¹ ngene agabea la mose gombo: bea la bekobe be mungu, bana ba bolome ba alona, la bobegisa nde bo mombo: bokobe bo mungu bomoa afangale la lilo moete liseg liande po dje lingba limoa. ² ototola lisego liago ali bindo po dje inango ande, po dje ise ande, po dje bona gaande ga golome, po dje ndeko djaande. ³ la po dje boelo gaande ga ogali agatiambo aluba bolome, agafabunde ge tinaina gee getshambo esonge ⁴ bokondi moete lisego liande afangale la lilo la lotsholuba. ⁵ bekobe be mungu bafangale la litofe gotie botshwe, la bafatinye mongonge geombo geabo. la bafatinye ndembe moete benugu beabo. ⁶ bengala nde baelu po dje mungu djaabo la bafadjange ale oluba lina li iongiaongia djabo; po dje mbo befaande gongale ngene libondja liofetshama la djimbe biya bi iongiaongia djaabo: bengala nde baelu. ⁷ bafaose ale bogali ga pite soki too mombo agangale la soni, bafaose ale bogali agabitshe bo la bolome gaande, po dje mbo bengale baelu gongale mungu djaabo. ⁸ boleta nde bokobe bo mungu ogi angala baelu, po dje mbo endefaa biya bi mungu djaago; engala nde boelu po djaago. po dje mbo emi djengale boelu, emi, ngene, nde asele enu boelu. ⁹ engala mbo bona ga bokobe bo mungu etonga soni la gotonga pite, efande ise gande soni: la behumba nde ge la djiimbe. ¹⁰ bokobe bo mungu ndangale la loguma gotie baetami bande. gotie botshwe abobelame baina ba bofoka, la ababulise bo la obatesama la tulu dje lokuku, la bofalifole botshwe bwande la bofande tulu djande. ¹¹ bafae gongale boto ata omoa agasosila ongba, bafangale la lilo. engala po dje ise gaande, engala po dje inango ande. ¹² bafanene go likumbo, la bafaselenge mbeo dji goete mbele dje munguyandi; po dje mbo baina ba mungu djande la gelembo gemoa gotie djaande. djengale ngene. ¹³ eosa nde bogali atiambo asoluba bolome. ¹⁴ apaose bogali agasombela bome laa bogali agabitsha bo, ata bogali agati a tina too boto ga pite; kasi eosa nde bogali agatiambo asoluba bolome moete lisego liande. ¹⁵ afasegese kitana djaande gongale lisego liande; po dje mbo emi djengale ngene, aga bulese enu. ¹⁶ ngene agabea la mose gombo, ¹⁷ bea la alona mombo; boto botubu mo nda djaago la moete nda djaago, ndai moangongala la obe bo loongene, ingosega se po dje ofaa biya bi mungu djaago. ¹⁸ boto botubu agangotonga obe afakoke osega se; boto agati moena se, boto agabendege baolo, agangale la liolo liiname lio too mbo gesee gemoa ge bindo gengale osa; ¹⁹ boto agangale la lobendego mo iolo too mo djoogo; ²⁰ boto gainame boongo, agangale la bwale mo baiso, tosunda, baino obendega, too tuma to libindi ondega. ²¹ golome botubu ogangale mo nda dje bokobe bo mungu alona, agangongala isembe mo bindo, afa sege se po dje ohumbela mungu libondja li bwasi aliofetshama mo djiimbe; engale la gelema mo bindo: afasege se po dje ofaa biya bi iongiaongia djaande. ²² ekoke ola biya bi mungu djaande, bima la biya abingale boelu langandu la biya abingale bielu. ²³ kasi afaige gongale tulu adjaindjame gofelo dje tepelo, la afasege se gofelo dje getumbelo, po dje mbo engale la gelema mo bindo; afatonge besala be kanga, po dje mbo emi djengale ngene, agabulesa bo. ²⁴ lagalo ndalubese mose elubesa alona la bana bande ba bolome, la bana batubu ba yisalaele.