¹ mungu agaabea la mose gombo: ² beaa la bana ba yisalaele, la bobea nde laabo mombo, emi djengale mungu djaino. ³ bofatongi ali mbeo adji motonga bo go boi bo ejipito, gombeenu mongala, la bofatongi mbeo adjimotongama go boi bo kanana abongalemi moese enu: bofalingoli bee besala biabo. ⁴ botongeli ndi balao baami, la bebeko biami: bolingoli ndi bio, emi djengale ngene mungu djaino. ⁵ bobateli ndi bebeko beami la balao baami: boto agangota balao baami mo bosala djuuha nde laande, emi djengale ngene. ⁶ boto ata omoa afangale, tinaina la lisego liande, po djoluba bofona boande. emi djengale ngene. ⁷ bofalube bofona buise gaago, laa bofona bwinango ago. moende inango ago: bofalube bofona bwande. ⁸ bofalube bofona bo bogali ga ise ago. moende bofona bo ise ago. ⁹ bofalube bofona bo boelo gago ga ogali, bosea boise ago too mombo bosea bwinango ago, agabotame goete mbele laa momo aga botame golusa lo mbele. ¹⁰ bofaene bofona bo bosea bo bona gaago ga bolome, la bofona bo bosea bo bona gaago ga ogali, po dje mbo moende bofona. ¹¹ bofalube bofona bo bosea bo bogali ga ise ago, agabote ise ago. moende boelo gaago ga ogali. ¹² bofalube bofona bo isogali gaago. ende mo nda djise ago. ¹³ bofalube bofona bo boelo ga inango ago aga ogali. po dje mbo ge ende mo nda dje inango ago. ¹⁴ bofalube bofona bo ndeko djise ago ga golome. bofasege se gongale bogali gaande. eende isogali gaago. ¹⁵ bofalube bofona bo bosea bo boilo boago eende bogali ga bona gaago ga bolome: bofalube bofona boande. ¹⁶ bofalube bofona bo bogali ga ndeko djaago ga golome. moende bofona bo ndeko djaago ga golome. ¹⁷ bofalube bofona bo gogali omoa la bosea bwande. bofaose ambwale bosea bo bona gaande ga golome laa bosea bo bosea bwande, po dje oluba befona beabo moende lisego limoa; moende oloa boto. ¹⁸ bofaose ndeko dje bogali gaago, po dje obanga osela logoto moete djaabo la oluba bofona bwande go ngonga bogali gaago moete ouha boande. ¹⁹ ingosega se gongale gogali gee gengale ge moena liila, po dje oluba bofona bwande. ²⁰ ingoela bolunga la bogali ga mbogo ago. po adjee gootonga mbeo i lilo laande. ²¹ bofa fee bona gaago ata omoa po dje oetesa bo go moloko, la bofadjange oluba lina li mungu djaago, emi djengale ngene. ²² bofa fonye la golome ogi afonya bo la gogali. moende obona liogi li mungu. ²³ bofa fonye la nama, po dje otonga mbeo dji lilo laande. bogali afasege se ambwale gongale nama, po dje ofonya laande. moende ogota lofindi. ²⁴ ingo goti moete lilo mo djo mbeo djitubu, po dje mbo moete djo mbeo djitubu nde isele basego moete lilo. aingo bitsha dje bitsha bo gofelo djaino. ²⁵ boi bosegame nde la lilo; djeefa nde getumbu mo basumu babo, la boi bosela nde baito baande. ²⁶ boleti ndi bebeko biami laa balao baami, la bofalubi otonga basumu, la otonga mbeo dji lilo, laa bopadja abongale moete djaino. ²⁷ po dje mbo mo moende basumu obatonge baito ba boi, obambe felo djaino; la boi bosegame nde la lilo. ²⁸ enu okebi po dje mbo boi boadjee gosele enu. engala mbo boseli ge la lilo, ogalo a sele ge basego obambe go felo djaino. ²⁹ po dje mbo omoa agaangotonga basumu betotola nde ge moete lisego liande. ³⁰ bokengeli ndi balao baami, la bofatongi bosala ata bomoa bobe abongoenega felo laino, enu bofatongi obe. emi djengale ngene mungu djaino.