¹ ngene agabea la mose go mbo: ² begisa alona la bana bande ba bolome mombo bangale a mbeo djielu dji mungu odjindimame la bana ba yisalaele, la batshofaa loguma lobe mo lina liami lielu. emi djengale iongiaongia. ³ lubesa bo mombo: bolome botubu moete ndaa djaino la moete logogo loaino; agangosega se go bima la biya bielu abingota iongiaongia gongale bana ba yisalaele, la obingongala gotie djaande twato biima la biya bi lilo, ogo boto ogo etotoga nde gopelo djami, emi djengale iongiaongia. ⁴ bolome botubu mo logogo lo alona aganguudja mbali too bwale bobe, afale bima la biya bielu tee kino angale fufu. mongala nde gelenge gemoa po dje boto agangomata boto agangale la lilo aga mate boligo po dje ogangongala moete ilo aingoluba. ⁵ po dje boto agangomata nama adjamoenda la ndala la embe nde la lilo, too boto ogangale lilo limoa la eudjame nde la lilo, ⁶ agangomata bio bima la biya engala nde la lilo tee la liolo; afale biya bi obulisama kasi efula nde bindo biande goete badje; ⁷ gombise ofota bo loha, engala nde fufu la gombisa elande biya bielu, po dje mbo moende biya biande. ⁸ afale nama adjengbe lo too adje hale bo, mo litina li mbo atshosegama laande. emi djengale mungu. ⁹ eleta nde bebeko beami, la obanga mombo atshotola getumbu ge basumu babo la mombo batshosinga, po dje osegisa bima la biya bielu. emi djengale mungu, agapetole boi. ¹⁰ bopaya ata bomoa afale bima la biya bielu ogangongala gongale bokobe bo mungu la sola dje bogenda bafale bima la biya bielu. ¹¹ kasi bokobe bomoa abosombame la bokobe bo mungu la bioto ekoke gola, gelenge gemoa la boto agabotame go mbele djaande; bela nde biya biande. ¹² bonaogali ga bokobe bo mungu; agasongane la bopaya afale biya bielu alifemo la olesemo liolo. ¹³ kasi bosea bo bokobe bo mungu agangongala agangbele bolome too agabitshe bo, la lotshongala la bona, la ge kobinoga go mbele djise ande ogi angala gombe ge bona boli, ekoke gola biya bi ise ande. bopaya ata bomoa afale. ¹⁴ engala mbo boto omoa ela la geeno gea geelu, efande gongale bokobe bo mungu gea gengokokana age petolame gio, la ota botalia bo mbala tano. ¹⁵ bokobe bo mungu afatonge mbeo djielu odjiletshemo la bana ba yisalaele, la odjifemo po dje olesemo liolo gongale iongiaongia. ¹⁶ ehumbisa nde bo bokumba bo lisumu abongokbesa bo gee gele bo biya bielu: po dje mbo emi djengale ngene, aga petole bo. ¹⁷ ngene agabea la mose go mbo: ¹⁸ begesa alona la bana bande ba bolome, la bana batubu ba yisalaele, la bobea nde laa bo mombo: boto botubu aga mbele dje yisalaele too mo mbo bepaya go yisalaele agangofa boeba gongale iongiaongia, too mombo po dje okokesa mobea ge, too ogiangala libondja li opaa bwasi, ¹⁹ eosa nde nama dje golome adjatia gelema moete ngombe, kondolo too taba, mo litina li mbo agangale la obe auhisame. ²⁰ bofafei ata omoa ogangale la gelema, po dje mbo afandimame. ²¹ engala mombo boto omoa efa gongale mungu nama dje ndene too ene dje ke mo libondja li bwasi li lifea, too mombo po dje okokesa mobea ge, too ogiangala libondja li bwasi, ogo boto engala nde lotsha gelema, mo litina li mbo aimidjame; afangale goete ande la gelema ata gemoa. ²² bofafii agangbe baiso; la gelema, too agangale la fota, agatinye tinye bo la tosinda....; bofaseli ge gotie getumbelo libondja li ofia la djiimbe gofelo dje mungu. ²³ bokoka nde ofa ogiangala libondja li bwasi ngombe emoa too kondolo emoa agangale la bindo bisa too bigwe, kasi afandimame po dje oenganesama bo baogi aba bee age. ²⁴ bofafee gongale mungu nama adjatotole bo benugu, ohala, ondaa too otinya. bofafei libondja moete boi bwaino. ²⁵ bofaimidjei bogenda ata bomoa moete djo mbeo, po dje ofaa lokola biya bi mungu djaino. po dje mbo betinye tinye nde ge, bengale la bilema: bafaimidjame. ²⁶ ngene agabea la mose gombo: ²⁷ ngombe emoa, kondolo emoa, too taba emoa gee gengobotama ge, engala bekolo bosambale gongale inango ande. obanda bwina bo bonaani laa abogopelo. eimilie mo nde po djofaa mungu libondja li ofetsha mo djiimbe. ²⁸ ngombe too kondolo, bofatinyi nama ngingo la bona gaande bwina bomoa. ²⁹ gee gengofee enu mungu libondja li lifea, botongi ndi la gelenge ge mbo li imidjame. ³⁰ elo nama elama nde o bwaho bwina; bofatiei ata djea po dje ola la nongo. emi djengale ngene. ³¹ boleti ndi bebeko beami, la botindi bio mo besala, emi djengale ngene, ³² bofasegi lina liami lielu. molitina li mbo ifee mo lokuku moete bana ba yisalaele. emi djengale iongiaongia aga bulise enu. ³³ la aganenese enu go boi bo ejipito po angale mungu djaino. emi djengale ngene.