¹ ngene agabegisa mose mombo ; ² begisaa bana ba yisalaele mo mbo: lipati li ngene, alingolube enu, lingala nde liote enu liogi. enu letei ogiangale bapati baami. ³ botongi ndi bosala moete bekolo liambe kasi bwina bo bosambale boogomi ndi, bwina bo oogoma; mofangale la ligwa. bofalifoli gea ata gemoa; moende bwina bo oogoma bo mungu, bisee bitubu obingale enu. ⁴ leti lipati li iongiaongia, otamo liogi, a lingobegise enu mongala nde la gee geaho. ⁵ songe dje felo, mo bikolo bi songe liu la binei, moete baolo baele, mongala nde lipati li pasika li ngene. ⁶ la bwina abo liu la tano li songe, mongala nde lipati li ola bokati ngoena bagana mo lokuku lo mungu. bolii ndi moete bekolo bosambale bokati ngoena bagana. ⁷ bwina bo felo, boudji ndi otama liogi bo loongene: bofatongi bosala ata bomoa. ⁸ bosembogeli ndi mungu, moete bekolo bosambale, libondja li ohumbama la djiimbe. bwina abo bosambale, mongala nde la otemo liogi bolene: bofatongi bosala ata bomoa. ⁹ ngene agabea la mose, la ge agabea mo mbo: ¹⁰ begisaa bana ba yisalaele la bea laa bo mo mbo gee gengogote enu go boi abofaa djeefee enu, la mo mbo boogwi ndi biima la biya bi gelanga, botoleli ndi bekobe be mungu bongungu bomoa, mo biya bi gelanga abi felofelo. ¹¹ efugunya nde mbale la mbale gofelo dje ngene, po dje mbo moimidjame: kanga dje mungu ge kofugunya mbale la mbale, mo bagielo ba geyenga. ¹² bwina abongofugunye enu bongungu bo bio biya, bofindi boeba gongale mungu kondolo emoa dje gelanga gemoa agati la gelema; ¹³ botindi libondja li biele gotie liu li fulele dje boteke otonga la baina, ogi angala libondja li ofetsha la djiimbe, la lienge limoa lilo gongale iongiaongia, la botongi ndi gemekelo ge ndambo moete inei bo hima bo bagana. ¹⁴ bofali la bokati, la bombata la bonugu too obenda bogua, tee ogalo angogia bwina ata galo ogangokumbele enu libondja gongale mungu djaino. moende bobeko abofame lo po dje ndaa djaino, mo bisee bitubu abingale enu. ¹⁵ obanda bwinaogia bo djenga, bwina abongokumbele enu liambu li bingi po dje ofugunya mbale la mbale, botangi ndi poso bosambale tubu. ¹⁶ .............. ¹⁷ enu bokumbi mo bisee biaino biongala bekate bele, po dje mbo bafugunye bio mbala la mbale; betonga nde mo la biele gotie liu li fulele dji boteke, la olamba la bagana: mo ndangale tuma to felo gongale ngene. ¹⁸ bekati beasina, boofi ndi libondja gongale iongiaongia kondolo bosambale dji gelanga gemoa lotshoena gelema, bona ga ngombe omoa la djele i bolome; enu bolingoli ndi libondja, la........ ogi amongala mo, ogi angala libondja li ohumba mo djiimbe, la lienge limoa lilo gongale mungu. ¹⁹ bofii ndi taba dje bolome emoa bwasi po dje opetolama; la kandolo djele dji gelanga gemoa mo libondja li obinogela lifea. ²⁰ kanga dje mungu efugunya nde mbale la mbale felo dje iongiaongia, la bokati bofelo la bana ba kandolo baele: beseela nde mungu djo, la mongala nde po dje kanga dje mungu. ²¹ o bo bwina, bolubesi ndi bwina bo lipati, la boudji ndi otemo liogi bo mungu: bofatongi bosala ata bomoa. moende bobeko bo loongo po dje bana ba bana baino, mo bisee bitubu abingongale enu. ²² gee gengogwe enu biima ala biya abiloge enu mo bilanga biaino moete boi bwaino, bosidja nde tunga emoa dje gelanga ngotshwa, la bofatotole abimokba se goete gelanga. emi djengale ngene, mungu djaino. ²³ ngene agabea la mose mombo: ²⁴ begisaa bana ba yisalaele mombo: bwina abo bosambale, bwina bo felo bo songe, boudji ndi bwina bomoa bo oogoma, olubesa la losele lo kelelo, la otemo liogi li mungu. ²⁵ bofatongi gea ata gemoa lokola bosala, la bofii ndi gongale ngene libondja li ohumba la djiimbe. ²⁶ ngene agabegisa mose gombo: ²⁷ bwina abo liu abo ene songe dje bosambale, mongala nde bwina bo ngoteli: boudji ndi otemo liongi li iongiaongia, boolesi ndi baofi baino se, la boofi ndi gongale ngene libondja li ohumba mo djiimbe. ²⁸ bofalifoli gea ata gemoa bo bwina, po dje mbo moende bwina bo olesa betema se gongale mungu, too motonge mo nde po djaino odaa se gofelo dje iongiaongia mungu djaino. ²⁹ boto botubu agafalembe ofoa baloi se bo bwina etotoga nde mo lisego liande. ³⁰ boto botubu agangotonga bo bwina ligwa djeesega nde ge moete lisego liande. ³¹ bofalifoli gea ata gemoa. moende bobeko bo loongo po dje bana ba bana baino mo bisee bitubu abingongale enu. ³² mongala nde po djaino yenga imoa, bwina bo oogoma, la boolesi ndi baofi baino se; mo gee ge liolo ge bwina bo libwa tee mo liolo alii; botongi ndi lipati liaino. ³³ ngene agabea la mose mo mbo: ³⁴ begisaa bana ba yisalaele mombo: mo bokolo bo liu la tano mo ene songe dje bosambale, mongala nde lipati li mbele dje mungu po dje lokuku lo iongiaongia, moete bekolo bosambale. ³⁵ bwina bo felo, mongala nde otemo bo liogi bo loongene: bofatongi ligwa ata limoa. ³⁶ moete bwina bosambale, boofi ndi gongale ngene libondja li ohumba mo djiimbe. bwina abo bonaani, botemwi ndi liogi, la boofii ndi gongale ngene libondja li bwasi ali ohumba la djiimbe, mongala nde otemo bo liogi bo baito batubu: bofatongi ligwa ata limoa ³⁷ mo ndangale toenga to ngene, otemo liogi bo obulisama, abongoendese enu mboli, mo litina li mbo totongeli iongiaongia libondja li bwasi li ohumba mo djiimbe, bibwele babondja, abangale moete ogbesemo bo basumu, kila loo la bwina abotemo mo. ³⁸ boleti ndi la oeta ba yenga dji iongiaongia la boongali ndi mofaa beeba beaino gongale ngene, ofia bwaino botubu po dje oenganesa gelaa la babondja baino ba bwasi. ³⁹ bwina bo liu la tano mo songe dje bosambale, gee gengokbenu biya bi boi, botongi ndi lipati gongale mungu, moete biina bosambale: bwina bo felo mongala nde bwina bo oogoma. la abo bonaani mongala nde bwina bo oogoma. ⁴⁰ boosi ndi bwina bo felo, tuma to tosandu a tolo, la beti be batoo, la baanga ba isandu odja gasa la....... ba isaala; la boosageli ndi gopelo dje ngene, mungu djaino, moete biina bosambale. ⁴¹ botongi ndi kila gelanga lio lipati gongale mungu, moete bekolo bosambale. moende bobeko aboseele djeeseele enu po dje bana ba bana baino. botongi ndi mo mo songe dje bosambale. ⁴² boongali ndi moete bekolo bosambale gose bafete; baito batubu ba lilo ba yisalaele bengala nde gose bafete. ⁴³ mo litina li mbo basego baino balube mo mbo emi djesele nde bana ba yisalaele gose bafete gombisa djai okbegesa bo go boi bo ejipito. emi djengale ngene, mungu djaino. ⁴⁴ mo galo ndabee mose ebegisa bana ba yisalaele mombo mo ndangale toenga to iongiaongia.