¹ ngene agaabea la mose, la ge agabea mombo: ² bobegisa nde bana ba yisalaele mombo: engala mombo mo bana ba yisalaele too mombo begenda abangale go yisalaele befa baito ba moloko omoa moete bana ba yisalaele, eudja nde getumbu ge lingba: liemba li bo boi beloa nde ge la babanga. ³ la emi, djetaa nde bo baito boongo, la djetotola nde moete lisego liande, po dje mbo efeende bana bande gongale baito ba moloko, ota lilo mo baila baami la osega lina liami lielu. ⁴ engala mbo liemba li bo boi beta boongo gongale ogo boto, agafee bana bande gongale baito ba moloko, la engala mbo batiloe ge. ⁵ djetaa nde boongo, emi, osio bwami gongale ogo boto la gongale lisego liande, la emi djetotola nde ge moete liemba liande, la baito batubu obangale motonga pite lokola ge la otonga pite go moloko. ⁶ engala mbo boto omoa ebea la baito abasosila ongba la beenda, po djeotonga pite gofelo djaabo, djetande bogo bwami mbisa gongale ogo boto, djeetotola nde ge moete lisego liande. ⁷ enu bobulisami ndi la boongali ndi baelu po dje mbo emi djengale ngene, iongiaongia djaino. ⁸ enu bobateli ndi bebeko beami, la enu botongeli ndi bio. djengale ngene agangopetolenu. ⁹ engala mombo boto omoa galo elakela ise too inango ande obe, eudja nde getumbu ge lingba; aalakela ise la inango ande obe: baila bande bengba nde gotie djaande ge lamene. ¹⁰ engala mbo boto omoa etonga pite la bogali bosonge, engala mbo etonga pite la bogali ga mbogo djaande, bolome la bogali ga gekobo beudja nde getumbu ge lingbaa. ¹¹ engala mbo bolome omoa efonya la bogali ga ise gaande, la etuba bofona bo ise gaande, ogo golome la ogo gogali bo batubu budja nde getumbu ge lingba: baila babo bengba nde gotie djaabo bo langene. ¹² engala mbo boto omoa efonya la bosea bo boilo bwande, bo batubu baele beudja nde getumbu ge lingba, baatonga lofindi: baila babo bengba nde gotie djabo laene. ¹³ engalambo golome omoa efonya la boninga laande bolome ogalo afonya bo la gogali, baatonga bo djabaele loo lomoa lobe; bo batubu beudja nde getumbu ge lingba. baila babo bengba nde gotie djabo langene. ¹⁴ engala mombo boto eosa bosea ogi angala bogali laa inango. mongale loo lomoa lolene la ngandu: behumba nde ge la djiimbe, ge laa bo baito, po dje mbo bo obe botshongala moete djaino. ¹⁵ engala boto omoa efonya la nama, eudja nde getumbu ge lingba; la boloi ndi elo nama. ¹⁶ engala mbo gogali omoa etobana la nama, po dje otonga gekobo laande, boloa nde gogali laa nama: betaande bo mo lingba: baila babo bengba nde gotie djabo. ¹⁷ engala mbo golome omoa eosa boelo gaande ga ogali, bosea bo ise ande too bosea bo inango ande, engala mbo eena bofona bwande la ge ambwale eena aboande, mongale djeba; betotola nde bo mo baiso ba bana ba lisego liabo: aaluba bofona bo boelo gaande ga ogali; eudja nde getumbu ge basumu bande. ¹⁸ engala mbo boto efonya la bogali omoa agangale la liila, la eluba bofona bwande, la engala mbo eluba lilo liande, la eluba lilo li baila bande, betotola nde bo djabaele moete lisego liabo. ¹⁹ bofalube bofona bo boelo ga ogali ga inango ago, ata laa boelo ga ogali ga ise ago, po dje mbo moende lisego liago li bindo: bekumba nde getumbu ge basumu babo. ²⁰ engala mbo boto efonya la isogali gaande, eluba bofona bo inagolo gaande, beudja nde getumbu ge basumu babo, bengba nde lotia bona. ²¹ engala mombo boto omoa eosa bogali ga ndeko djaande dje golome: bafangale la bana. ²² boleti ndi bebeko beami betubu la balao baami, la enu botiindi bio mo bosala, po dje mbo boi abongale emi motome enu boi goongala botosele enu. ²³ enu bofalingoli besala be bikolo abebitshe enu gofelo djaino; po dje mbo betonge nde djo mbeo djitubu, la djeene nde djo obe. ²⁴ dje bee nde laino mombo: moende enu nde banguudja nele djabo; djefee nde enu bo boi: moende boi abobelega balomi la boge se. emi djengale ngene, mungu djaino, agaseganye enu la basego. ²⁵ boleti ndi oseganya moete nama adjingale la lilo la aiti la lilo, moete noli aiti la lilo la odjingale la lilo, po dje mbo botshoseli baito baino moete basumu ba nama, la noli, la biima la bia bitubu bienda mo nele, abilaese djeelaese enumombo bolubi ogaala abi lilo. ²⁶ bongali ndi baelu po djami, po dje mbo djengale boelu, emi ngene; djeseganye nde enu la basego, la litina li mbo bongali abaami. ²⁷ engala mbo golome omoa too bogali omoa bengala moete djaba la boenda bo boto agasongba too mombo boenda bo oseganya beudja nde getumbu ge lingba; beloa nde bo la babanga: baila babo bebelega nde goliolo liabo.