¹ ngene agabea la mose, la abea mombo: ² bea la lisego litubu li bana ba yisalaele, la bobea nde laabo mombo: ngalei baelu, po dje mbo emi djengale boelu, emi, ngene, mungu djaino. ³ omoa la omoa moete djaino etosa nde inango ande la ise aande, la ebatela nde biina biami bi djenga. emi djengale ngene, mungu djaino. ⁴ enu bofabinogeli ale go osembogela bikeko, la bofatongi ale bikeko bi ogelanesa la mungu. ⁵ gee gengofeenu gongale iongiaongia boeba bo bwasi bo ofaa mungu lokuku, bofii ndi la gelenge ge mbo mondimame. ⁶ nama odjangofeenu mo boeba elemo nde bwina abongofii bofii ge, laa mombo bwina ogia; aingotiala tee bwina bo besaso bifiesama nde mo djimbe. ⁷ engala mbo elama nde bwina bo besaso, mongala nde gea geasosila ofonda: la libondja lifaimidjame. ⁸ boto agangola lio ekumba nde looso lo lisumu liande, po dje mbo atimoluba gea agebulisame la mungu: ogo boto ogo etotoga nde moete lisego liande. ⁹ gee geango goenu biima a biya obiloge enu goete boi bwaino. boosidji ndi mbale emoa dje ngonga e gelanga ngotshwa, la bofaosi abitiale se moete gelanga. ¹⁰ la bofa tinyi tokoko atotiale mo vinyo, la bofatotoli tuma atongokba se. boosidji ndi djo po dje touwe, la begenda. emi djengale iongiaongia, mungu djaino. ¹¹ bofaibe, la bofangale la boela bo oita moete djaino. ¹² bingo lapa bo boela la lina liami, po dje mbo bobonisha nde lina li mungu djaago. emi djengale iongiaongia. ¹³ bingotongela ndeko djaago obe, la bingofinola gea ge boto la ofia. bingo bunda salele dje boto agangosalela age bosala tee la fendu. ¹⁴ bingolakela boto agati moa se obe, la bingotela boto agati moena se gea gopelo djaande po dje mbo akbe se; po dje mbo bofaudje boha bo iongiaongia djaago. emi djengale ngene. ¹⁵ bingotonga obe gee gengosambesa age: ingotonga obe gongale boto agati la gea, la bingolembela boto agangale la lokuku, kasi bosambisa nde mbogo djaago ogalo abee bobeko. ¹⁶ bingolesa liofi libe liolo moete lisego liago. ingoemaela oetesa liila li ndeko djaago. emi djengale ngene. ¹⁷ bingoila ndeko djaago goete liopi liago. bongala nde moete olo gee gengouhesa age ndeko djaago, kasi bofatole lisumu po djaande. ¹⁸ bofa binogese obe moete obe, la bofangale la kanda gongale bana ba liemba liago. bolemba nde obangale laago tinaina ogamolemba ge bindo biago age la mene. emi djengale ngene. ¹⁹ boleti ndi bebeko byami. bingo tii belongo bele be nama moete bisee; bingodjalesa gelanga giago la bilenge biele bi bilogo; la bofabate tulu adjasone bo la beulu bele. ²⁰ engala mbo golome omoa efonya la ebanda otonga bolunga la bogali omoa, engala bokobe bo lifili gongale bolome gasina, la batisombe ale ge mbala djasina, bebitsha nde bo, kasi bafaudje getumbo ge lingba po dje mbo bati nyonge ge. ²¹ boto edja nde po dje obe boande gongale mungu, go gegotelo ge litele li koyangana, nama emoa dje kondolo po dje likabo li loo alotonge ge. ²² kanga dje mungu esembogela nde ge gongale iongiaongia, po dje lisumu alitonge ge, la nama adje pee ge po dje libondja alifee ge motina dje loo alotonge ge, la basumu abatonge ge bo kolimbisama. ²³ gee gengogote enu moete boi la mombo bologi ndi tosandu totubu atomobota tuma, boleti ndi to tuma ogi angala mombo botinyi te bo ifondo; moete bilanga bisaso, bengala nde po djaino abati ambo betinye mo ifondo; tuma toaho tofalaame. ²⁴ mo gelanga age binei tuma toaho totubu tofelama nde gongale mungu moete gesagela. ²⁵ mo gelanga age tano, bofali tuma, la boongali ndi moogba. emi djengale ngene mungu djaino. ²⁶ boli ndi ogalo la baila. boleti ndi ata la ndjo ata la londundugo po dje oleta abangoselenga. ²⁷ bofatinyi bolelo bo libungutulu mo tina dji soge djaino, la bofatinyi ligele gotunge geombo giago. ²⁸ bofa foelisi bindo biaino po dje ongba, la bofati ndembe mo basio baino. emi djengale ngene. ²⁹ bofasele bona gaago ga ogali mombo atonge pite, po dje obanga mombo boi botodjala moete obe. ³⁰ boleti ndi bekolo byami bioogoma, la bogemi ndi bwina bwami bo obulisama. emi djengale ngene. ³¹ bingleti ale mbisa gongale obasembogela beenda, laa gongale ogaluba mbeo aingodja bingosili bo, po djobanga mbo basele enu la lilo ogi angale bo. emi djengale ngene mungu djaino. ³² boemala nde liolo gopelo soge dji fufua, la bofaa nde lokuku gongale inino. bobaga nde iongiaongia djago. emi djengale ngene. ³³ engala mbo bogenda edja goongala laino moete boi bwaino, bingotongi ge obe. ³⁴ botongi ndi bo bogenda ogi angala mo bee bekolo moete djaino ogi angala mo beo bekolo moete djaino ogi angala bosengi moete djaino, boolembi ndi ge ogi alembane enu la mene, po dje mbo bombi ndi begenda moete boi bo ejipito. emi djengale ngene, mungu djaino. ³⁵ bofatongi basuu ata la osambisa bwaino, ata la opima bo olene, ata laa opima bo olito, ata opima bo oluba oenega. ³⁶ boudji ndi gemekelo ge loongene, la olito abokoke lo, ba efa abekoke lo la ba hina abakoke lo. emi djengale ngene iongiaongia djino. ³⁷ boleti ndi bebeko beami la balao baami batubu, la botongeli ndi bio, emidjengale ngene.