹² bo abata ge go boloko, tee ogalo adjee mose gobea oglo atome mungu etoma ge. ¹³ ngene agabea la mose gombo: ¹⁴ nenesa goete likofe baito abangale la basumu; baito batubu abaowe age bo bata baago babo gotie botshwe, la liemba litubu betoba nde bo babanga. ¹⁵ bobea nde la bana ba yisalaele, la bobea nde mombo: boto inandi agangobona mungu djaande etola nde getumbu ge lisumu liande. ¹⁶ boto agangobonisa lina li iongiaongia eudja nde getumbu ge lingba: liemba litubu beloa nde ge. engala bopaya too bosengi, engba nde, po dje obona lina li mungu. ¹⁷ ogangotoba boto omoa la oloa ge eudja nde getumbu ge ongba. ¹⁸ ogangotoba nama la oloa ge bekalambesa nde ge: ouha po dje ouha. ¹⁹ engala mbo boto omoa efoelisa mbogo ande betonga nde ge ogalo atonge ge: ²⁰ obendega po dje obendega, liso po dje liso, lino po dje lino; betonga nde ge gelenge gemoa ge fota agetonge ge gongale mbogo ande. ²¹ ogangoloa nama ebinogesa nde nama, kasi ogangoloa boto eudja nde getumbu ge lingba. ²² buudji ndi bebeko biaho, bopaya la bosengi: po dje mbo emi djengale ngene, mungu djaino. ²³ mose agalubesa bana ba yisalaele; bo abakbega goete lifete baito obambe la basumu, la bo abaloa bo la babanga. bana ba yisalaele bo abatonga bobeko abofe mungu efa bo abotome ge la mose.