¹ Sani na kololo atoa mba oni? Inda ame toa suba tamaa lanu nda chede ine akapa sani suba ushirika lanu. ² Bokaba ba na ema nde bonda toa baline benu amua, m'pa bochachelea inde bonane. Benu asani anga benu inda ame mea Akudula. ³ Benu ame mea na ngba anga benu amema anga la ema nda njede anga bovutwe na tamaa ndanu achede. ⁴ Bene ba nzinzi inda ekondi la lengo inde ba na egomba na Akudula. ⁵ M'pa bosisa elehe inda inde aluhu mema apu inda na wivu suba anu ngbe anga lanu? ⁶ M'pa Akudula inda toi neema zaidi anga elehe aluhua Akudula inda kondi n'to asana nie, m'paapi neema n'to la bokolo. ⁷ Bende boe kapeni ika Akudula botoneni n'keti na eye anochano na toka ekanu. ⁸ Pekoni ampitia Akudula, na iye apiano apitiano, benu bato a elola, bobe kanga elaloi benu bunde na mema ibale. ⁹ Bobe na heo madua, sisani eselo anu abe dua anga huzuni anu abe beli. ¹⁰ Bokoklo lao iwe nganga mosa ma Mwame, m'pa ano pisa kuli. ¹¹ Bato bami kanga bo pisiana mamba n'tae, ao kumuhukumu bato bami, bende botambeni suba seliali na mohakio. ¹² Inda kadi lanu munde akapa boembo la mwesisa tae? ¹³ Okani benu nde buluhua, ''Indende ao huma ingano suba lengo nde na Iko na kola biashala inda oupa maisha lao'' ¹⁴ Ande maani au huma lae, anga maisha lanu ande ya mawa inde aoneana na kua. ¹⁵ Mbusali u'mpa baluhua aba mapenzi, a"Mwame, bebano m'pa kola ekumu ndasu." ¹⁶ M'pa sasa kanga boepepa kola mipango anu, epepo indo puli nde buchede. ¹⁷ Anga Indo, aye aupe kola anza m'pa waa eyu inda na eloloi.