¹ iongiaongia ebegise nde mose gombo: ² begisaa alona la bana bande ba bolome, la baito ba yisalaele batubu gombo; mwe mongale loo ololake mungu. ³ imbaimbo mongala boto inandi gombale dje yisalaele eloa ngombe dje bolome imbai bona ga pate imbai taba goete geamba, too mbo eloa ge golusa bo goete geamba, ⁴ la ge oho atie la lo gombale dje gegwe ge mbele dje koyangana po djokaba mo ambo boeba gongale mungu gopelo dje bokondji bo mungu, andi gekweli ge baila getangama nde gongale boto gaho. asila gobela baila. etotoga nde goete baito bande. ⁵ mwe mongale po dje litina li mbo baito ba yisalaele badjee la beeba beabo, mo adjoloa bo mo gesee ge baale gombo badjee lalo gongale iongiaongia, gongale kanga gombale gegwe ge mbele dje koyangana, la mbo baloe mo ambo boeba bo gehoi gongale iongiaongia. ⁶ la galo kanga ebela nde baila go liolo li gehumbelo ge mungu gombale gegwe ge mbele dje koyangana, la ehumba nde baina po dje liipu li lo gongale mungu. ⁷ la galo beloa nde boeba bwabo po dje beenda bebe mo baolo ba taba atiale mbala djasina, obesembogele bo gopelo. mwe mongala nde bobeko bwabo po dje loongo goete basego babo batubu. ⁸ bobea nde ambwale laabo gombo: engala mbo boto inandi go mbele dje yisalaele, too la bedjeli obangale goete djaabo, ekaba boeba boohumba too goloa, ⁹ la ogwadja ge la lo gombale dje gegwe ge mbele dje koyangana ati po djokabela mungu, andi boto gaho etotolama nde goete baito bande. ¹⁰ engala boto inandi go mbele dje yisalaele, too boto goete bedjeli obangale mongala laabo se, ela ambo baila, andi djindjela nde ge osio ogaala baila, la djetotola nde ge goete baito bande. ¹¹ po dje mbo luuho lo bonugu loende goete baila, la emi djaasila gopaa mo goete djaino la goliolo li gehumbelo po djotonga goesanela mbisa goete oboto mo litina li luuho, po dje mbo mongale baila moesela nde oboto mbisa molitina li luuho. ¹² momo aasilei gobegisa baito ba yisalaele gombo: boto laa omoa moete djaino aeta gola baila, la bogenda la bomoa te ogangale laino se apale baila ambwale. ¹³ engala mbo boto la goete baito ba yisalaele, too bogenda goete djaabo, ebunda nama too noli djola, odjakoke golama, ebela nde baila ba mo se la elupa nde mo la buta. ¹⁴ po dje mbo baila bengale luuho la bonugu botubu, momo abei la baito ba yisalaele gombo: bopali baila ba nama laa emoa po dje mbo luuho lo nama djitubu longale la baila ba mo. engala ndi ogaadjola mo etotolama nde. ¹⁵ boto la boto ogaadjola gea ogeangba gio angene, too ogaandega la nama, engala mbo ebotame nde go yisalaele too mbo ge engale bogenda, etita nde tulu djande la epula nde bindo byande la badje la engala nde la lilo kino la liolo. la gombisa engala nde bwelu. ¹⁶ engala mbo atipule mo, la atipule bindo andi etola nde lisumo lyande.