¹ Bato bamu, inde pulananu ba baalimo, baupi kea bende ongbe ema nde ba opi agbo zaide. ² Anga besu pula nasu bengua ahe inde ha inde nange benguu, besine ahe nda nza. ³ Beonde ngbe sinda nde beweza pisa ema a nyoo la safari, aikaka sina okeana. ⁴ Upa kea bende koko suba ibo alo ngo ebundu ngo akesiholo kula ibe aba koni sii, a n'to la tambesa lae. ⁵ Bende bende ande ema edee nda ngopo, m'pa na ena epepo nda gbo gbe, onda ndula angbo batoa lolisa ekaa edee nda saa. ⁶ Edaa endo deha na buchede, oye opisi suba ngopo m'pa saa la lolisa ndula. ⁷ Ke'la aena la nyama a ndula, mbabu, na inde atambaka a dodo, na pulela suba ibo aye bagbe kanani to na n'to. ⁸ M'pa inda n'to hata kodi munde ana domi, inde buchede inda songisa suba sumu la somea. ⁹ M'pa ulimi me pepa kano Mukama m'pa na Epa masu, na aindo. ¹⁰ Suba nyoo indo nea luhua elehe la boembo na la nzomo, bato bami ema indo haya pashwiba. ¹¹ Je ama nde atoisa ibo inda toisa kapa ibo ao tela na ibo indo aleke? ¹² Bato bami, Je, mee m'pa muteni inda toa boota na kapa matunda la mee e'tino? Na maa ibo n'kua inda toa toisa ibo nde enda na kua. ¹³ Ande mawa suba munde inda na boenge m'pa mohakio? Hebu n'to ndo aonise maisha nda nza suba ekumo ake m'pa bondo inde atoi na mohakio nda nza. ¹⁴ M'pa nabe wivu aokala na nia nu suba nu, kanga boe pepa na luhua mamba na botona domi. ¹⁵ Indo enda mohakio nda nza inde atitaka toa kuli, m'pa ende tambelia la n'ketu. ¹⁶ Anga kanga wivu na soni na buchede pulipu. ¹⁷ M'pa mohakio inde atoi a mosa ande anza, mbusa konda bokolo m'pa ukalimu inde atumi na kulia ekala m'pa matunda nda nza kanga konge lea alebe na domi. ¹⁸ M'pa tonda la domi la domi bakona ka suba bokolo anga bande bakola ka bokolo.