¹ Endo anganu bato aluha, kamani anga liswani inde dua inde apikano kolanu. ² Luhanu basenani sito na ngombe anu, ba mboa bataukuto. ³ Na mabunanu inda na samani ae, na upa hoa mapunanu ano kesano suba n'sa. ⁴ On'doni, malipo anu aba nde bakola ekumu suba tio, ba suba dua, Na ngamo la bunde bakoli anza Mwame. ⁵ Bobi suba eloloi la lungo na eselo suba buchede, m'pa bolenga subili. ⁶ Benu bohukumu na moa n'to la domi kanga toisa mwalanu. ⁷ Anga, inde ba na bokolo, bato bami, mpaka pia la Mukama sinda nde n'to atema abakano na subila toa suba nji, ba na tida la mema anga mbua nda kwanga na inde mwisho kula lwahake. ⁸ Pia benu bobe na bokolo, tiadani sani memanu anga pia la Mukama nde pii. ⁹ Bato bami, kanga ba na elehe kola n'tako, anga moamuzi ame e'kuka. ¹⁰ Kwamufano bato bami ondani nyombo na bokolo la bonde banabii bande baluhuii aoneani suba ina la Mukama. ¹¹ Onda, besu akoka bunde bona bokolo <> baoki bokolo la Ayobu, na upa kusudi la Mwame kola Ayobu, nde sinda nde Mukama atumi huluma m'pa lehema. ¹² Zaidi ya puli, bato bami, kanga lapa a aina Akudula, anga "lebea" na "n'tona" lanu ame na onesa kua kusia hukumu. ¹³ Ange pulipu nde suba lengo nde nyambo? Lazima amemee, je, n'topulipu nde ona maki ao yawa? Ambepise. ¹⁴ Je kono pulipu ngopo anu nde ana njeka? M'pa akoke ba nuno ba kanisa na bonde ba nuno ba memee kolake, na bapati kamba suba ina la Mukama. ¹⁵ M'pa memea la lebea ya la musono njeki, na Mwame ambisono kuli na m'pa aba ngo akoli eloloi, Akudula kaone no eloloi lae. ¹⁶ Anga indo kapani eloiloi lanu ika Yesu na memea ika tako usamehe. ¹⁷ Elia aiabe n'to nde ina hisia sinda anu, aia memei na juhudi anga mbua kanga aloa, na mbua indai a loi suba nji suba muda a miaka esalo na amelua motoba. ¹⁸ M'pa Elia aiamemei kala kopa aiaduani mbua kola nji na nje anga kapa mavuno. ¹⁹ Bato bami na be pulipu angapo anu, na atoi suba domi, m'pa n'to metino. ²⁰ M'pa na oupe kea bende, nto nde aongoza n'to nde suba eloloi, toa lae suba ahe ndae abutsede alama memaae toa suba ekua na eloloi.